باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
بوربوردۇق ۅكۉمۅتتۉن تۉشتۉك سۇۇسۇن تۉندۉككۅ تارتۇۇ قۇرۇلۇش كومىتەتىنىن شئنجاڭعا جاردام بەرۉۉ كادىرى جاڭ يۉشان
   2017-07-16 13:21:29     xjbs   

بوربوردۇق ۅكۉمۅتتۉن تۉشتۉك سۇۇسۇن تۉندۉككۅ تارتۇۇ قۇرۇلۇش كومىتەتىنىن شئنجاڭعا جاردام بەرۉۉ كادىرى جاڭ يۉشان، شئنجاڭدا تۇرعان 6 جىل ىچىندە، كۅپ تۉردۉۉ سۇۇ مەنەن قامدوو قۇرۇلۇشۇن جۉرگۉزۉۉگۅ قاتىشىپ، بئر قانچا وزوت شاگىرىتتەردى جەتىشتىرىپ چىقتى.

 بئر ايدان كىيىن، جاڭ يۉشاندىن شئنجاڭعا جاردام بەرۉۉ قىزماتى اياقتايت، بئروق ال داعى مۇرداقىسىنداي اركۉنۉ سۇۇ ىشتەر قۇرۇلۇشۇ ۉچۉن ارى-بەرى چۇرقاپ، تالىقباي ەمگەكتەنىپ جۉرۅت. شئنجاڭدىن ەكولوگىيالىق چۅيرۅسۉ كۅپ تۉردۉۉ، اربئر مەزگىلدىن ۅزۉنچۅ ۅزگۅچۅلۉگۉ بار، تەك بئر-بىرلەپ تەكشەرۉۉ الىپ بارىپ، دولبوورلوپ، جوسپورلوعوندو انان سۇۇ بايلىعىن ار بئر ۉيگۅ تەكشى جەتكىرگەلى بولوت. شئنجاڭدا تۇرعان 6 جىل ىچىندە، جاڭ يۉشان تۉشتۉك شئنجاڭدا قىشتاققا تۉشۉۉ قىزماتى مەنەن الەكتەنىپ ەلە قالباي، داعى كۅپ تۉردۉۉ قۇرۇلۇشتاردى جۉرگۉزۉۉنۉ جوسپورلوپ چىعات. مۇنۇن ىچىندە، جاڭ يۉشان اپتوماتتىك سۇۇ تىزگىندۅۅ ارىعى قاتارلۇۇ قىيىن ماسەلەلەردى استايدئل چەچىپ، 800مئليون يۇاندىق تىكە ۅنۉم جاراتات. مىنداي زور ناتىيجاسى جۅنۉندۅ جاڭ يۉشان مىنداي دەيت:- كەچتەسى قۇمدۇقتاردىن اراسىنا جاتىپ ۇقتاعان كەزدەرىبىز بولدۇ، نان جانا سۇۇ مەنەن ازىقتانابىز.

مەيلى قانداي بولبوسۇن ۇشۇل قاقىر تالاا، چۅلدۉن اراسىنا بئر سۇۇ جولۇن اچىپ، بۇل سۇۇنۇ اربئر ۉيگۅ جەتكىرۉۉنۉ مۇرداتان كۅڭۉلۉمۅ بۉگۉپ جۉرگۅمۉن. سۇۇ ىشتەر بويۇنچا دوكتور، پىرافەسسور داراجالۇۇ ادئس ىنجىنەر قاتارى، جاڭ يۉشان 7 شاگىرت تانداپ، كەسىپى بىلىمدەن مامۇرۇ باشقارۇۇعا چەيىن وقشوبوعون سالاا بويۇنچا جەتىشتىرىپ تاربئيالادى. ازىر بۇل شاگىرتتەرىنىن بااردىعى ىنجىنەرگە ايلاندى. ال ەمى جاڭ يۉشان بولسو داعى ەلە جۇرتۇنا قايتىپ 80 جاشقا جاقىنداعان ەنەسىن كۅرۉپ كەلگەنگە داعى چولوسۇ تىيبەي، ابدان قاربالاس ىشتەپ جۉرۅت.

 6 جىلدان بەرى، جاڭ يۉشان بئر دا جولۇ تۇۇعانچىلاپ، جە ۇرۇقسات الىپ ۉيۉنۅ قايتىپ كۅرگۅن جان ەمەس، 80 جاشقا جاقىنداعان ەنەسى جانا اتاسىنىن تولۇق ورتوعو ۅرلۅۅ سىنووسۇنا ارزۇۇ تولتۇرۇپ بەرۉۉسۉن كۉتكۅن بالاسىن ويلوعوندو، جاڭ يۉشان ۅزۉنچۅ قىجالاتتا قالات. ال:-مەن شئنجاڭدى سۉيۅم، ۉچ جىلدىق شئنجاڭعا جاردام بەرۉۉ جولۇ، شئنجاڭعا دەگەن ۅمۉرلۉك مەەر-ماحابات،-دەگەن سۅز چىنىندا ىراس ەكەن، ۉچ جىل ەمەس مەنىكى 6 جىل بولدۇ، وشوندۇقتان بۇل جەرگە دەگەن مەەرىمىم ابدان تەرەڭ،-دەيت.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.