باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
چىن چۇانگو كۅكتۅم مايرامى اراپاسىندا ۉرۉمچۉدۅ ار ۇلۇت كادىر جۇرتچۇلۇعۇنان ابال سۇرادى
   2018-02-14 13:20:47     xjbs   

 ىستانسىيابىز قابارى:  

     چىن چۇانگو كۅكتۅم مايرامى اراپاسىندا ۉرۉمچۉدۅ ار ۇلۇت كادىر جۇرتچۇلۇعۇنان ابال سۇراپ، اپتونوم رايونۇبۇزداعى ار ۇلۇت ەلى جانا بىڭتۇان كادىر، جۇمۇشچۇ- قىزماتكەرلەرىنىن كۅكتۅم مايرامىن قۇتتۇقتاپ، جاقشى قاالوو تىلەكتەرىن بئلدىردى.

       كۅكتۅم مايرامى جەتىپ كەلىشى مەنەن، اپتونوم رايوندۇق پارتىكومدۇن شۇجئسى، شئنجاڭ ۅندۉرۉش قۇرۇلۇش بىڭتۇانى پارتىكومۇنۇن بئرىنچى شۇجئسى، بئرىنچى ساياسى كوممۇسارى چىن چۇانگو ۉرۉمچۉ شاارىنا كەلىپ، ار ۇلۇت كادىر جۇرتچۇلۇعۇنان چىنىعى ابال سۇرادى ارى اپتونوم رايوندۇق پارتىكوم، ەل ۅكۉمۅتۉ اتىنان اپتونوم رايونۇبۇزداعى ار ۇلۇت ەلى، بىڭتۇان كادىر، جۇمۇشچۇ-قىزماتكەرلەرىنىن كۅكتۅم مايرامىن قۇتتۇقتاپ، جاقشى قاالوو تىلەكتەرىن بئلدىردى.

     قىشقى ۉرۉمچۉ كۉمۉش تون جامىنىپ، مايرامدىق مااناي چوڭ- كىچۉۉ كۅچۅلۅردۉن باارىندا ابدان قويۇۇ بولدۇ. قىپ- قىزىل پانۇس چىراقتار ئلىنىپ، قىزىل ماملەكەت تۇۇسۇ جەلبىرەپ، بۉت جەردە مايرامدىق مااناي چىعىپ تۇرات ەلە.

     كىيىز اياز مەزگىلى اقىرلاشقان بولسودا، قىيلا سۇۇق بار ەلە. چۅيرۅ تازالىقچىلارى قاتۇۇ سۇققا قاراباي، ەرتە تۇرۇپ، قاراڭعىدا جاپاالۇۇ ەمگەكتەنىپ، ۇشۇل شااردى تازا، ىرەتتۉۉ تازالاپ جاتتى. چىن چۇانگو تەڭىرتوو رايونۇ تۉشتۉك داۋان جولۇنا كەلىپ، ۇشۇل جەردە ىشتەپ جاتقان چۅيرۅ  تازالىق جۇمۇشچۇلارىنان ابال سۇرادى. «كۅپچۉلۉك جاپاا تارتتىڭار، سىلەردىن جانا ۉي- بۉلۅڭۅردۅن كۅكتۅم مايرامى قۇتتۇۇ بولسۇن!» چىن چۇانگو چۅيرۅ تازالىق جۇمۇشچۇلارى مەنەن بئر-بىردەن قول الىشىپ كۅرۉشۉپ، قىچىراعان سۇۇقتا مەەرىمدۉۉلۉك جەتكىزدى. «كىرەشەڭەر قانداي؟»، «قىزمات كىيىمىڭەر جىلۇۇبۇ؟»، «ىسىق تاماق جەي الاسىڭاربى؟» كۅپچۉلۉكتۉن ار كۉنۉ بەيجىن ماالى ساارقى ساات 6:30 دان باشتاپ قىزمات ىشتەيتۇرعانىن بىلگەندەن كىيىن، چىن چۇانگو اياباي تااسىرلەندى. ال مىنداي دەدى:-سىلەر ۇشۇل شاارداعى ەڭ جاپاا تارتىپ جاتقان وشوندوي ەلە ەڭ ۇرماتقا تاتىقتۇۇ كىشىلەرسڭەر. سىلەر ۅزۉڭۅردۉن بئر جۇپ قولۇڭار جانا قان- تەرىڭەر مەنەن كۅپ تۉتۉندۅرگۅ تازا، ىراقات چۅيرۅ جاراتىپ، ۉرۉمچۉنۉ مادانئي شاار قىلىپ قۇرۇپ چىعۇۇعا زور سالىم قوشتۇڭار. بۉتكۉل قووم چۅيرۅ  تازالىقچىلارىنا كۅڭۉل بۅلۉپ ارى ۇرمات قىلىپ، چۅيرۅ  تازالىقچىلارىنىن ەمگەك مۅمۅسۉن ورتوق قورعووسۇ كەرەك. چىن چۇانگو كۅپچۉلۉكتۉ ەستەلىك سۉرۅتكۅ تۉشۉۉگۅ ىشتىكتۉۉ سۇنۇش قىلدى ارى قاتىشتۇۇ تارماقتاردىن جووپتۇۇ جولدوشتۇرۇنا، چۅيرۅ تازالىقچىلارىنىن مايرام مەزگىلىندەكى تۇرمۇشۇن جاقشى ورۇنداشتىرىپ، الارعا داعىدا جاقشى قىزمات، تۇرمۇش جاعدايىن جاراتىپ بەرۉۉسۉن تابىشتادى.
   
    كۅپچۉلۉكتۉن كۅكتۅم مايرامى قۇتتۇۇ بولسۇن، ۉي- بۉلۅڭۅر باقىتقا تولسۇن! TS123 ەلگە ىڭعايلۇۇ ساقچى ىشتەرى پونكىتىندە، چىن چۇانگو مىلدەت اتقارىپ جاتقان ەل ساقچىلارى مەنەن قۇرالدۇۇ ساقچى بۅلۉك كوماندىر- جووكەرلەرىنە كۅكتۅم مايرامدىق جاقشى قاالوو تىلەكتەرىن جەتكىزدى. ال قاراشتۇۇ رايوندۇن اماندىق قورعوو، كەزەكچىلىكتە تۇرۇۇ، دايار تۇرۇۇ سىياقتۇۇ ابالدارن استايدىل ەەلەدى. ەلگە ىڭعايلۇۇ ساقچى ىشتەرى پونكىتىنىن باشچىسى تاانىشتىرىپ مىنداي دەدى:- بئر جىلدان اشۇۇن چىمىرقانۇۇ ارقىلۇۇ، قاراشتۇۇ رايوندۇن اماندىق قورعوو، قىلمىشتۇۇ ىشتەر دەلوولورۇ زور داراجادا ازايدى. ار ۇلۇت ەلى، ەلگە ىڭعايلۇۇ ساقچى ىشتەرى پونكىتى قۇرۇلعاندان بەرى قووپسۇز ارى ىڭعايلۇۇ بولدۇ،- دەشتى.

     چىن چۇانگو مىنداي دەدى:- «سىلەر قىزمات وردۇڭاردا بەكەم تۇرۇپ، ۅزۉمسۉز سالىم قوشۇپ،  قان- تەرىڭەر مەنەن تۉمۅندۅگۅن ۉي- بۉلۅلۅردۉ قۇبانىچقا بۅلۅدۉڭۅر، مەن اپتونوم رايوندۇق پارتىكوم، ەل ۅكۉمۅتۉ اتىنان سىلەرگە، اپتونوم رايونۇبۇزداعى ار قايسى وموقتۇۇلۇقتۇۇ قورعوو كۉچتۅرۉنۅ جانا سىلەردىن ۉي-بۉلۅڭۅرگۅ ىراقمات ايتام، كۅپچۉلۉكتۉن كۅكتۅم مايرامىن قۇتتۇقتايىم. » چىن چۇانگو اپتونوم رايونۇبۇزداعى ار قايسى وموقتۇۇلۇقتۇۇ قورعوو كۉچتۅرۉنۉن باشتان- اقىر ەسكەرتۉۉ سىگىنالىن چالىپ، مىقتۇۇ ساقتانىپ، ار ۇباقىت جاا تارتىپ، وق اتاتۇرعان جوعورۇ داراجاداعى قىرااقىلىقتى ساقتاپ، ار ۇلۇت ەلىنىن باقتى، قووپسۇزدۇعۇ، بۉت اپتونوم رايوندۇن جالپى قىرداالىنىن سىزىل شايكەشتۉۉ، تۇرۇقتۇۇ بولۇۇسۇ ۉچۉن جاڭى سالىمداردى قوشۇۇسۇن ۉمۉت قىلدى.
  
     چىن چۇانگو جۉرۅك تۅرۉندۅ كەمباعال، قىيىنچىلىقتۇۇ ەلدىن تۇرمۇشۇن ەسكەرىپ تۇردۇ.ال حىيجىياسان ارتقى كۅچۅسۉ قوومدۇق قونۇشۇنا كەلىپ، تۇرمۇشۇ قىيىنچىلىقتۇۇ ەلدەن ابال سۇرادى. گۉلنىسا ىسمايىل ەڭ تۅمۅن تۇرمۇش قامسزداندىرۇۇسۇن الاتۇرعان تۉتۉن. ەمى ەلە ەر جەتكەن ۇلۇۇ ەزىرەحمەت مامۇت مەنەن بىرگە جاشايت. چىن چۇانگو ەنە- بالا مەنەن چوعۇۇ ولتۇرۇپ، الاردىن تۇرمۇس ابالىن كۅڭۉل بۅلۉپ سۇرادى. گۉلنىسا چىن چۇانگوعو مىنداي دەدى:- ۅزۉم ەڭ تۅمۅن تۇرمۇش قامسزداندىرۇۇسۇ، دارىلانۇۇ قامسىزداندىرۇۇسۇنان باارلانام. بالام قوومدۇق قونۇشتۇن جاردامىندا قىزمات تاپتى، ەكۅۅبۉزدۉن تۇرمۇشۇبۇز كەپەلەتكە ەە بولدۇ. ئچ- ىچىمەن باش شۇجئى شئى جئنپىڭگە، پارتئياعا، اتا مەكەنگە ىراازىچىلىق بئلدىرىپ، ماملەكەت تۇۇسۇن مىيمانقانا ۉيدۉن كۅرۉنۉكتۉۉ جەرىنە ئلىپ قويدۇم. چىن چۇانگو گۉلنىساعا ال سۇروو اقچاسىن بەردى ارى انى شىقتاندىرىپ مىنداي دەدى:- پارتئيا جانا ۅكۉمۅت ۇلاندۇۇ سىلەرگە وقشوش ۉي- بۉلۅلۅرگۅ كۅڭۉل بۅلۅت، كۅپچۉلۉكتۉن تۇرمۇشۇ كۉن سايىن جاقشىلانات. چىن چۇانگو مىنداي دەدى:- ماملەكەت جاقشى، ۇلۇتتار جاقشى بولعوندو انان كۅپچۉلۉك جاقشى بولوت. شئنجاڭداعى ار ۇلۇت ەلى جولدوش شئى جئنپىڭدى ۅزۅك قىلعان پارتئيا بوربوردۇق كومىتەتىنىن چىنىعى مەەرىمىن ار ۇباقىت ەستە بەكەم ساقتاپ، پارتئياعا القىش ايتىپ، پارتئيانىن سۅزۉن ۇعۇپ، پارتئياعا ەەرچىپ جۉرۉپ، اتا مەكەندىن شئنجاڭىن داعىدا قووز قىلىپ قۇرۇپ چىعۇۇبۇز كەرەك.  

    تۅمۅن تۇرمۇش كەپەلەتىنەن باارلانۇۇچۇ تۉتۉن جۇ حۇايلىياڭدىن ۉيۉندۅ، چىن چۇانگو جىلۇۇ ماانايدا ەكى قارتاڭ مەنەن مايەكتەشتى. 78 جاشتۇۇ جۇ حۇايلىياڭ، شئنجاڭعا كەلگەن 50 جىلدان بەرى، شئنجاڭدىن ۅنۉگۉپ ۅزگۅرۉۉسۉن ۅز كۅزۉ مەنەن كۅرگۅنۉن، ايرىقچا ازىر، شاارلاردىن بارعانسايىن قووزدوشۇپ، ار ۇلۇت ەلى بارعانسايىن ىنتىماقتاشىپ، قووپسۇزدۇق باشقارۇۇ چۅيرۅسۉ بارعانسايىن جاقشىلانعانىن، ەر-ايال ەكۅۅنۉن تۇرمۇشۇ بارعانسايىن باقىتقا  بۅلۅنگۅنۉن ايتتى. چىن چۇانگو ەكى قارتاڭعا  بەكەم دەن سوولۇق، ۇزۇن ۅمۉر تىلەپ، كۅكتۅم مايرامىن قۇتتۇقتادى. چىن چۇانگو قوومدۇق قونۇش قىزماتكەرلەرىنە، قىيىنچىلىقتۇۇ ەلدى تۇۇعانىنداي، بئر ۉي-بۉلۅۅ كىشىلەرىندەي كۅرۉپ، كۅپ ارالاپ، ال-ابالىن سۇراپ، جاردامدا بولۇپ، مەەرىم مەنەن الاردىن ئش جۉزۉندۉۉ قىيىنچىلىعىن چەچىپ، الاردىن ەە بولۇۇ، باقىتقا چۅگۉۉ سەزىمىن ۇلاندۇۇ ارتتىرۇۇنۇ تابىشتادى. چىن چۇانگو مىنداي دەدى: پارتئيا 19-قۇرۇلتايى جاڭى دووردۇن ۇلۇۇ تۇۇسۇن سىزىپ بەردى، شئنجاڭداعى ار ۇلۇت ەلى شئى جئنپىڭدىن جاڭى دوور جۇڭگوچو سوتسئيالىزىم ئدىياسىنىن جەتەكچىلىگىندە، جولدوش شئى جئنپىڭ ۅزۅكتۉگۉندۅكۉ پارتئيا بوربوردۇق كومىتەتىنىن بەكەم جەتەكچىلىگىندە، اناردىن دانىنداي تىعىز بىرلەشىپ، ار بئر قادام مەنەن قىزماتتاردى چىنىعى جاقشى ىشتەپ، داعىدا قووز بولعون ەرتەڭدى، داعىدا قووز بولعون تۇرمۇشتۇ ورتوق جاراتۇۇ كەرەك.
 
    اپتونوم رايون جەتەكچىلەرىنەن شۉ حايروڭ، سارقىت اقان ال سۇروودو بىرگە بولدۇ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.