باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
2014-جىلقى جۇڭگو شئنجاڭ ىلە تۇلپار ەل ارالىق ساياقات مايرامى
   2014-07-15 12:49:03     xjbs   

باش وونانىن 12-كۉنۉ، 2014-جىلقى جۇڭگو شئنجاڭ ىلە تۇلپار ەل ارالىق ساياقات مايرامى كەڭ تالاا، قووز جايلوو مۇڭعۇلگۉرۅ وودانىنىن قاراعانتى جايلووسۇندا ۅز كۅزۅگۅسۉن اچىپ، كۅپتۅگۅن ساياقاتچىلاردى ۅزۉنۅ تارتتى. 

     چالقىعان جايلوودو جايعالعان گۉلدۅر اچىلىپ، الىستاعى تەڭىرتوونۇن اق-قار كۅك-مۇزۇ مەنەن تۇتاشىپ ۅزگۅچۅ قووز بئر كۅرۉنۉشتۉ قالىپتاشتىرعان. تۇلپار مايرامى بولسو جايلوونۇن سالتاناتتۇۇ مايرامى. ساار مەنەن ار قايسى وودان شااردان كەلگەن جۇرتچۇلۇق جانا ماملەكەت ىچى-سىرتىنان كەلگەن ساياقاتچىلار بۇل كۅركۅم جايلووعو كەلىشىپ، بئر مايدان سالتاناتتۇۇ قىيمىلدىن باشتالىشىن كۉتۉپ تۇرۇشتۇ. اچىلۇۇ ازەمىندە الدى مەنەن ىلەنىن تۇلپارلارى، بئرىتانىيا تازا قاندۇۇ جىلقىسى، اراب جىلقىسى، گوللاندىيا جىلقىسى، احالتەكە سىياقتۇۇ دۉينۅنۉن ار قايسى جەرلەرىنىن اتاقتۇۇ جىلقىلارى كۅرسۅتۉلگۅن، ارتىنان چوڭ تىپتەگى كۅركۅم-ۅنۅر ويۇنۇ قويۇلعان، تۇلپار مەكەنىندە قىمىز جىتى اڭقىپ، مالچىلار دىر-دۇۇمانعا تۉشۉپ، سالت-سانا كۅرسۅتۉلۉپ، كۅكبۅرۉ تارتىپ، قىز قۇۇماي وينوپ، ات ويۇندارى كۅرسۅتۉلۉپ جايلوونۇ ۅزگۅچۅ شاڭعا بۅلۅدۉ. اقىرىندا جايلووعوعۇ دۉبۉرتۉۉ تاش جارعان سان مئڭ جىلقىلاردىن كۅرۉنۉشۉ ۅزگۅچۅ كۅرۉك قوشتۇ. سۉرۅتچۉ جاڭلئن بۇل كۅرۉنۉشتۅردۉن باارىن ۅز ەكىرانىنا تۉشۉرۉپ العانىن ايتىپ مىنداي دەدى: مۇردا بولسو مئڭ ەكى مئڭ جىلقى كۅرسۅتۉلچۉ، بىيىل بولسو ابدان كۅلۅمدۉ بولدۇ، مەن  ۇشۇل جىلقىلاردى كۅرۉۉ ۉچۉن كەلگەن بولۇۇچۇمۇن.

     مۇڭعۇلگۉرۅ بايىرتادان ەلە تۇلپار مەكەنى بولۇپ كەلگەن. 1994 جىلدان باشتاپ، ىلە مۇڭعۇلگۉرۅ وودانى ۇلاندۇۇ تۇلپار مايرامىن ۅتكۅرۉپ كەلەت، بۇل ساياقات كەسىبىنىن ۅنۉگۉسۉن جانا دىيقان-مالچىلاردىن كىرەشەسىن ارتتىرۇۇداعى جاقشى ماركەگە ايلاندى. بۇل كەزەكتۉۉ تۇلپار مايرامى «تۇلپار جانا جايلوو»نۇ نەگىزگى تەما قىلىپ، جىلقى كۅرسۅتۉۉنۉ باشقى ورۇنعا قويۇپ، ماملەكەتتىك «تەڭىرتوو تۇلپارى» دەگەن جوعورۇ داراجاداعى فورۇم، بوربور ازىيا تۅرت ماملەكەتتىن «كۅكبۅرۉ» ارنالۇۇ چاقىرىق جارىشى، ماملەكەتتىك ات ويۇندار چەمپئيوندۇق جارىشى، اپتونوم رايون بويۇنچا ات جارىشى سىياقتۇۇ قىيمىلداردى، وشوندوي ەلە اقىندار ايتىشى، مۇڭعۇلگۉرۅدۅ جىلقى باعۇۇ جانا ىلە تۇلپارىن تالاشتىرىپ ساتۇۇ  سىياقتۇۇ قىيمىلدار ۅتكۅرۉلگۅن.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.