باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 بۇرماقان ەنەگە ارنالعان «دۉڭگۉرۅمۅگۅ ماحابات»اتىنداعى كۅركۅم بئي دىرامماسى
   2014-07-16 11:34:35     xjbs   

باش وونانىن 13-كۉنۉ تۉشتۅن كىيىن ساات 3 تۅ، شئنجاڭدى تااسىرلەندىرگەن 10 ۉلگۉنۉن بئرى، ماملەكەتتىك قوش ۉلگۉلۉۉ چىعاان جەكە ناامىنا تاتىقتۇۇ بولعون، قىرعىز ەلىنە اتۉگۉل بۉت ماملەكەتكە تاانىمال ەنەبىز بۇرماقان مولدو قىزىنىن ئز-ىزدەرىنە ارنالعان«دۉڭگۉرۅمۅگۅ ماحابات»اتىنداعى كۅركۅم بئي دىرامماسى ۉرۉمچۉدۅكۉ شئنجاڭ كۅركۅم-ۅنۅر تىياتىرقاناسىندا سالتاناتتۇۇ قويۇلدۇ.

بۇرماقان ەنە جۅنۅكۅي مالچى ۉي-بۉلۅسۉنۅن بولۇپ، 19 جاشىنان باشتاپ دەڭىز دەڭگەلىنەن 4290 مەتىر بىيىك دۉڭگۉرۅمۅ چەك ارا چەبىن قورعوپ كەلگەن. 43 جىل بويۇ ۅكۉنبۅستۅن جانا ۅزۉنۉن جاشتىعىن مەكەندىن چەبىن قورعووعو ارناعان. بۇرماقان ەنەنىن 6 ۇۇل-قىزى بار، وشوندوي ەلە سانسىز جووكەر بالدارى بار، الاردى ۅز بالاسىنان ارتىق كۅرۉپ ەنەلىك مەەرىن باعىشتاپ كەلەت، ال بۉت چەك ارا چەبىن قورعوپ جاتقان جووكەرلەردىن ەنەسى. وشەنتىپ ال بئر قانچا جولۇ شئنجاڭدىن تااسىرلەندىرگەن 10 چىعااندىن بئرى بولۇپ باالانسا، ماملەكەتتىك قوش ۉلگۉلۉۉ چىعاان جەكە دەگەن سىيلىققا تاتىقتۇۇ بولعون.

بۉگۉنكۉ ئش چارانى شئنجاڭ مادانىي كۅركۅم-ۅنۅر جاعىنداعى ىشمەرلەردى باعىتتۇۇ تاربئيالوو بويۇنچا بەيجىن بئي ئنىستىتۇتۇنۇن 2010-جىلقى العاچقى تۉركۉمدۅگۉ رەجىسسورلۇق كىلاسىن بۉتۉرۉۉچۉ قىرعىز ىستۇدەنتتەر باش بولۇپ الىپ چىققان. ىستۇدەنتەر 4 جىلدان بەرى بەيجىن بئي ئنىستىتۇندا العان بئلىمىنىن ناتىيجاسىن شئنجاڭعا كەلىپ ار ۇلۇت ەلىنە كۅرسۅتۉپ بەردى.

ار ۇلۇت ەلىنەن قۇرالعان ويۇنچۇلار دىرامانى ابدان جاندۇۇ وينوپ، بۇرماقان ەنەنىن مەكەنگە دەگەن سۉيۉۉسۉ، جووكەرلەرگە بولعون مەەرىمى، وشوندوي ەلە مەكەندىن ۇۇچ توپۇراعىن كۅزۉنۉن قاراگىندەي قورعوپ كەلگەندىگىن ابدان تااسىرۉۉ چاعىلدىرىپ بەرگەن. ئش چاراعا ار ۇلۇت ەلىنەن بولۇپ ەكى جۉزگۅ جاقىن كۅرۅرمۅن قاتىشقان. كۅرۅرمۅندۅر كۅزدۅرۉنۅ جاش الىپ، ويۇنچۇلاردىن چەبەر وبىرازىنا جوعورۇ باا بەرىشتى، ئش چارانىن جۉرۉشۉندۅ ار ۇلۇت ەلىنىن ۇلۇتتۇق بئيى وينولۇپ، شئنجاڭدىن ۇلۇتتار ىنتىماعى داعى بئر داڭازالاندى. ەسكەرتە كەتۉۉچۉ داعى بئر ئش، بۇل جولقۇ بۇرماقان ەنەگە ارنالعان كۅركۅم بئي دىرامماسى باش وونانىن 14-كۉنۉ داعى بئر جولۇ شئنجاڭ كۅركۅم-ۅنۅر تىياتىرقاناسىندا كۅرسۅتۉلمۅكچۉ.

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.