باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
«ماناس» ەپوسۇنۇن 104 سااتتىق ۉن ماتەرىيالى  تارتۇۇلاندى
   2014-08-26 11:20:14     xjbs   

بىيىل تەكە ايىنىن اقىرىندا جە 6 -ايدىن اقىرىندا، ۇلۇۇچات وودانى جۉسۉپ ماماي ايتىمىنداعى «ماناس» ەپوسۇن ارتىستەرگە كۅركۅمدۅپ ايتتىرىپ، 104 سااتتىق ۉن ماتەرىيالىن شئنجاڭ ەل رادىيو ىستانسىياسىنىن قىرعىزچا رادىيوسۇنا تارتۇۇلادى

شئنجاڭ ەل رادىيو ىستانسىياسى قىرعىزچا ۇنىۋەرسال رادىيوسۇ پارتئيا، ۅكۉمۅتتۅن چىنىعى قولدووسۇندا، 2012- جىلى2- ايدىن27-كۉنۉ جە جالعان قۇراندىن 27- كۉنۉ، موڭعۇلچا رادىيودون جىشتىق ايرىپ، ۅز الدىنچا جىشتىق بولۇپ، وشول كۉندۅن باشتاپ 18 جارىم ساات بويۇ رادىيو بەرۉۉلۅرۉن قالىڭ قىرعىز ەلىنە كۉن بويۇي ۇقتۇرا باشتاعان بولچۇ، 2012-جىلى5-ايدىن 1-كۉنۉ قۇلجانىن 1-كۉنۉنۅن باشتاپ حانزۇچا، ۇيعۇرچا، قازاقچا، موڭعۇلچا رادىيولور مەنەن وقشوش ەلە كۉنۉنۅ 19 ساات توقتوبوي تاڭشىپ كەلەت. ال ەمى قىرعىزچا رادىيو 19 سااتتق رادىيو بەرۉۉلۅرۅن 28 قىزماتكەر مەنەن جۉرۉشتۉتۉپ كەلەت، قىزىلسۇۇ قىرعىز اپتونوم وبلاسىنىن بئر بۅلۉك ووداندارى ۇشۇل قىرعىزچا رادىيو كۉندۅلۉك بەرۉۉلۅرۉن الىپ جۉرۉۉ مىلدەتىنىن وور ەكەنىن قۇلاعى مەنەن ۇعۇپ، كۅزۉ مەنەن كۅرۉپ، ازدىر- كۅپتۉر جاردام قولۇن سۇنۇۇنۇ كۉڭۉلۉنۅ بۉگۉپ كەلگەن بولچۇ. جاقىندا، قىزىلسۇۇ قىرعىز اپتونوم وبلاسىنىن ۇلۇۇچات وودانى جەتەكچىلىگى بئر جاعىنان قىرعىزچا رادىيونۇن مازمۇنۇن بايىتۇۇ، ۇلۇتتۇق اسىل مادانئياتىبىزدىن كۅرۅنگۅسۉ بولعون «ماناس» ەپوسۇن ەل اراسىنا داعى دا جايىلتۇۇ، داعى بئر جاعىنان ۇشۇل شئنجاڭ ەل رادىيو ىستانسىياسىنىن قىرعىزچا رادىيوسۇنا چىنىعى جاردام بەرۉۉ ماقساتىندا، ۇلۇۇچات ووداندىق پارتكوم، ەل ۅكۉمۅتۉ اتىنان ۇلۇۇچات وودانىنىن اكىمى سىيار قالەن ۇۇلۇ زالقار ماناسچى جۉسۉپ ماماي اتانىن ايتىمىنداعى «ماناس» ەپوسۇن ۇلۇۇچات ووداندىق ىر- بئي ۉيۉرمۅسۉنۉن ۉنۉ جاقشى، ۇققۇلۇقتۇۇ ارتىستەرىنەن تانداپ، الارعا كۅركۅمدۅپ ايتتىرىپ، «ماناس» ەپوسۇنان 104 سااتتىق ۉن ماتەرىيالىن قىرعىزچا رادىيوعو تارتۇۇلادى. مىندان كىيىن «ماناس»تىن 8 ۇرپاعىنىن باارىن كۅركۅمدۅپ ايتتىرىپ، ۉن ماتەرىيالىنىن باردىعىن تارتۇۇلاماق بولدۇ. ەپوستۇن باردىعى ايتىلسا، بوجومول مەنەن 600 سااتتىق ۉن ماتەرىيالى بولوت ەكەن.

شئنجاڭ ەل رادىيو ىستانسىياسى قىرعىزچا ۇنىۋەرسال رادىيوسۇنۇن كۅزۅمۅلدۅۅچۉسۉ تويچۇ قۇلمامەت ۇۇلۇ ۇلۇۇچات وودانىنىن قىرعىزچا رادىيوعو بەرگەن ‹ماناس› ەپوسۇن كۅركۅمدۅپ ايتتىرعان ۉن ماتەتىيالى، رادىيو ۉچۉن چوڭ قولدوو، تابىلعىس بايلىق، چىعارماچىل وي مەنەن كۅرسۅتكۅن كۅرۅسۅندۅك، -دەپ تەڭ ىراازىچىعىن بئلدىردى.

شئنجاڭ ەل رادىيو ىستانسىياسىنىن ورۇن باسار ىستانسىيا باشچىسى ەمەن اڭداماس ۇۇلۇ، قىرعىزچا ۇنىۋەرسال رادىيوسۇنا جووپتۇۇىستانسىيا جەتەكچىسى قاتارى، ۇلۇۇچات وودانىنىن ىشتەگەن ەمگەگىن جوعورۇ باالاپ، «ەر ەمگەگىن ەل باالايت»، ‹ماناس› ەپوسۇن ارتىستەرگە كۅركۅمدۅپ ايتتىرعان ۉن ماتەرىيالى رادىيو قازىناسىنىن التىن بايلىعى، بۇل رادىيودو بەرىلىپ ەلە قالباي، ۇرپاقتارعا قالتىرىلاتۇرعان چوڭ بايلىق سانالات، -دەپ، شئنجاڭ ەل رادىيو ىستانسىياسى اتىنان چوڭ ىراازىچىلىعىن بىلدىردى.

قابارچىنىن ەەلەشىنە قاراعاندا، سىيار قالەن ۇۇلۇ«ماناس» ەپوسۇنۇن8 ۇرپاعىنىن قالعان496 سااتتىق ۉن ماتەرىيالى بۅلۉگۉن كۅركۅمدۅپ ايتتىرىپ بۉتكۅنۉنۅ قاراي شئنجاڭ ەل رادىيو ىستانسىياسىنىن قىرعىزچا رادىيوسۇنا التى ايدا بىردەن قامداپ تۇرارىن ايتقان.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.