باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 «زامانباپ مادانئياتتى جەتەكچى قىلىپ، وپسۇزدۇقتۇ جويۇۇ» تەماسىنداعى دىيقاندار «كىچىك الما» بئي جارىشى بولۇپ ۅتتۉ
   2014-12-26 11:08:05     xjbs   

2014- جىلى ۉچتۉن ايىنىن 17- كۉنۉ، قاشقار ايماعى جاڭىسار وودانىنىن لومپو ايىلىندا، دئننىي وپسۇزدۇقتۇ جويۇۇ قىزماتىن تەرەڭ قۇلاچ جايدىرۇۇ، قالايىق- قالقتىن دئننىي وپسۇزدۇققا قارشى تۇرۇۇ كۉچۉن كۉچۅتۉۉ ۉچۉن، «زامانباپ مادانئياتتى جەتەكچى قىلىپ، وپسۇزدۇقتۇ جويۇۇ» تەماسىنداعى دىيقاندار «كىچىك الما» بئي جارىشى بولۇپ ۅتتۉ.

بۇل قىيمىلعا ايىلدىق پارتكومدۇن شۇجئسى كەرىم ابدۇبەلى، ايىلدىق پارتكومدۇن ورۇن باسار شۇجئسى، ايىلدىق ۅكۉمۅت باشچىسى جاڭ گولوڭ، ايىلدىق پارتكوم، ەل ۅكۉمۅتۉنۉن بانزا مۉچۅلۅرۉ، ار قايسى قىشتاقتارعا تۉشكۅن قىزمات گۇرۇپپاسىنىن مۉچۅلۅرۉ قاتىشتى. جارىشقا لومپو ايىلىنداعى سەگىز قىشتاقتىن دىيقاندارىنان قۇرالعان جۉز كىشىلىك سەگىز بئي توبۇ ات سالىشتى. جارىشتا، لومپو ايىلىنىن 8- قىشتاعى (شاقباق قىشتاعى، قىرعىزدار قىشتاعى) نان كەلگەن دىيقاندار كومانداسى قىرعىز ۇلۇتتۇق كىيىمدەرىن كىيىپ بىيلەپ، ۉچۉنچۉ ورۇندۇ جەڭىپ الىشتى. الار ۇلۇتتۇق كىيىمدەرىن ارتىش شاارى، ۇلۇۇچات وودانى، اقتوو وودانىنىن ار قايسى جەرلەرىنان ئجاراعا سۇراتىپ كەلىپ، «كىچىك الما» بىيىنە اتايىن چوڭ داياردىقتاردى جاساشىپتىر. «كىچىك الما» بئيىن بىيلەپ بولعون سوڭ، «قارا جورعو»نۇ بىيلەشىپ، مايداندى جاڭى تۉسكۅ بۅلۅدۉ. قول چابۇۇلار توقتوبوي، سۉرۅتچۉلۅرگۅ دا قىزىق تۇيۇلسا كەرەك، چۇرقاپ بارىپ سۉرۅتكۅ تارتىپ، جاردانىپ تۇرۇشتۇ. ەمى شاقباق قىشتاعى جۅنۉندۅ قىسقاچا تاانىشتىرا كەتەيىن: شاقباق قىشتاعى لومپو ايىلدىق ەل ۅكۉمۅتۉنۉن باتىشىنداعى 7~8 كىلومەتىر جەردە. اندا جالپى 75 تۉتۉن، 336 دان اشۇۇن جاران جاشايت. جەر تۉزۉلۉشۉ تۉز، شاقباق قىشتاعىنا قاراشتۇۇ ەكى كىچىك گۇرۇپپا (شودۉي) بار. ايدوو جەر ايانتى 650 مو، كىشى باشىنا ورتوچو 1.9 مودون تۇرا كەلەت. باق- داراق كۅلۅمۉ 500 مو. ٪95 ى قىرعىزدار، مىندان باشقا ۇيعۇر جانا تاجىك ۇلۇتۇ دا بار. كۅپ ساندۇۇسۇ ۇيعۇرچا سۉيلۅشۅت. قىرعىزچا سۉيلۅي تۇرعاندار از ساندى ەەلەيت. بالدار بالا باقچادان باشتاپ قوڭشۇ قىشتاقتاعى جانا ايىلداعى ۇيعۇر مەكتەپتەردە بئلىم الىشات. باشتالعىچ مەكتەپ جانا بالا باقچادا وقۇعان بالدارىن اتا- ەنەلەرى موتوسەكلەت مەنەن 7~8 كىلومەتىر الىستاعى مەكتەپكە الىپ- بارىپ، الىپ- كەلىپ وقۇتۇشات ەكەن.

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.