باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جاڭ چۉنشىيان تاجىگىستاندا تەكشەرىپ ىزىلدۅۅدۅ بولدۇ
   2015-04-23 17:48:07     xjbs   

ج ك پ بوربوردۇق كومىتەت ساياسى بيروسۇنۇن مۉچۅسۉ، اپتونوم رايوندۇق پارتىكومدۇن شۇجئسى، بىڭتۇان پارتىكومۇنۇن بئرىنچى شۇجئسى، بئرىنچى ساياسى كوممۇسسارى جاڭ چۉنشىيان بۇعۇنۇن 18- كۉنۉنۅن20- كۉنۉنۅ چەيىن شئنجاڭ ۇيعۇر اپتونوم رايوندۇق پارتئيا، ۅكۉمۅت ۅكۉلدۅر توبۇن باشتاپ تاجىگىستاندا تەكشەرىپ ىزىلدۅۅدۅ بولدۇ.
بۇعۇنۇن 20- كۉنۉ تۉشتۅن مۇرۇن، جاڭ چۉنشيان قاتارلۇۇلار تاجىگىستاندىن بوربورۇ دۉيشەمبىگە جەتىپ كەلىپ، تاجىگىستان پئرزدەنتى راحمون مەنەن مايەك ۅتكۅزدۉ. جاڭ چۉنشىيان الدى مەنەن ماملەكەت تۅراعاسى شئى جىنپىڭدىن پئرزدەنت راحمونعو جولدوعون ىسىق سالامىن جەتكىزدى.

جاڭ چۉنشىيان مىنداي دەدى:- جۇڭگو-تاجىگىستان دوستۇعۇ ۇزۇنتان بەرى ۇلانىپ كەلەت، ايرىقچا بىلتىر تۅراعا شئى جىنپىڭ تاجىگىستاندا جەڭىشتۉۉ ماملەكەت ىشتەرى زىياراتىندا بولۇپ، ەكى ماملەكەت باشچىلارى بئر سىيرا ورتوق تاانىمعا كەلپ، «جۇڭگو-تاجىگىستاندىن ىستىراتەگىيالىق شەرىكتىك بايلانىشىن بئردەمجىي ۅنۉكترۉۉ جانا تەرەڭدەتۉۉ جۅنۉندۅكۉ بىرلەشمە ۉندۅۅسۉنۅ» ورتوق قول قويۇپ، جۇڭگو-تاجىگىستان بايلانىشن ۅنۉكتۉرۉۉنۉن باعىتىن ايقىنداشتىرىپ، جاڭى قىيمىلداتقىچ كۉچۉن قوشتۇ.
جۇڭگو شئنجاڭ بولسو تاجىگىستاندىن جاقشى قوڭشۇسۇ، جاقشى دوسۇ، جاقشى شەرىگى. ۅكۉلدۅر توبۇنۇن بۇل جولقۇ تاجىگىستاندا زىياتتوو بولۇۇسۇ _ جەرلىك قاتمارىنان تۅراعا شئى جىنپىڭ مەنەن پئرزدەنت راحمون تۉزگۅن بئر سىيرا زارىل ورتوق تاانىلداردى جۉزۅلۅشتۉرۉپ، جىبەك جولۇ ەكونومىكالىق القاعىن ورتوق قۇرۇۇ ارتقا كۅرۉنۉشۉندۅ، جۇڭگو شئنجاڭدىن تاجىگىستان مەنەن بولعون ار قايسى سالاالارداقى الماشتىرۇۇ جانا قىزماتتاشتىعىن بئردەمجىي كۉچۅتۉۉدۅن تۇرات.

جاڭ چۉنشىيان مىنداي دەدى:- « جىبەك جولۇ ەكونومىكالىق القاعى قۇرۇلۇشۇن ورتوق باچىمداتۇۇدا، تاجىگىستان _ جۇڭگو شئنجاڭدىن الدى مەنەن اشتاشا تۇرعان باعىتى، بئز تاجىگىستاندى جۇڭگو شئنجاڭدىن بوربور ازىيا رايوندورۇ مەنەن بولعون قىزماتتاشتىعىنىن تۉيۉنۉ دەپ قاروونۇ قاالايبىز، تاراپتار، جىبەك جولۇ ەكونومىكالىق القاعىن قۇرۇۇنۇ ىمەرچىكتە، «بەشتى شىدىرلاشتىرۇۇ»نۇ نەگىزگى مازمۇن قىلىپ، الماشتىرۇۇ جانا قىزماتتاشۇۇنۇ كۉچۅتۉپ، كەەبىر سالاالاردا الدى مەنەن وورۇلاردى قولعو كەلتىرىپ، ۉلگۉلۅردۅن بولۇۇسۇ كەرەك، تاراپتار، قاتتوونۇ ۅز ارا جالعوونۇ بئردەمجىي كۉچۅتۉۉسۉ ايرىقچا، جۇڭگو-تاجىگىستان چەك اراسىنا باراتۇرعان تاش جولدۇ ۇزارتىپ، ۅزگۅرتۉپ جاسوونۇ بىردەمجىي كۉچۅتۉۉنۉ قاالايت. ايىل-چاربا قىزماتتاشتىعىن كۉچۅتۉپ، ەلەكتىر قاينارى، كەن بايلىقتارى قاتارلۇۇ سالاالارداقى قىزماتتاشتىعىن تەرەڭدەتۉۉنۉ؛ تاراپتاردىن گۇمانىتارلىق سالاالارداعى الماشتىرۇۇ، قىزماتتاشتىعىن ۇلاندۇۇ قولعووعو الىپ جانا باچىمداتىپ، ەكى ماملەكەت ەلىنىن دوستۇعۇن چىڭالتۇۇنۇ؛ ۉچ تۉردۉۉ كۉچتۅرگۅ ورتوق قاتۇۇ سوققۇ بەرىپ، رايون قووپسۇزدۇعۇ مەنەن تۇرۇقتۇۇلۇعۇن قورعوپ، جىبەك جولۇ ەكونومىكالىق القاعىن قۇرۇۇداعى باشتامچى بولۇۇنۇ قاالايت ».

راحمون تۅراعا شئى جىنپىڭدىن اعا ىسىق سالام جولدوعونۇنا ىراقمات ايتتى ارى جاڭ چۉنشىيان باشتاعان شئنجاڭ ۇيعۇر اپتونوم رايوندۇق پارتئيا، ۅكۉمۅت ۅكۉلدۅر توبۇنۇن تاجىگىستاندا زىياراتتا بولعونۇن قارشى الاتۇرعانىن بئلدىردى.
راحمون مىنداي دەدى:- تاجىگىستان جۇڭگو شئنجاڭ مەنەن قىزماتتاشۇۇعا ايرىقچا ماانئى بەرەت، تاراپتاردىن ورتوق چىمىرقانۇۇسۇندا، جۇڭگو-تاجىگىستان چەك اراسىنىن رولۇن بىردەمجىي ۅۅرچۉتۉۉنۉ؛ ايىل-چاربانى الدىندا قىزماتتاشۇۇ باعىتى قىلىپ، شئنجاڭ ارتىقچىلىعىن ۅۅرچۉتۉپ، شئنجاڭدىن باقتا، قىزىل مىلىق جەتشتىرۉۉ، سۇۇ ۉنۅمدۅپ سۇعاتتوو، قۇرت-قۇمۇرۇسقا جانا ىلاڭ جانا كەسەلدىكتەردىن الدىن الۇۇ جاقتارىنداقى تاجئرىيبالارىنان جاقشى ۉلگۉ الىپ، تاجىگىستاندىن ايىل-چاربا ۅندۉرۉش دەڭگەەلىن جوعورۇ كۅتۅرۉۉنۉ قاالايت. جاقىنقى جىلداردان بەرى تاجىگىستان ەلىندە حانزۇ تئلىن ۉيرۅنۉۉ قىزىندۇۇلۇعۇ كۅتۅرۉلدۉ. تاراپتاردىن گۇمانىتاردىق، بلىم بەرۉۉ سىياقتۇۇ جاقتارىنداقى الماشتىرۇۇسۇن كۉچۅتۉۉنۉ؛ شاڭحاي قىزماتتاشىق ۇيۇمۇنا مۉچۅ ماملەكەت بولعوندۇقتان، تاجىگىستان جۇڭگو شئنجاڭ مەنەن تەرروردۇققا قارشى تۇرۇۇ جاعىنداعى قىزماتتاشۇۇنۇ كۉچۅتۉپ، ۉچ تۉردۉۉ كۉچتۅرگۅ ورتوق سوققۇ بەرۉۉنۉ ۉمۉت قىلات.

سۉيلۅشۉۉدۅ، تاراپتار داعى مىنا بۇلاردى بئلدىردى:- جاڭى بئر ايلانپالۇۇ جۇڭگو شئنجاڭ- تاجىگىستان قىزماتتاشتىق كەلىشىمىن ىمەرچىكتەپ كەڭەشتى.
سۉيلۅشۉۉ سوڭۇنا چىقاندان كىيىن، جاڭ چۉنشىيان تاجىگىستان ماالىمات قاراجاتتارىنىن قابارچىلارى مەنەن كۅرۉشۉپ، ۅكۉلدۅر توبۇنۇن بۇل جولقۇ تاجىگىستانعا زىياراتتا بولۇۇسۇنۇن ماقساتىن جانا قول جەتكىزگەن ىيگىلىكتەرىن ايىتتى.

بۇعۇنۇن 20- كۉنۉ تۉشتۅن كىيىن، جاڭ چۉنشىيان راحمون مەنەن ۅزگۅچۅ تىرانسفورماتور جارناق چەكتۉۉ شىرەكەتى كۅتۅرۅگۅ الىپ قۇرۇلۇش قىلعان تاجىگىستان ۅكۉمۅتۉنۅ تىكە قاراشتۇۇ رايوندوعۇ 500 كىلوۋوتتۇق ەلەكتىردى تورلوشتۇرۇۇ قۇرۇلۇشۇ جە ۅزگۅچۅ تىرانسىفور ماتور جارناق چەكتۉۉ شىرەكەتى جاردام بەرىپ سالعان جۇڭگو-تاجىگىستان دوستۇق مەكتەبىنىن ۇل سالۇۇ ازەمىنە قاتىشتى.
جاڭ چۉنشىيان قۇتتۇقتوو قاتىندا مىنداي دەدى:- تىكە قاراشتۇۇ رايوندوردۇن ەلەكتىرىن تورلوشتۇرۇۇ _ تاجىگىستان ۅكۉمۅتۉنۅ تىكە قاراشتىرۇۇ رايوندوردۇ ەلەكتىر مەنەن قامدوونۇ مىقتى كەپەلەتكە ەە قىلىپ، تاجىگىستان ماملەكەتتىك ەلەكتىر تورۇنۇن نەگىزگىدۉۉ ەلەكتىر تورۇ قاندىرعاسىن بىردەمجىي كەمەلدەندىرىپ، تاجىگىستاندىن «سۇۇ، ەلەكتىر ارقىلۇۇ ماملەكەتتى گۉلدۅندۉرۉۉ» ىستىراتەگىياسىن جالپى بەتكەي جولعو قويۇۇعا جاردامى تىيەت. بۇل جۇڭگو شئنجاڭدىن تاجىگىستان مەنەن بولعون قىزماتتاشتىعىنىن داعى بئر بەلگى مۉنۅزدۉۉ قۇرۇلۇشۇ سانالات. جۇڭگو-تاجىگىستان دوستۇق مەكتەبى _ 1200 دەن كۅبۉرۅۅك تاجىگىستاندىن جاش ۅسپۉرۉمدۅردۉ جاقشى زامانداشقان ۉيرۅنۉۉ چۅيرۅسۉنۅ ەە قىلات. بۇل ەكى تۉر _ جۇڭگو شئنجاڭدىن تاجىگستان مەنەن بولعون ۅزگۅچۅ دوستۇق قىزماتتاشتىق بايلانىشىنىن جارقىن ەلەسى، وشوندوي ەلە جۇڭگو شئنجاڭدىن تاجىگىستان مەنەن جىبەك جولۇ ەكونومىكالىق القاعىن ورتوق قۇرعاندىعىنىن كونكىرتتۉۉ چاراسى.

راحمون سۉيلۅگۅن سۅزۉندۅ مىنداي دەدى:- جۇڭگو ايرىقچا جۇڭگو شئنجاڭدىن ۅزۉمسۉز سالىم قوشۇۇسۇندا، تاجىگىستان بئر سىيرا قۇرۇلۇش تۉرلۅرۉن باچىمداتتى، تاجىگىستان ەلى جۇڭگو ەلىنىن، شئنجاڭ ەلىنىن دوستۇعۇن تەرەڭ سەزىنىپ جەتتى. بۇل تۉرلۅردۉ ابدان جوعورۇ باالايت، تىكە قاراشتۇۇ رايوندو 500 كىلوۋوتتۇق ەلەكتىر تورۇنا كىرگىزۉۉ قۇرۇلۇشۇ تاجىگىستان ماملەكەتىنىن جوسپورۇندا ابدان زارىل ورۇندا تۇرات. تاجىگىستانداقى ار ۇلۇت ەلىنىن تۇرمۇشۇن جاقشىلوو، جاڭىچا ۅنۅر جاي كەرقانالارىنىن ەلەكتىر مۇقتاجى ماسەلەسىن چەچۉۉ وشوندوي ەلە ەكونومىكانىن ار قايسى سالاالارىنداقى ۅنۉگۉۉسۉن كۉچۅتۉۉدۅ العىلىقتۇۇ رول اتقارات. جۇڭگو-تاجىگىستان دوستۇق مەكتەبى ــ تاجىگىستاندىن اعارتۇۇ ىشتەرىن ۅنۉكتۉرۉۉدۅ زارىل رول اتقارات، بۇل ەكى تۉرجۇڭگو- تاجىگىستاندىن قىزماتتاشتىعىنداعى داعى بئر جەڭىشكە جەتكەن تىپتەردەن، جۇڭگو-تاجىگىستاندىن چىنىعى قىزماتتاشتىعىنداقى جاڭى بەلگىلەردەن بولوت.
جاڭ چۉنشىيان مەنەن راحمون ەكى تۉردۉن باشتالۇۇسۇ بويۇنچا ۇل سالۇۇ قاتىنا ورتوق قول قويدۇ، ارى جەرگىلىكتىن اداتى بويۇنچا ۇل سالۇۇ قاتىنا سارى قالەمدى تاشتاپ، سارى كەلەمدى بوتونعو ارالاشتىرىپ، قۇرۇلۇشتۇن باشتالعاندىعىنا بەلگى قىلات.
بۇعۇنۇن 19- كۉنۉ تۉشتۅن كىيىن، جاڭ چۉنشىيان قاتارلۇۇلار تاجىگىستاندىن ۅكۉمۅت راسسۇلزودانىن جورولۇعۇندا، دانگەرىك شاارىندا تەكشەرىپ ىزىلدۅۅدۅ بولدۇ. 20- كۉنۉ تۉشتۅن مۇرۇن، جاڭ چۉنشىيان مەنەن راسسۇلزودا مايەك ۅتكۅزدۉ. تاراپتار مىنا بۇلاردى بئلدىردى:-قىزماتتاشتىق مەحانىزىمىن بىردەمجىي كەمەلدەندىرىپ، جىبەك جولۇ ەكونومىكالىق القاعىن ورتوق قۇرۇۇنۇن ارتىندا، جۇڭگو شئنجاڭدىن تاجىگىستان مەنەن بولعون ار قايسى سالاالارداعى قىزماتتاشتىعىن جالپى بەتكەي جوسپورلوپ، ەكونومىكالىق سوودا، ايىل-چاربا، ەلەكتىر، ۅز ارا قابارلاشۇۇ، گۇمانىتارلىق الماشتىرۇۇ، قووپسۇزدۇق قاتارلۇۇ سالاالارداعى قىزماتتاشۇۇنۇ بئردەمجىي تەرەڭدەتۉۉسۉ كەرەك.

بۇل جولقۇ زىياراتىندا، جاڭ چۉنشىيان سۇعدىيا وبلاسىنىن بوربورۇ قوجەنت شاارىندا، سۇعدىيانىن وبلاس باشچىسى ابدۇراحمان قىجىل مەنەن مايەك ۅتكۅزدۉ.
تاجىگىستاندا زىياراتتا بولعوندو، جاڭ چۉنشىيان قاتارلۇۇلار دىيقان ابدۇرىيىمدىن ۉيۉنۅ بارىپ، جەرلىك دىيقانداردىن ۅندۉرۉش، تۇرمۇش ابالىن استايدىل ەەلەدى.
جۇڭگونۇن تاجىگىستاندا تۇرۇشتۇۇ ەلچىسى فان شىيەنرۇڭ تەكشەرىپ ىزىلدۅۅدۅ چوعۇۇ بولدۇ ارى سۉيلۅشۉۉگۅ قاتىشتى. اپتونوم رايون جانا بىڭتۇان جەتەكچىلەرىنەن ەركىن تۇنىياز، كوڭ شىڭلۇڭ قاتارلۇۇلار زىياراتتا بىرگە بولدۇ ارى جوعورۇدا ايتىلعان قىيمىلدارعا چوعۇۇ قاتىشتى.

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.