باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ماملەكەتتىك ەمگەك ۉلگۉلۅرۉ مەنەن چىعاان قىزماتكەرلەردى داڭازالاپ- سىيلوو جىيىنى
   2015-04-30 12:30:27     xjbs   

«قۇلجانىن 1- كۉنۉ» ەل ارالىق ەمگەكچىلەر مايرامى جەتىپ كەلۉۉ الدىندا، 2015- جىلدىق «قۇلجانىن 1- كۉنۉ» ەل ارالىق ەمگەكچىلەر مايرامىن قۇتتۇقتوو جانا ماملەكەتتىك ەمگەك ۉلگۉلۅرۉ مەنەن چىعاان قىزماتكەرلەردى داڭازالاپ- سىيلوو جىيىنى بۇعۇنۇن 28- كۉنۉ بەيجىندە اچىلدى.

 ج ك پ بوربوردۇق كومىتەتىنىن شۇجئسى، ماملەكەتىبىز تۅراعاسى، بوربوردۇق اسكەرىي ىشتەر كومىتەتىنىن تۅراعاسى شئى جئنپىڭ جىيىندا زارىل سۅز سۉيلۅدۉ. پارتئيا بوربوردۇق كومىتەتى، بوربوردۇق ەل ۅكۉمۅت اتىنان، بۉتكۉل ماملەكەتتەگى ار ۇلۇت جۇمۇشچۇلارى، دىيقاندارى، زىيالىلار جانا باشقا ار قايسى قاتمارداعى ەمگەكچىلەردىن، ەل ازاتتىق ارمئياسى سوعۇشقا قول باشچىلىق قىلۇۇ قىزماتكەرلەرى، قۇرالدۇۇ بۅلۉك كوماندىر جووكەرلەرى جانا قووم قووپسۇزدۇق ەل ساقچىلارى، شىياڭگاڭدىق بووردوشتور، اۋمىندىك بووردوشتور، تايۋاندىق بووردوشتور جانا چەت ەلدەگى مااجىرلاردىن مايرامىن قۇتتۇقتادى. ىسلاات اچىپ جىبەرۉۉ جانا سوتسىيالىستىك زامانداشتىرۇۇ قۇرۇلۇشۇ ۉچۉن كۅرۉنۉكتۉۉ سالىم قوشۇپ جاتقان ەمگەك ۉلگۉلۅرۉ مەنەن چىعاان قىزماتكەرلەرگە ۇلۇۇ ۇرماتىن بئلدىردى. شئى جئنپىڭ داعى جۇڭگو جۇمۇشچۇلار تابى مەنەن قالىڭ ەمگەكچى جۇرتچۇلۇقتۇن اتىنان، بۉتكۉل دۉينۅدۅگۉ ەمگەكچىلەر تابى مەنەن قالىڭ ەمگەكچى جۇرتچۇلۇققا سالامىن جۅنۅتتۉ.

 شئى جئنپىڭ سۅز سۉيلۅگۅندۅ مىنالاردى باسا كۅرسۅتتۉ: بئز تۇرۇپ جاتقان دوور كىشىنى تولقۇنداتقان ۇلۇۇ دوور، بئز ىشتەپ جاتقان ىشتەرىبىز مۇرداعىلار ىشتەبەگەن ۇلۇۇ ئش. جالپى بەتكەي الدۇۇ قووم قۇرۇپ چىعۇۇ، ەلى بايكەر، كۉچتۉۉ، دەموكىراتىيالۇۇ، مادانئي، شايكەشتۉۉ سوتسىيالىستىك زامانداشقان ماملەكەت قۇرۇۇدا، تۉپ تامىرىنان ەمگەك، ەمگەكچىلەردىن جاراتۇۇسۇنا سۅۅنۅبۉز. بئز باشتان- بويعو ەمگەكتى جوعورۇ باالايبىز، ەمگەكچىلەردى ۇرماتتايبىز، باشتان- بويعو جۇمۇشچۇلار تابى مەنەن قالىڭ ەمگەكچى جۇرتچۇلۇقتۇن نەگىزگى قوشۇۇندۇق رولۇن اتقارۇۇسۇنا ماانئى بەرەبىز. بۇل بئزدىن بۉگۉنكۉ «قۇلجانىن 1- كۉنۉ» ەل ارالىق ەمگەكچىلەر مايرامىن ەسكەرۉۉبۉزدۉن ورچۇندۇۇ ماانئسى ەسەپتەلەت.

 لئى كىچىياڭ جىيىندى باشقاردى، جاڭ دىجىياڭ، يۉ جىڭشىڭ، ۋاڭ چئشان، جاڭ گاۋلى جيىنعا قاتىشتى، لئيۇ يۉنشان داڭازالاپ سىيلوو چەچىمىن وقۇدۇ. تۉشتۅن مۇردا ساات 10 دو، جىيىن باشتالدى، جىيىنعا قاتىشقاندار بۉتۉندۅي وردۇنان تۇرۇپ، ماملەكەت ىرىن ىردادى. لئيۇ يۉنشان «ج ك پ بوربوردۇق كومىتەتى، بوربوردۇق ۅكۉمۅتتۉن ماملەكەتتىك ەمگەك ۉلگۉلۅرۉ جانا چىعاان قىزماتكەرلەردى داڭازالاپ سىيلوو جۅنۉندۅگۉ چەچىم»دى وقۇدۇ. چەچىمدە مىنالار كۅرسۅتۉلدۉ: 2010- جىلدان بەرى ايرىقچا پارتئيا 18- قۇرۇلتايىنان بەرى، ار سالاادا بئر تۉركۉم جۇمۇش وردۇن جانداي سۉيگۅن، جاڭىلىق جاراتۇۇعا باتىل، جوعورۇ ساپاتتۇۇ، كەسىپتىك بەرەكەتى جوعورۇ چىعاان ىشمەرلەر سۇۇرۇلۇپ چىقتى، پارتئيا بوربوردۇق كومىتەتى، بوربوردۇق ۅكۉمۅت 2064 كىشىگە ماملەكەتتىك ەمگەك ۉلگۉسۉ اتاعىن، 904 كىشىگە ماملەكەتتىك چىعاان قىزماتكەر اتاعىن ىيعارۇۇنۇ چەچىم قىلدى. ماملەكەتتىك ەمگەك ۉلگۉلۅرۉ جانا چىعاان قىزماتكەرلەر ۅكۉلدۅرۉ قاتارى مەنەن تۅراعالار سەكىسىنە چىقتى، پارتئيا جانا ماملەكەتتىن جەتەكچىلەرى الارعا سىيلىق تاراتتى.

 ج ك پ بوربوردۇق كومىتەتى، ماملەكەتتىك ەل قۇرۇلتايى تۇرۇقتۇۇ كومىتەتى، بوربوردۇق ۅكۉمۅت، ماملەكەتتىك ساياسئي كەڭەش، بوربوردۇق اسكەرىي ىشتەر كومىتەتىنىن بايلانىشتۇۇ جەتەكچىلەرى جىيىنعا قاتىشتى. بوربوردۇق پارتئيا، ۅكۉمۅت، اسكەرىي، جۇرتچۇلۇقتۇن بايلانىشتۇۇ تارماقتارى مەنەن بەيجىن شاارىنىن جووپتۇۇلارى، ار قايسى دەموكراتتىك پارتئيا جااتتاردىن بوربوردۇق كومىتەتى، ماملەكەتتىك سوودا ۅنۅر جايچىلار بىرىكمەسىنىن جووپتۇلارى جانا پارتئياسى ىشمەرلەردىن ۅكۉلدۅرۉ، ۅزگۅچۅ سۇنۇش قىلعان مۇرداعى ماملەكەتتىك ەمگەك ۉلگۉلۅرۉ جانا چىعاان قىزماتكەرلەردىن ۅكۉلدۅرۉ جىيىنعا قاتىشتى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.