باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
  4- كەزەكتۉۉ جاش ۅسپۉرۉمدۅر قوش تىلدە سۉيلۅۅ جارىشى باشتالدى
   2015-05-08 12:53:23     xjbs   

قۇلجانىن 6- كۉنۉ تۉشتۅن كىيىن، اپتونوم رايون تەلە-تەلەفۇن جىينالىشىن اچىپ، «جۇڭگو كۅچمۅ قابارلاشۇۇسۇ، مەكتەپ مۅرۅيۉن تالاشۇۇ» بويۇنچا اپتونوم رايوندۇن 4- كەزەكتۉۉ جاش ۅسپۉرۉمدۅر قوش تىلدە سۉيلۅۅ جارىشىنىن ئراسىمىي باشتالعاندىعىن جارىيالادى.

بۉگۉندۅن باشتاپ كىينكى ايدىن 20- كۉنۉنۅ چەيىن، اپتونوم رايوندۇن 4- كەزەكتۉۉ جاش ۅسپۉرۉمدۅر قوش تىلدە سۉيلۅۅ جارىشىنا اپتونوم رايون بويۇنچا قاتتالات. شئنجاڭ نوپۇسۇنداعى، ماملەكەت تىلى مەنەن از ساندۇۇ ۇلۇت تىلىندە پىكىر الماشتىرا الالاتۇرعان 4 جاشتان 13 جاشقا چەيىنكى مەكتەپتەگى جانا بالا باقچاسىنداعى بالداردىن بااردىعى مەلدەشكە قاتىشۇۇعا قاتتالسا بولوت. انىن ىچىندە، ەنە تئلى حانزۇ تئلى بولعون قىلداتتار ماملەكەت تئلى مەنەن جەرگىلىكتەگى بئر از ساندۇۇ ۇلۇتتۇن تئلىن ۉيرۅنۉپ مەلدەشكە قاتىشۇۇسۇ شارت.

قاتتالعان مەزگىلدە، جەر-جەرلەردەگى بالا باقچاسى، باشتالعىچ مەكتەپتەر شئنجاڭ جاڭىلىقتار ىنتەرنەتى سىياقتۇۇ ىنتەرنەت سايىتتارىنا چىعىپ، قاتتالۇۇ گىراپپاسىن تۉشۉرۉپ، تۉردۉۉ ماالىماتتاردىن قورتۇندۇسۇن چىعارعاندان كىيىن، ۅزدۅرۉ تۇرۇشتۇۇ وودان، شاار، رايوندۇق اعارتۇۇ مەكەمەلەرىنە مەلدەشكە قاتىشۇۇعا قاتتالسا بولوت. قاتتالۇۇ ۇباقتى توشقوندون كىيىن باش وونانىن 10- كۉنۉنۅن باشتاپ، وودان، شاارلاردا تۇنعۇچ ىرەتكى مەلدەش، ايماق، وبلاستاردا قايتالانما مەلدەش جانا اپتونوم رايوندو چەچىمدۉۉ مەلدەش ۇلاندۇۇ ۅتۅت.

مەلدەش سوڭۇندا 15 چىعاان قوش تىلدۉۉ بۅبۅك، 20 چىعاان قوش تىلدۉۉ ۅسپۉرۉم، 35 جەتەكچى وقۇتۇۇچۇعا باعباندار سىيلىعى ىيعارىلات. باشتالعىچ مەكتەپ گۇرۇپپاسىنداعى سىيلىققا تاتىقتۇۇ بولعون قىلداتتار رايون ىچىندەگى تولۇقسۇز ورتو مەكتەپكە وقۇۇچۇ قابىلدوو سىنووسۇن بەرگەندە، نومۇر قوشۇلات. مىندا، ايماق، وبلاستىق قايتالانما جارىشتا الدىنقى ۉچ ورۇندا تۇرعان قىلداتتارعا بەش نومۇر قوشۇلات.

 اپتونوم رايوندۇق چەچىمدۉۉ جارىشتار سىيلىققا تاتىقتۇۇ بولعون 35 قىلداتقا 15 نومۇر قوشۇپ بەرىلەت. اپتونوم رايون قۇلاقتاندىرۇۇ تاراتىپ، جەر-جەرلەردىن مەلدەشكە قاتىشات دەگەن سەبەپتەر مەنەن ار قانداي اقىن الباستىعىن، قىلداتتار العاچقى جارىش جانا قايتالانما جارىشقا قاتىشقاندا كەتكەن قاتتوو جانا جاتاق، تاماق اقىسىنىن بااردىعىن ار داراجالۇۇ ۇيۇشتۇرۇۇ كومىتەتتەرى چەچۉۉسۉن تالاپ قىلدى.

اپتونوم رايوندۇق پارتكومدۇن تۇرۇقتۇۇ مۉچۅسۉ، اپتونوم رايوندۇن ورۇنباسار تۅراعاسى ەركىن تۇنىياز جىينالىشقا قاتىشتى ارى سۅز سۉيلۅدۉ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.