باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 ەكىنچى كەزەكتۉۉ «شئنجاڭ بئرىنچى داامى تۇرپان ۉجمۅ مەزگىلى» اتتۇۇ قىيمىلى
   2015-05-12 10:35:47     xjbs   

تۇرپان ەكىنچى كەزەكتۉۉ «شئنجاڭ بئرىنچى داامى تۇرپان ۉجمۅ مەزگىلى» اتتۇۇ قىيمىلى كۅشۅگۅسۉن اچتى.

قۇلجا ايىنداعى تۇرپان قىزۇۇ مانايعا بۅلۅنۉپ، ۉجمۅ بىشىپ باقچا كۅركۉنۅ كىرگەن مەزگىلى. قۇلجا ايىنىن 9-كۉنۉ تۇرپان ەكىنچى كەزەكتۉۉ «شئنجاڭ بئرىنچى داامى، تۇرپان ۉجمۅ مەزگىلى» اتتۇۇ قىيمىلىنىن كۅشۅگۅسۉن اچىپ، ساياقاتچىلار ەڭ جاڭى داامدۇۇ ۉجمۅدۅن ووز تىيۉۉ مەنەن بىرگە، قىيمىلدارعا قاتىشتى. ۉجمۅ تەرۉۉ، ۇلۇتتۇق ىر-بئي ويۇنداردان ۉزۉر الۇۇ، ۉجمۅ جەش جارىشىنا قاتىشۇۇ، سۇۇدا جالعاشتىرۇۇ تۉرۉ سىياقتۇۇ تۉركۉن-تۉستۉ ۉجمۅگۅ بايلانىشتۇۇ قىيمىلدار كۅپتۅگۅن ساياقاتچىلاردى ۅزۉنۅ تارتتى، لىياۋنىڭدەن كەلگەن ساياقاتچى شيا فىڭيۉن مىنداي دەدى:- «تالاا توبۇنا ۉجمۅ تەرۉۉ جارىشىنىن سۉرۅتۉن چىعارىشىپ، بئزدى دا بۇل جەرگە كەلۉۉگۅ ەلىكتىردى، ابدان قىزىقتۇۇ، مەن بئرىنچى جولۇ مىنداي ۉجمۅنۉ جەشىم، ابدان داامدۇۇ ەكەن، بئز كۅپ تەرىپ الدىق، بئر جاعىنان تەرىپ بئر جاعىنان جەپ جاتابىز».

جارىشتا، چەبەرلەر ۅز كەيپىنە قاراباستان ۉجمۅنۉ ۇۇچتاپ جەپ جاتىشتى، جارىش چەبەرى يۇ چۉنمەي مىنداي دەدى:-«ۉجمۅ جەش جارىشىنا قاتىشىپ بىرىنچىلىكتى الدىم، ابدان قۇبانىچتامىن، كۅپچۉلۉك مەنەن بىردىكتە بۇل قىيمىلعا قاتىشىپ قۇبانىچقا بۅلۅندۉم، جارىش ەكىنچى ماسەلە ەڭ نەگىزگىسى دوستۇق باشقى ورۇندا تۇرات».

تۇرپان ايماقتىق اكىمچىلىك مەكەمەسىنىن ورۇنباسار باشچىسى ۅمۉرجان مامەت ابال تاانىشتىرىپ، مىندان كىيىن تۇرپان «ايىندا مايرام قۇتتۇقتوو، اپتاسىنا قىيمىل ۅتكۅرۉۉ»نۉ ىشكە اشىرماقچى، وشول ارقىلۇۇ ساياقاتچىلاردى مول مازمۇندۇۇ قىيمىلدار مەنەن قامسىز قىلارىن ايتىپ مىنداي دەدى:-«ۉجمۅ مەزگىلى اقىرلاشۇۇسۇ مەنەن بئز ۅرۉك تەرۉۉ قىيمىلى، داربىز تەرۉۉ قىيمىلى، جۉزۉم تەرۉۉ قىيمىلى سىياقتۇۇ قۇتتۇقتوو قىيمىلدارىن ۅتكۅرۉپ، ساياقاتچىلارعا تەيلۅۅ كۅرسۅتۉۉ جاعىنداعى جەتىشسىزدىكتەردى تااپ، قالىڭ ساياقاتچىلاردىن تۇرپانعا كەلىپ ساياقاتتووسۇ ۉچۉن جاقشى ساياقات تۉشۉمدۅرۉ جانا قىيمىلدار مەنەن قامسىز قىلىپ، بئزدىن قىيمىل ارقىلۇۇ ساياقاتچىلارعا تۇرپاندىن ساياقاتىنىن قووزدۇعۇن سەزىندىرەبىز».

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.