باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ۉجمۅ تەرۉۉ مەزگىلىندەگى جوعورۇ تەمپتۉۉ تەمىر جول ساياقات ارنالۇۇ پويۇزۇن ىشكە سالىندى
   2015-05-12 10:35:47     xjbs   

شئنجاڭ تەمىر جولۇ ۉجمۅ تەرۉۉ مەزگىلىندەگى جوعورۇ تەمپتۉۉ تەمىر جول ساياقات ارنالۇۇ پويۇزۇن ىشكە سالىپ، ساياقاتچىلاردى ەەرچىتىپ شئنجاڭدىن بئرىنچى داامىنان ووز تىيگىزەت.

قۇلجا ايىنىن 9-كۉنۉنۅن باشتاپ، ۉرۉمچۉ تەمىر جول مەكەمەسى ۉرۉمچۉدۅن تۇرپانعا بارۇۇچۇ تۉندۉك ارالىق «ۉجمۅ» اتىنداعى ارنالۇۇ پويۇزۇن قوشۇپ، ساياقاتچىلاردىن جولعو چىعۇۇسۇنا ىڭعايلۇۇلۇق جاراتماقچى. تۉشتۅن مۇردا ساات 9 دان 41 مئنۇت ۅتكۅندۅ، D9962 -ىرەتكى «ۉجمۅ» ارنالۇۇ پويۇز ۅز ۇباقىتىندا ۉرۉمچۉ تۉشتۉك پويۇز بەكەتىنەن جولعو چىقتى، ساياقاتچى جاڭ لئى جۇما اقىرىنداعى ەس الۇۇدان پايدالانىپ، قىزىن ەەرچىتىپ پويۇزعا ولتۇردۇ،بئر سااتىق جول جۉرۉۉ ارقىلۇۇ تۇرپان تۉندۉك بەكەتىنە جەتىپ بارىپ، ۉجمۅ تەرۉۉ قىيمىلىنا قاتىشتى. ال مىنداي دەدى:-«قىزىمدى دا ەەرچىتىپ الدىم، اعادا جاراتىلىشتاعى تاازا ۉجمۅدۅن جەگىزمەكچىمىن، جوعورۇ تەمپتۉۉ پويۇزعا بئرىنچى جولۇ ولتۇرۇشۇم، ابدان جايلۇۇ ارى ىيعايلۇۇ ەكەن».

ۉرۉمچۉ تەمىر جول مەكەمەسى ۉرۉمچۉ بۅلۉگۉ تۇرپان تۉندۉك بەكەتىنىن پارتئيا ياچەيكا سەكراتارى چىن حايتاۋ ابال تاانىشتىرىپ، قۇلجا ايى كىرگەندەن باشتاپ، تۇرپان ساياقات مەزگىلىنىن جەتىپ كەلۉۉسۉنۅ ەەرچىي، تۇرپاندىن تۉندۉك بەكەتىندەگى جولووچۇلاردىن سانى تەز ارتقانىن، بەكەت ار تۉردۉ قىزماتتاردى جاقشى ىشتەپ، ساياقاتچىلاردىن سىرتقا چىعىپ ساياقات قىلۇۇسۇنا كەپىلدىك قىلارىن ايتىپ مىنداي دەدى:-«قۇلجا ايى كىرگەندەن باشتاپ 3 مىڭدەن اشۇۇن ساياقاتچى كۉنۉنۅ كەلىپ تۇرات، بئزدىن بەكەت جانا جەرگىلىكتەگى جامااتتىق قاتتوو سىستەماسى توسۇپ الۇۇ قىزماتىن جاقشى ىشتەپ، ۅز ماالىندا ساياقاتچىلاردى بۅلۉپ ورۇنداشتىرات».

«ۉجمۅ» اتتۇۇ ارنالۇۇ پويۇزۇ بولسو شئنجاڭ تەمىر جولۇ «ۅرۉك كۉلۉ» اتتۇۇ ارنالۇۇ پويۇزدان كىيىن داعى بئر جولۇ جۉرگۉزگۅن جوعورۇ تەمپتۉۉ تەمىر جول ساياقات ارنالۇۇ پويۇزۇ، تەمىر جول ورۇندارىنىن ابال تاانىشتىرۇۇسۇنا قاراعاندا، بىيىل شئنجاڭ تەمىر جولۇ پئلان بويۇنچا 90 دون اشۇۇن قاتتامداعى شئنجاڭ ىچىندە ساياقات قىلۇۇ پويۇزۇن اچات ەكەن، ال تۇرپاندىن ۉجمۅ ارنالۇۇ پويۇزۇ، جۉزۉم ارنالۇۇ پويۇزۇ جانا ىلە لاۋەندەر ارنالۇۇ پويۇزۇ سىياقتۇۇلاردى ۅز ىچىنە الات، بولجول مەنەن 80 مئڭ ساياقاتچىنى توسۇپ الماقچى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.