باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ۅزگۅچۅ كۅرسۅتۉۉ «جىبەك جولۇ قووزدۇعۇ» ۉرۉمچۉدۅ تۇنعۇچ ىرەت كۅرسۅتۉلدۉ
   2015-06-03 19:02:53     xjbs   

اپتونوم رايوندۇق ىنتەرنەت قووپسۇزدۇعۇ جانا ۇچۇرلاشتىرۇۇ كەڭسەسى پئلانداعان، شئنجاڭ جۉنباڭ قارجى چەكتۉۉ شىركەتى قارجى سالعان، اتاقتۇۇ رەجىسسور لۇ چۇان رەجىسسورلۇق قىلعان، دۉينۅدۅ بئرىنچى جولۇ باتىش ۅڭۉر ماتەرىيالى مەنەن شئنجاڭدىن جووسۇن- جاعدايىن چاعىلدىرعان ۅزگۅچۅ كۅرسۅتۉۉ «جىبەك جولۇ قووزدۇعۇ»، 15 اي ىرەتتۅۅ ارقىلۇۇ، قۇلجانىن 31- كۉنۉ كەچتە ۉرۉمچۉدۅ تۇنعۇچ ىرەت كۅرسۅتۉلدۉ. «جىبەك جولۇ قووزدۇعۇ» شئنجاڭدىن تارىحى مەنەن ۇلۇتتۇق ىر- بئي كۅركۅم ۅنۅرۉن جاندۇۇ جۇۇرۇپ، جاش سووداگەر باتىردىن كەربەنگە ەەرچىپ باتىشقا بارۇۇ ساپارىندا سىيقىردۇۇ وقۇياعا جولۇققانى، اقىرىندا جاپا- ماشاقاتتاردان جانا قىيىن سىناقتاردان ۅتۉپ، اشىعى مەنەن قايرا جولۇققان وقۇياسى باياندالعان.

«جىبەك جولۇ قووزدۇعۇ» باتىش- تۉندۉك رايوندوعۇ ەڭ ئرى ەلەس تۉشۉرۉۉ كۅشـۅگۅسۉ ارقىلۇۇ، سالىشتىرمالۇۇ چەكتۉۉ مەيكىندىكتە كۅرۅرمۅندۅرگۅ چەكسىز جىلدىزۇۇ اسمان، اق قاردۇۇ بىيىك توولور، تۉرمۅك- تۉرمۅك بۇلۇتتاردى، دايرا- ۅزۅندۅر، جايلوولوردۇ كەرەمەت كۅرسۅتۉپ، ارتىستەردىن ۅنۅر كۅرسۅتۉۉسۉن ۅز ارا جۇۇرۇپ، ادامدىن اسماندا ەركىن كۅكۅلۅگۅن، توولور اراسىندا قۇلاعان، دايرالاردا سۇۇ سۉزگۅن كەرەمەت كۅرۉنۉشۉن كۅرسۅتتۉ.

كۅرۅرمۅن ليۇ چاۋ مىنداي دەدى:- «لۇ چۇاندىن ەلەستەتۉۉ كۉچۉ ابدان مول ەكەن، بىرۅۅ اڭگەمەنى باياندوو جۅندۅمۉ بولسو، داعى بىرۅۅ مۇزىكالۇۇ بئي، ۉن، نۇر ۅزگۅچۅ كەە بئر زامانباپ فاكتورلور بىرگەلەشىپ، كىشىگە ابدان جاقشى تااسئر بەرەت ەكەن».

«جىبەك جولۇ قووزدۇعۇ» نۇن باشقى رەجىسسورۇ لۇ چۇان مىنداي تاانىشتىردى: -«اتالعان ويۇن قويۇلعاندان كىيىن، مىندان ارى جۉنباڭ تەڭىر توو قونوق سارايىندا ۇزۇن مەزگىل تۇرۇقتۇۇ كۅرسۅتۉلۉت، شئنجاڭ مادانئيات، ساياقات كەسىبىنە جىلىشتاتۇۇ رولۇن اتقارۇۇسۇن ۉمۉت قىلام». ال مىنداي دەدى:- «مەن شئنجاڭدا تۅرۅلۉپ ۅسكۅم، شئنجاڭدىن مادانئياتى ۉچۉن سالىم قوشۇۇنۇ ۉمۉت قىلام. بۇل ىرەت شئنجاڭعا قايتىپ چىعارماچىلىق مەنەن الپۇرۇشۇپ، ئش جۉزۉندۅ كەە بئر جاڭى ىقمالار جانا جاڭى ىقمالار مەنەن، بئر قىيلا ەل ارالاشقان تۇرعۇدان، جەرگىلىكتۉۉ اڭگەمەلەردى جۇۇرۇلۇشتۇرۇۇنۇ ويلودۇم».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.