باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 جاڭ چۉنشىيان قىرعىزىىستاندىن ورۇنباسار ۅكۉمۅت باشچىسى ۋالىرىي دەل مەنەن كۅرۉشتۉ
   2015-06-23 11:10:43     xjbs   

ج ك پ بوربوردۇق كومىتەت ساياسى بئيوروسۇنۇن مۉچۅسۉ، اپتونوم رايوندۇق پارتىكومدۇن شۇجئسى جاڭ چۉنشىيان تەكەنىن جە 6- ايدىن 18- كۉنۉ تۉشتۅن كىيىن ۉرۉمچۉدۅ قىرعىزىىستاندىن ورۇنباسار ۅكۉمۅت باشچىسى ۋالىرىي دەل مەنەن كۅرۉشتۉ.

جاڭ چۉنشيان مىنداي دەدى:-جۇڭگو مەنەن قىرعىزىستان بئر- بىرىنە جاقىن، بئر- بئرى مەنەن تىعىز بايلانىشتا بولۇپ، ۇزۇنتان بەرى قوڭشۇ، دوس ۅتۉۉسۉ _ ەكى ماملەكەت ەلىنىن ورتوق ۉمۉتۉ. تۅراعا شئى جىنپىڭ مەنەن پئرزدەنت اتامبايەۋدىن جوعورۇ داراجادا ماانئى بەرۉۉسۉ جانا تۉرتمۅكتۅۅسۉندۅ، جۇڭگو- قىرعىزىستاندىن ىستىراتەگىيالىق شەرىكتىك بايلانىشى تەز ۅنۉگۉپ، ەكى ماملەكەت ورتوسۇنداعى جاڭى ورتوق تاانىمدار باردىققا كەلدى. جىبەك جولۇ ەكونومىكالىق القاعى قۇرۇلۇشۇ _ بايىرقى جىبەك جولۇ روحۇنۇن جاڭى دووردوعۇ ۅۅرچۉتۉلۉۉسۉ، جۇڭگونۇن ىسلاات، ۅنۉگۉۉ ىيگىلىكتەرى جىبەك جولۇ ەكونومىكالىق القاعى بويۇنداعى ار قايسى ماملەكەتتەرگە نارىپ جەتكىزەت. بۇل جۇڭگو شئنجاڭ مەنەن قىرعىزىستاندىن قىزماتتاشۇۇسۇنا جاڭى كەزمەت جاراتات. قىرعىزىستاندىن جۇڭگو شئنجاڭ مەنەن بولعون تەمىر جول، تاش جول، ابا جولدورۇ سىياقتۇۇ قاتتوو نەگىزدۉۉ جابدۇۇ تەيلۅۅسۉ بويۇنچا سوودا وبروت قىزماتتاشتىق دەڭگەەلىن بىردەمجىي جوعورۇ كۅتۅرۉپ، قاشقار، قورعوس ەكونومىكالىق اچىپ ۅنۉكتۉرۉۉ رايونۇن قۇرۇۇعا سۅۅنۉپ، شئنجاڭدىن بازار كۅمۅسكۅ كۉچۉن تولۇق اچىپ، ەكى تاراپتىن سوودا قارىم-قاتتووسۇ ماملەكەتىبىزدىن ىچكەركى ۅلكۅلۅرۉنۅ جانا بوربور ازىيا بازارلارىنا چەيىن تااسىرىن كۅرسۅتۉۉسۉن؛ كۉچتۉۉ شئنجاڭ كەرقانالارىنىن قىرعىزىستان ماملەكەتىنە بارىپ قارجى سالىپ ۅنۉگۉۉسۉن قولدوپ، ەل ارالىق الدىنقى دەڭگەەلدەكى تەحنىكالاردىن ەلەكتىر، ەنەرگىيا سىياقتۇۇ جاقتارداعى تۉر قۇرۇلۇشۇنا قاتىشۇۇسۇن قولدووسۇن؛ فورماسى كۅپ تۉردۉۉ الماشتىرۇۇ قىيمىلىن قۇلاچ جايدىرىپ، تۉشۉنۉكتۉ كۉچۅتۉپ، قىزماتتاشتىق باعىتى مەنەن تاراپتاردىن ارتىقچىلىعىنا كەپىلدىك قىلۇۇسۇن؛ اعارتۇۇ جاعىندا كەڭىرى الماشتىرۇۇ الىپ بارىپ، جۇڭگو- قىرعىزىستان قىزماتتاشتىعىندا جاڭى ىلگەرىلۅۅلۅرگۅ جەتىشۉۉنۉ ۉزگۉلتۉكسۉز باچىمداتۇۇسۇن ۉمۉت قىلدى.

ۋالىرىي دەل مىنداي دەدى:- جۇڭگو- قىرعىزىستاندىن ۇلۇۇ قوڭشۇسۇ، ىشەنىمدۉۉ شەرىگى. ەكى ماملەكەت بايلانىشى قۇبۇلمالۇۇ قىرداالدىن سىناعىنان ۅتكۅن، جۇڭگونۇن چىنىعى قولدوولوردۇ كۅرسۅتكۅنۉنۅ، جاردام بەرگەنىنە ىراقمات ايتات. جۇڭگو ىستىراتەگىيالىق بىيىكتىكتە جانا الىسقا نازار سالعان تۇرعۇدا تۇرۇپ جۇڭگو مەنەن بولعون قوڭشۇ، دوستۇق، قىزماتتاشتىق بايلانىشىن كۉچۅتۉۉگۅ ماانئي بەرەت. قىرعىزىستان جىبەك جولۇ ەكونومىكالىق القاعى قۇرۇلۇشۇن ىمەرچىكتەپ، كونكىرتتۉۉ اراكەت پىروگىرامماسىن تۉزۉپ، الدى مەنەن، تەمىر جول، تاش جول، ابا جولۇ تاشمالىن جالعاشتىرۇۇعا نازار بۇرات، جۇڭگو شئنجاڭ مەنەن بولعون قىزماتتاشۇۇنۇ كۉچۅتۉۉ تۇرعۇسۇندا تۇرۇپ، ەكى ماملەكەتتىن سوودا دەڭگەەلىن جوعورۇ كۅتۅرۅت؛ شئنجاڭ كەرقانالارىنىن قىرعىزىستان ماملەكەتىنە بارىپ قارجى سالىپ، ەكونومىكانى ۅنۉكتۉرۉۉ، جۇمۇشقا ورۇنداشتىرۇۇ چۅيرۅسۉن جاقشىلووعو تۉرتكۉ بولۇۇسۇن قارشى الات.

 تاراپتاردىن اعارتۇۇ، مادانئيات الماشتىرۇۇسۇ سىياقتۇۇ كۅپتۅگۅن سالاالارداعى قىزماتتاشۇۇنۇ تەرەڭدەتىپ، ەكى ماملەكەتتىن قوڭشۇلۇق قارىم-قاتتووسۇن باچىمداتۇۇنۇ ۉمۉت قىلات. اپتونوم رايون جەتەكچىلەرىنەن شۅحرات زاكىر، حۇاڭ ۋىي، باي جىجىيە، ۅرگۉل جاپار، قىرعىزىستان ۅكۉمۅت باشچىسىنىن اقىلچىسى ىمانالىيوف، تىشقى ىشتەردىن ورۇنباسار مئنىستىرى بەيشەموف، قازىنانىن ورۇنباسار مئنىستىرى بايگەنچەكوف، ەنەرگىيا جانا ۅنۅر جاي مىنىستىرلىگىنىن ورۇنباسار مئنىستىرى كارىيوف، بىشكەك شاارىنىن شاار باشچىسى قۇرماتوف كۅرۉشۉۉدۅ بىرگە بولدۇ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.