باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
چوڭ تىپتەگى ۉگۉت قىيمىلى بولعون «كۉنلۉندۅ جەلبىرەگەن اتىلاس» شاڭحايدا قوزعوتۇلدۇ
   2015-06-30 12:48:39     xjbs   

تەكەنىن 23-كۉنۉ جە 6-ايدىن 23-كۉنۉ، اپتونوم رايون قۇرۇلعاندىعىنىن 60 جىلدىعىن ەسكەرۉۉ چوڭ تىپتەگى ۉگۉت قىيمىلى بولعون «كۉنلۉندۅ جەلبىرەگەن اتىلاس» شاڭحايدا قوزعوتۇلدۇ، جەلەلەش قىيمىلدىن بئرى بولعون شئنجاڭعا جاردام بەرۉۉ مئڭ كىلومەتىرلىك ساپار جانا كۅركۅم دولبوورلونعون تۉشۉمدۅر مەنەن كۅرۉشۉۉ جىيىنى تەڭ ارىمدا ۅتتۉ.

بۇل جولقۇ قىيمىلدى ماملەكەتتىك ىنتەرنەت ماالىمات ئشقاناسى جەتەكچىلىك قىلىپ، شئنجاڭ ىنتەرنەت ماالىمات ئشقاناسى باشقارىپ ۅتكۅرۉپ، شئنجاڭ توقۇماچىلىق كىيىم كەچەك ۅنۅرجايىن ۅنۉكتۉرۉپ جۇمۇشقا ورۇنداشۇۇنۇ جىلىشتاتۇۇ جەتەكچىلىك گۇرۇپپاسى بىردىكتە ۅتكۅرگۅن. «كۉنلۉندۅ جەلبىرەگەن اتىلاس» اتتۇۇ تۉشۉم جوبولوو جارىشى بىيىل بۇعۇ جە 4-ايدىن اقىرىندا قوزعوتۇلعاندان بەرى، ۇيۇمداشتىرۇۇچۇ كومىتەت ماملەكەتتەگى جوبولوووعو قىزىعۇۇچۇلاردان 482 چىعارما توپتوعون.

تەكەنىن 22-كۉنۉ جە 6-ايدىن 22-كۉنۉ قىيمىل اقىرلاشقانعا چەيىن، جالپى 13 گۇرۇپپانىن ۅزگۅچۅ چىعارمالارى جارىققا چىققان. وشول كۉنۉ، باشقارىپ ۅتكۅرۉۉچۉ جاق قىيمىل ناق مايدانىندا داعى ارنالۇۇ كۅرگۅزمۅ زالىن ورۇنداشتىرىپ، ناق مايداندا «كۉنلۉندۅ جەلبىرەگەن اتىلاس» تۉشۉم دولبوورلوو جارىشىندا جەڭىپ چىققان چىعارمالاردى كۅرسۅتكۅن، ال كىيىم-كەچەك، شاراپا، شاپكە، بۇت كىيىم، كۅركۅم بۇيۇمدار، سۇمكا، ۉيگۅ كەرەكتۉۉ بۇيۇمدار سىياقتۇۇلاردى ۅز ىچىنە العان. شاڭحايدان كىيىن اتالعان قىيمىل داعى حۇنان، گۇاڭدۇڭ، فۇجئيان، بەيجىن، جىجئياڭ سىياقتۇۇ ۅلكۅ شاارلارعا بارىپ، شئنجاڭ اتىلاسىنىن جاڭى تاپقىرلىعىن، جاڭى تۉشۉنۉگۉن، جاڭى جوموعۇن، جاڭى وبرازىن كۅرسۅتۅت.

بىلۉۉگۅ قاراعاندا، «كۉنلۉندۅ جەلبىرەگەن اتىلاس» ماملەكەتتىك ىنتەرنەت ماالىمات ئشقاناسىنىن 2015-جىلداعى ماملەكەتتىك تۉيۉندۉ جىلىشتاتۇۇچۇ ىنتەرنەت ۉگۉت مادانئيات قىيمىلىنا كىرگىزگەن، ال اتىلاس ۇستازدارىن تاربئيالوو، اتىلاس ايال پەرىسىن تاندوو، اتىلاس ىنتەرنەتتە توپتوو، جاڭى مەدىيا باارلاشۇۇسۇ، اتىلاس ايىل-قىشتاق جاراتۇۇچۇلۇق جۇمۇشقا ورۇنداشۇۇ مايدانى كۅرنۅك اسۇۇ جەلەلەش قىيمىلىن ۅز ىچىنە العان. باشقارىپ ۅتكۅرۉۉچۉ جاق، ماالىمات ارالجىلارى ارقىلۇۇ ۉگۉتتۅپ قابارلاپ، اتىلاستى شئنجاڭدىن اتاقتۇۇ ماركەسى قىلىپ جاساپ چىعىپ، شئنجاڭدىن ايرىقچا تۉشتۉك شئنجاڭ ايىل-قىشتاقتاعى قاراپايىم ەلدى جەتەكتەپ اتىلاس جوبولوو جاراتۇۇچۇلۇق قۇرباتىن جانا تۉشۉم ساپاتىن جوعورۇ كۅتۅرۉپ، جۇمۇشقا ورۇنداشۇۇنۇ جانا اتىلاس تۉشۉم بازارىن كەڭىرتىپ، اتىلاس كەسىبىنىن ۉنۉگۉۉسۉن جىلىشتاتۇۇنۇ ۉمۉت قىلۇۇدا.

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.