باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
يۉ جىڭشىڭ توبۇ قىزىلسۇۇ قىرعىز اپتونوم وبلاسىندا تەكشەرىپ ىزىلدۅۅدۅ بولۇپ، ار ۇلۇت ەلىنەن ال سۇرادى 
   2015-10-01 11:44:04     xjbs   

ج ك پ بوربوردۇق كومىتەت ساياسئي بئيروسۇنۇن تۇرۇقتۇۇ مۉچۅسۉ، ماملەكەتتىك ساياسى كەڭەشتىن تۅراعاسى، بوربوردۇق ۅكۉلدۅر توبۇنۇن باشچىسى يۉ جىڭشىڭ توعۇزدۇن ايىنىن جە 9- ايدىن 28- كۉنۉ بوربور ۅكۉلدۅر توبۇنۇن بئر بۅلۉك مۉچۅلۅرۉن باشتاپ، ماملەكەتىبىزدىن ەڭ باتىشىنداعى قىزىلسۇۇ قىرعىز اپتونوم وبلاسىندا تەكشەرىپ ىزىلدۅۅدۅ بولۇپ، ار ۇلۇت، ار سالاا كادىرلار جۇرتچۇلۇعۇ مەنەن اپتونوم رايون قۇرۇلعاندىعىنىن 60 جىلدىعىن ورتوق قۇتتۇقتاپ، پارتئيا بوربوردۇق كومىتەتى، بوربوردۇق ەل ۅكۉمۅتۉ جانا باش شۇجئسى شئى جىنپىڭ اتىنان كۅپچۉلۉككۅ مايرامدىق سالام جولدودۇ ارى ال سۇرادى. ماملەكەتتىك ساياسى كەڭەشتىن ورۇنباسار تۅراعاسى، ماملەكەتتىك ۇلۇتتار ىشتەرى كومىتەتىنىن مۇدۇرۇ، بوربور ۅكۉلدۅر توبۇنۇن ورۇنباسار باشچىسى ۋاڭ جىڭۋىي ابال سۇروودو بىرگە بولدۇ.

ج ك پ بوربوردۇق كومىتەت ساياسئي بئيروسۇنۇن مۉچۅسۉ، اپتونوم رايوندۇق پارتىكومدۇن شۇجئسى جاڭ چۉنشىيان جورو بولدۇ. وشول كۉنۉ ارتىش شاارى قۇۇناق مايرامدىق ماانايعا بۅلۅنگۅن ەلە، بەش جىلدىزدۇۇ قىزىل تۇۇ جانا پانۇس چىراقتار بئر- بىرىنە ايقالىشتىرىلىپ قويۇلعان ەلە. پامىر بۅكسۅۅ تووسۇندا جاشاپ جاتقان قىرعىز سىياقتۇۇ ار ۇلۇت ەلى ۇلۇتتۇق سونۇن كىيىمدەرىن كىيىپ، بئي- بىيلەپ، ىر ىرداپ، بوربوردۇق ۅكۉلدۅر توبۇنۇن كەلگەنىن قىزۇۇ قارشى الدى.

 يۉ جىڭشىڭ قاتارلۇۇلار ارتىش شاارى كۉنشان كەسىپتىك باقچا رايونۇ ىچىندەكى نىشااندۇۇ جاردام بەرۉۉچۉ كەرقانا شئنجاڭ جوڭشىڭ ەنەرگىيا شىرەكەتىنە كەلدى. بۇل قىزىلسۇۇداعى بىردەن- بئر ماملەكەتتىك جوعورۇ، جاڭى تەحنىكا كەرقاناسى ەلە. 2011- جىلى، جۇڭشىڭ توبۇ اپتونوم رايون مەنەن ىستىراتەگىيالىق قىزماتتاشتىق شەرىكتىك بايلانىشىن ورنوتقوندون كىيىن، جۇڭشىڭ ەنەرگىياسى تۉشتۉك شئنجاڭعا تەرەڭ تامىر تارتىپ، شئنجاڭ ۉچۉن تەيلۅۅ جۉرگۉزۉپ، بوربور ازىياعا تااسئرىن تىيگىزىپ، ەل تۇرمۇشۇ نىشااندۇۇ جاردام بەرۉۉ، كەسىپتەردى شئنجاڭدان ورۇن- وچوق الدىرۇۇ، ئلىم- تەحنىكا ارقىلۇۇ شئنجاڭدى گۉلدۅندۉرۉۉدۅ بەكەم تۇرۇپ، تۉشتۉك شئنجاڭداعى ەلەكتىر جوق رايوندوردۇ ەلەكتىر مەنەن قامدوو قۇرۇلۇشۇنا دىلگىر قاتىشىپ، جەرلىكتەن نۇر ۋولت كەسپى بويۇنچا ىشمەرلەردى تاربئيالادى.

 يۉ جىڭشىڭ ابال تاانىشتىرىلۇۇسۇن استايدئل ۇققاندان كىيىن، كەرقانانى شئنجاڭدى جىبەك جولۇ ەكونومىكالىق القاعىنداعى ۅزۅكتۉۉ رايون قىلىپ قۇرۇپ چىعۇۇ كەزمەتىن بەكەم قارماپ، ايلاناداعى ماملەكەتتەردىن كەرقانالارى مەنەن بولعون قىزماتتاشتىقتى كۉچۅتۉپ، ۅز ارا پايدا جەتكىزىپ، ورتوق ۅنۉگۉۉنۉ ىشكە اشىرۇۇعا شىقتاندىردى.

ارتىنان، بوربوردۇق ۅكۉلدۅر توبۇنداعىلار قىزىلسۇۇ قىرعىز اپتونوم وبلاسىنداعى قوش تىلدۉۉ وقۇتۇۇچۇلاردى تاربئيالوو مەكتەبىنە كەلدى، بۇل قىزىلسۇۇ قىرعىز اپتونوم وبلاسى مەنەن نىشااندۇۇ جاردام بەرۉۉچۉ ۅلكۅ جاڭسۇ، جاڭشي ۅلكۅسۉ بىردىكتە ارنالۇۇ قۇرعان مەكتەپ بولۇپ، اتالعان مەكتەپ ار قايسى ساباقتارداعى وقۇتۇۇچۇلاردىن ۅزگۅچۅلۉگۉنۅ قاراتا، تاربئيالوو پئلانىن تۉزۉپ، بۉت وبلاستاعى ار ۇلۇت وقۇتۇۇچۇلارىنىن قوش تىلدە وقۇتۇۇ دەڭگەەلىن ۅنۉمدۉۉ جوعورۇ كۅتۅردۉ.

يۉ جىڭشىڭ كىلاسقا كىرىپ، ناق مايدانداعى قوش تىلدۉۉ تاربئيالوو ابالىن استايدىل كۅرۉپ، وقۇتۇۇچۇ جانا كۇرسانىتتار مەنەن جۉرۅك سۅزۉن ايتىشتى. ال مىنداي دەدى:- جۇڭحۇا ۇلۇتتارىنىن ۇزاققى ۅنۉگۉۉسۉن باچىمداتۇۇدان تۇرعان الىسقا نازار سالعان تۇرعۇدا قوش تئل اعارتۇۇسۇنا قاروو كەرەك.

 مەكتەپ داعىدا كۅپ قوش تىلدۉۉ وقۇتۇۇچۇلاردى چىمىرقانىپ تاربئيالاپ، شئنجاڭداعى ۇلۇتتاردىن ىنتىماعىن ىلگەرى سۉرۉۉ ىشتەرىن داعى دا مىقتى جاردامدار مەنەن قامدوو كەرەك. يۉ جىڭشىڭ قىزىلسۇۇ قىرعىز اپتونوم وبلاسىنداعى ار ۇلۇت ەلىنىن تۇرمۇشۇنا ابدان كۅڭۉل بۅلدۉ. ال ارتىش شاارى باقىت باشقارماسىنىن ىنتىماق جولۇ قوومدۇق قونۇشۇنا كەلدى، بۇل قوومدۇق قونۇشتا ۇيعۇر، حانزۇ، قىرعىز، تاجىك سىياقتۇۇ كۅپ ۇلۇت چوعۇۇ ولتۇراقتاشقان، ار ۇلۇت ەلى ۅز ارا جاردامداشىپ، شايكەشتۉۉ جاشاپ كەلەت.

يۉ جىڭشىڭ قوومدۇق قونۇشتۇن قىرعىز تۇرعۇنۇ ابدكەرىم ىسمايىلدىن ۉيۉنۅ بارىپ، بئر ۉي- بۉلۅ كىشىلەرى مەنەن بىرگە، الاردىن كىرەشەسىن، مەكتەپتە وقۇۇ ابالىن، جۇمۇشقا ورۇنداشۇۇ ابالىن سۇراشتىردى.

ال مىنداي دەدى:- ار ۇلۇت ەلدەرى ۅز ارا تىعىز قارىم- قاتتوو جاسوو كەرەك، ۇلۇتتار ىنتىماقتۇۇلۇعۇنا بايلانىشتۇۇ سۅزدۅردۉ كۅبۉرۅۅك ايتۇۇ، ۇلۇتتار ىنتىماقتۇۇلۇعۇنا بايلانىشتۇۇ ىشتەردى كۅبۉرۅۅك جاشوو كەرەك. يۉ جىڭشىڭ داعى قىزىلسۇۇداعى بايلانىشتۇۇ جووپتۇۇ جولدوشتور، وزوت، ۉلگۉلۉۉ كىشىلەرى، مەكەن سۉيۅر دئننى ىشمەرلەر، نىشااندۇۇ جاردام بەرۉۉچۉ كادىرلاردىن ۅكۉلدۅرۉ مەنەن كۅرۉشتۉ ارى ەستەلىك سۉرۅتكۅ تۉشتۉ.

قىزىلسۇۇ قىرعىز اپتونوم وبلاسىنىن اپتونوم رايون قۇرۇلعاندىعىنىن 60 جىلدىعىن قۇتتۇقتوو مايەك جىينالىشىنا قاتىشتى. جىينالىشتا، ماملەكەتتىك ەمگەك ۉلگۉسۉ، اقتوو ووداندىق ايىل-قىشتاقتارداعى قىز- كەلىندەردىن چارابا جاراتۇۇ، جۇمۇشقا ورۇنداشتىرۇۇ باشتامچىسى رايحانگۉل ەمەر، شئنجاڭدى تااسىرلەندىرگەن ىشمەر، ارتىش شاارى ۉستۉن ارتىش بازاردىق بوربوردۇق قوش تىلدۉۉ بالا باقچاسىنىن وقۇتۇۇچۇسۇ جوۋ لئنا جانا قىزىلسۇۇ وبلاسىنداعى ار قايسى وودان، شاارلادىن جووپتۇۇلارى سىياقتۇۇلار الدى-ارتى بولۇپ سۅز سۉيلۅدۉ.

يۉ جىڭشىڭ كۅپچۉلۉكتۉن سۅزۉن ۇققاندان كىيىن، 60 جىلدان بەرى قىزىلسۇۇنۇن قولعو كەلتىرگەن ىيگىلىكتەرىن تولۇق تۇراقتاندىردى. ال مىنا بۇلاردى باسا كۅرسۅتتۉ:- قىزىلسۇۇنۇن قووم جالپى قىرداالىن تۇرۇقتۇۇلۇعۇن بەكەم قورعوپ، تەرروردۇققا قارشى تۇرۇپ، تۇرۇقتۇۇلۇقتۇۇ قورعوودون تۇرعان بۇل قاتۇۇ سوعۇشتا چەچكىن جاقشى سالعىلاشىپ، ەلدىن تۇرمۇشۇنۇن تىنىچ، بەيپىل بولۇۇسۇنا كەپىلدىك قىلۇۇ كەرەك.

ەكونومىكا، قوومدۇ داعىدا جاقشى ارى تەز ۅنۉكتۉرۉۉنۉ باچىمداتىپ، داعىدا كەڭىرى ۅنۉگۉۉ بولوچوعۇن چىمىرقانىپ اچۇۇ كەرەك. ەل تۇرمۇشۇنا كەپەلەتتىك قىلۇۇ جانا جاقشىلوونۇ ۇلاندۇۇ بەكەم قارماپ، كەمباعال قىينچلىقتۇۇ ەلدەرگە جار- جۅلۅك بولۇۇ، جۇمۇشقا ورۇنداشتىرۇۇ، اعارتۇۇ ماسەلەسىن كۉچ سالاا چەچۉۉ كەرەك.

ۇلۇتتار دئننى ىشتەر قىزماتىن چىنىعى جاقشى ىشتەپ، ار ۇلۇت ەلى مەنەن بولعون الماشتىرۇۇ، قارىم- قاتتوونۇ باچىمداتىپ، تۇۇرا ىشەنىم تۇۇرا اراكەتتەكى دئننى ىشتەردە ەڭ ەنەرگىيا تاراتۇۇ كەرەك. نەگىزگى قاتماردىن نەگىزىن ۇلاندۇۇ بەكەمدەپ، ار ۇلۇت كادىرلارى ىستىل قۇرۇلۇشۇن كۉچۅتۉپ، وزوت ئستىل ارقىلۇۇ ەل كۅڭۉلۉن الىپ، كىشىلەردىن كۅڭۉلۉن چوعۇلتۇۇ كەرەك. اپتونوم رايوندۇق پارتىكومدۇن ورۇنباسار شۇجئسى، شئنجاڭ ۅندۉرۉش قۇرۇلۇش بىڭتۇانىنىن ساياسى كوممۇسسارى حانيوڭ ال سۇروودو بىرگە بولدۇ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.