باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇ ۉرۉمچۉدۅ سالتاناتتۇۇ كۅشۅگۅسۉن اچتى
   2016-01-21 17:39:20     xjbs   

13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇ ۉرۉمچۉدۅ سالتاناتتۇۇ كۅشۅگۅسۉن اچتى، ليۇ ياندوڭ اچىلۇۇسۇن جارىيالادى، جاڭ چۉنشىيەن توسۇپ الۇۇ سۅزۉن سۉيلۅدۉ، ليۇپىڭ اچىلۇۇ سۅزۉن سۉيلۅدۉ، شۅحرات زاكىر اچىلۇۇ ازەمىن باشقاردى.

بئردىن ايىنىن 20- كۉنۉ تۉشتۅن كىيىن بەيجىن ماالى ساات 18 دە، 13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇ ۉرۉمچۉدۅكۉ شئنجاڭ مۇز ۉستۉ دەنە- تاربئيا بوربورۇندا سالتاناتتۇۇ كۅشۅگۅسۉن اچتى. ج ك پ بوربوردۇق كومىتەتى ساياسئي بئيوروسۇنۇن مۉچۅسۉ، بوربوردۇق ەل ۅكۉمۅتتۉن ورۇنباسار ۅكۉمۅت باشچىسى ليۇ ياندوڭ اچىلۇۇ ازەمىنە قاتىشىپ باشتالعانىن جارىيالادى. ج ك پ بوربوردۇق كومىتەتى ساياسئي بئيوروسۇنۇن مۉچۅسۉ، اپتونوم رايوندۇق پارتكومدۇن شۇجئسى، شئنجاڭ ۅندۉرۉش قۇرۇلۇش بئڭتۇانى پارتكومۇنۇن بئرىنچى شۇجئسى، بئرىنچى ساياسئي كوممۇسسارى جاڭ چۉنشىيەن توسۇپ الۇۇ سۅزۉن سۉيلۅدۉ. 13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇ ۇيۇمدۇق كومىتەتىنىن مۇدۇرۇ، ماملەكەتتىك دەنە- تاربئيا باشقى مەكەمەسىنىن باشچىسى ليۇپىڭ اچىلۇۇ سۅزۉن سۉيلۅدۉ. 13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇ ۇيۇمداشتىرۇۇ كومىتەتىنىن اتقارۇۇ مۇدۇرۇ، اپتونوم رايوندۇق پارتكومدۇن ورۇنباسار شۇجئسى، اپتونوم رايون تۅراعاسى شۅحرات زاكىر اچىلۇۇ ازەمىن باشقاردى. بۇل ماملەكەتىبىز 2022- جىلى قىشقى ولئمپىيادانى ۅتكۅرۉۉ ۇقۇعۇن سۇنۇشتاپ العاندان كىيىنكى، ماملەكەتىبىزدەگى بئرىنچى قار- مۇز سالتاناتتۇۇ چوعۇلۇش، ماملەكەتتىك قىشقى دەنە- تاربئيا چوعۇلۇشۇنۇن العاچ جولۇ تۉندۉك- چىعىشتان چىعۇۇسۇ، شئنجاڭدىن بئرىنچى جولۇ ماملەكەتتىك ئرى تىپتەگى ۇنىۋەرسال مۉنۅزدۉۉ دەنە- تاربئيا قىيمىلىن ۅتكۅرۉۉسۉ ەسەپتەلەت.

ايباتتۇۇ تەڭىر توو اپپاق قار قاپتاپ، كۉمۉش تونۇن جامىنعان. تەڭىر توونۇن ەتەگىندە، ۉرۉمچۉ تۉشتۉك تووعو جايعاشقان، فورماسى قارعالداققا وقشوعون شئنجاڭ مۇز ۉستۉ دەنە- تاربئيا بوربورۇ نۇرعا بۅلۅنۉپ، قارعالداق مەنەن چىراق نۇرلارى ايقالىشىپ، كۅزدۉ ۇيالتىپ تۇرات، بۉتكۉل شئنجاڭداعى ار ۇلۇت ەلى تۅرت كۅزۉ مەنەن كۉتكۅن 13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇنۇن اچىلۇۇ ازەمى بۇل جەردە ۅتكۅرۉلدۉ.

بەيجىن ماالى ساات 18:00 دە، دەنە- تاربئياچىلار مارشى جاڭىردى، «13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇ»نۇن اچىلۇۇ ازەمى باشتالدى. جارقىراعان بەش جىلدىزدۇۇ قىزىل تۇۇ، ماملەكەتتىك قىشقى دەنە- تاربئيا چوعۇلۇشۇ تۇۇسۇ جانا 13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇ تۇۇسۇنۇن جەتەكتۅۅسۉندۅ، بۉت ماملەكەتتىن 31 ۅلكۅ، رايون، شاارىنان جانا شاڭگاڭ، اۋمىن ۅزگۅچۅ اكىمچىلىك رايونۇنان كەلگەن 52 ۅكۉلدۅر كامانداسىنىن دەنە- تاربئياچىلارى مايدانعا كىرىپ كەلدى. الدىبىزداعى 11 كۉندۅ، 1388 دەنە- تاربئيا چەبەرى ۉرۉمچۉ جانا فۇكاڭ ەكى جارىش مايدانىندا ۅنۅرۉن كۅرسۅتۉپ، بەش چوڭ تۉر، 11 ايرىم تۉر بويۇنچا 97 التىن مەدالدى تالاشات. بۇل ماملەكەتتىك قىشقى دەنە- تاربئيا چوعۇلۇشۇ تارىحىنداعى جارىشقان ۅكۉلدۅر توبۇ ەڭ كۅپ، كۅلۅمۉ ەڭ ئرى بئر ىرەتكى چوعۇلۇش. قونوق ەەسى بولعون شئنجاڭدان 226 دەنە- تاربئياسى بۇل كەزەك قىشقى دەنە- تاربئيا چوعۇلۇشۇنا قاتىشىپ تۉيۉندۉۉ تۉردۅ مۇزدا تەز جىلعاياقتوو، فىگۇرا چىعارىپ جىلعاياقتوو، تاقاسىمال مايداندا ەركىن جىلعاياقتوو، جانا مەيكىندىك چەبەرچىلىگى وشوندوي ەلە قىشى ەكى تۉر، دالاادا قار جىلعاياقتوو سىياقتۇۇ تۉرلۅر بويۇنچا التىن مەدالعا قاراي ات سالات، وشوندوي ەلە شئنجاڭدىن ماملەكەتتىك قىشقى دەنە- تاربئيا چوعۇلۇشۇنا قاتىشقان ۅكۉلدۅر توبۇنۇن ەڭ كۅلۅمدۉۉ بئر كەزەگى ەسەپتەلەت.

ۅكۉلدۅر توبۇ مايدانعا كىرىپ بولعوندون كىيىن، بااردىق كىشى وردۇنان تۇرۇپ، ماملەكەت ىرى اتقارىلىپ، بەش جىلدىزدۇۇ قىزىل تۇۇ جەلبىرەپ كۅتۅرۉلدۉ. ناق مايدانداعى كۅرۅرمۅندۅر ۉنۉن قويو بەرىپ ىردادى، شاڭدۇۇ ماملەكەت ىرى مايداندا جاڭىرىپ تۇردۇ.

جاڭى چۉنشىيەن توسۇپ الۇۇ سۅزۉن سۉيلۅپ مىنداي دەدى:- «13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇ» باشتالۇۇ جىلىندا، اچىلۇۇ ۇچۇرۇندا، مەن شئنجاڭداعى ار ۇلۇت قالق- قالايىققا ۅكۅلۅتۅن، اچىلۇۇ ازەمىنە قاتىشقان جەتەكچىلەر جانا سىيلۇۇ قونوقتوردۇ، بااردىق دەنە- تاربئياچىلاردى، تەرنىر، رەپىر، ىقتىيارچىلار جانا بۉت ماملەكەتتىن ار قايسى جەرىنەن كەلگەن دوستوردۇ قىزۇۇ توسۇپ الام.

جاڭ چۉنشىيەن مىنداي دەدى:- شئنجاڭ قووز جەر، ايباتتۇۇ ارى كۅركۅم جەر، كەنەن ۅنۉگۉۉ كەلەچەگى جانا ەبەگەيسىز زور ۅنۉگۉۉ كۅمۉسكۅ كۉچۉ بار. شئنجاڭ ماملەكەتتىك دەنە- تاربئيا ئرى رايونۇ، ار ۇلۇ ەلىندە دەنە- تاربئيانى سۉيگۅن وزوت جۅرۅلگۅ بار. جاقىنقى جىلداردان بەرى جۇرتچۇلۇق دەنە- تاربئياسى مەنەن چەبەرچىلىك دەنە- تاربئياسى ابدان ۅنۉكتۉ. شئنجاڭدىن قار- مۇز بايلىعى ۅزگۅچۅ، قار- مۇز تۉرۉن قۇلاچ جايدىرۇۇعا ىلايىقتۇۇ رايوندوردۇن بىرۅۅ، قار جىلعاياق دەنە- تاربئياسى ار ۇلۇت ەلىنىن سۉيمۅنچۉلۉگۉنۅ ەە بولعون. 13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇنۇن ۅتكۅرۉلۉۉسۉ سۅزسۉز شئنجاڭدىن قار- مۇز دەنە- تاربئياسى مەنەن دەنە- تاربئيا ىشتەرىنىن ۅنۉگۉۉسۉن زور داراجادا جىلىشتاتات. 13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇ بەيجىن قىشقى ولئمپىياداسىن سۇنۇشتوو جەڭىشتۉۉ بولعوندون كىيىنكى ماملەكەتىبىزدەگى بئرىنچى قىشقى دەنە- تاربئيا چوعۇلۇشۇ. بئز «جوعورۇ دەڭگەەل، جوعورۇ ساپات، ۉنۅمچۉل بەرەكەلۉۉ، ۅزگۅچۅلۉككۅ ەە» ۇيۇمدوو باشقى ماقساتىندا، جارىشتى كۅڭۉل قويۇپ ۇيۇمداپ، بۉتكۉل كۉچۉبۉز مەنەن جاقشى تەيلۅۅ جۉرگۉزۉپ، بۇل كەزەك قىشقى دەنە تاربئيا چوعۇلۇشۇن «ماملەكەتىبىزدەگى الدىنقى ورۇندا تۇرعان، دۉينۅ دەڭگەەلىندەگى، شايكەشتۉۉ، كەرەمەت ەستەن كەتكىس، دۉينۅگۅ تااسئر كۅرسۅتكۅن» قار- مۇز سالتاناتتۇۇ چوعۇلۇشۇنا ايلاندىرابىز. ار قايسى چەبەرلەردىن جارىشتا ۅنۅرۉن كۅرسۅتۉپ جاقشى ناتىيجا جاراتۇۇسۇن، 13- كەزەكتۉۉ ماملەكەتتىك قىشقى دەنەپ تاربئيا چوعۇلۇشۇنۇن جەڭىشتۉۉ بولۇۇسۇن ۉمۉت قىلام!

لىۇپىڭ اچىلۇۇ سۅزۉن سۉيلۅگۅندۅ مىنداي دەدى:- ماملەكەتتىك قىشقى دەنە- تاربئيا چوعۇلۇشۇ بئرىنچى جولۇ تۉندۉك- چىعىشتان چىعىپ، شئنجاڭ بئرىنچى جولۇ ماملەكەتتىك ۇنىۋەرسا مۉنۅزدۉۉ دەنە- تاربئيا چوعۇلۇشۇن ۅتكۅرۉپ ولتۇرات، بۇل قار- مۇز دەنە- تاربئيا ىستىراتەگىياسىنىن «تۉشتۉككۅ قۇلاچ جايدىرۇۇ، باتىشقا قاراي كەڭىرۉۉ» ىستىراتەگىياسىنىن زارىل باسقىچى ەسەپتەلەت. بۇل كەزەك قىشقى دەنە- تاربئيا چوعۇلۇشۇن جەڭىشتۉۉ ۅتكۅرۉۉ، ماملەكەتىبىزدىن قار- مۇز دەنە- تاربئياچ قىيمىلىنىن ۅنۉگۉۉ دەڭگەەلىن جالپى بەتكەي كۅرسۅتۉپ، 2022- جىلداعى قىشقى ولئمپىيادانى جاقشى ۅتكۅرۉۉ قىزماتىنا جاقشى دايىندىق كۅرۉۉ، قار- مۇز مادانئياتىن جەتىشتىرۉۉ، قار- مۇز كەسىبىن ۅنۉكتۉرۉۉ، قالق- قالايىق مۉنۅزدۉۉ قار- مۇز دەنە- تاربئياسىن كەنەن قۇلاچ جايدىرۇۇنۇ جىلىشتاتىپ، 300 مئلليون كىشى قار- مۇز دەنە- تاربئياسىنا قاتىشۇۇدان تۇرعان ۇلۇۇ نئشاندى ئش جۉزۉنۅ اشىرۇۇعا باشتاپ، شايدووت جىلىشتاتۇۇ رولۇن اتقارات. وشونۇ مەنەن بئر ۇباقىتتا داعى شئنجاڭدىن ەكونومىكا جانا قووم مادانئياتى مەنەن دەنە- تاربئيا ىشتەرىنىن جاڭى ۅنۉگۉۉسۉن داعى بئر دەمجىي باچىمداتات. جارىشقا قاتىشقان بااردىق چەبەرلەردىن جۇڭحۇا دەنە- تاربئيا رۇحۇ مەنەن ولىمپىك رۇحۇن ۅۅرچۉتۉپ، ىنتىماقتاشىپ قىزماتتاشىپ، چىمىرقانىپ، ەرەجەگە مويۇن سۇنۇپ، قالىس اتاانداشىپ، دەنە تاربئيا ناتىيجاسى مەنەن رۇحۇ مادانئيات قوش تۉشۉمدۉ قولعو كەلتىرىپ، 2022- جىلداعى بەيجىن قىشقى ولئمپىياداسىنا بئر تۉركۉم جوعورۇ تەحنىكاداعى ىشمەرلەردى جەتىشتىرۉۉ جانا ماشىقتىرۇۇعا سالىم قوشۇۇسۇن ۉمۉت قىلابىز.

قىزۇۇ قول چابۇۇلاردىن قوشتووسۇندا لىۇ ياندوڭ :- ەمى جۇڭحۇا ەل رەسپۇبلىكاسى 13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇنۇن اچىلعانىن جارىيالايىم! دەدى. اعا ۇلاپ ەلە 13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇنۇن «قار- مۇزدان اشىپ ۅتۉۉ» ىرى جاڭىردى، ماملەكەتتىك قىشقى دەنە- تاربئيا چوعۇلۇشۇنۇن تۇۇسۇ، 13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇنۇن تۇۇسۇ كۅتۅرۉلدۉ. راقىمباي تالاپقان، شۉي جاۋشاۋ، چيۇ جاۋيئلار ايرىم- ايرىم دەنە- تاربئياچى، ماشىقتىرۇۇچۇ، رەپىرلەرگە ۅكۅلۅتۅن قولۇنا تۇۇ قارماپ، ايباتتۇۇ تۉردۅ انت بەردى.

ساحنا تەڭىر توو چوقۇسۇنۇن كەلبەتىنە وقشوشتۇرۇلۇپ جاسالعان، جارقىراعان چىراق نۇرۇندا، شئنجاڭدىن سالتاناتتۇۇ قووزدۇعۇن انسايىن كۅرسۅتۉپ تۇردۇ. ۇيعۇر ەلدىك كۅركۅم ۅنۅرچۉلۅردۉ كەرنەي- سۇرنايلارىن جاڭىرتىپ، مۇز چوقۇ جارىلىپ، 13- كەزەكتۉۉ ماملەكەتتىك قىشقى دەنە- تاربئيا چوعۇلۇشۇنۇن قۇت بۇيۇمۇ قارعالداق بالدار سەكىرىپ چىعىشىپ، بەيجىن، جاڭ جىياكوۋ، ۇلۇۇ قورعوندون چىعىپ، تۉندۉك- چىعىش قار- مۇز تالاالارىنان ۅتۉپ، شاڭحاي، شاڭگاڭ، اۋمىندەردەن ۅتۉپ، بايىرقى شاار شئ اندان ۅتۉپ تەڭىر توونۇن كىندىگىنە كەلىپ، جارىش مايدانىنا تۉشۉشتۉ.

ارتىنان كۅشۅگۅلۅر اچىلىپ، «قار- مۇز تەڭىر تووسۇ، جارقىراعان جىبەك جولۇ» نەگىزگى تەماسىنداعى اچىلۇۇ ازەمى مادانئيات، دەنە- تاربئيا كانسەرتى سالتاناتتۇۇ اتقارىلدى. باشتالۇۇ كۅشۅگۅسۉ « قار- مۇز تەڭىر تووسۇ» ن التايدىن بايرقى قار جىلعاياعى مەنەن باشتالىپ كىشىلەردى ادامزاتتىن قار جىلعاياق باشتالعان ۇچۇرۇنا باشتاپ باردى، نۇردۇن الماشۇۇسۇنا ەەرچىي، ارتىنان ەلە زامانباپ كىيىنگەن دەنە- تاربئياچىلار چىعا كەلدى؛ «قار- مۇز تاعدىرى» «تەڭىر توو ماحاباتى»، «جۇڭگو اڭسووسۇ» ۉچ بۅلۉكتۅ، چەبەردىك مەنەن شئنجاڭ از ساندۇۇ ۇلۇت جۅرۅلگۅلۉۉ دەنە- تاربئياسى، جۇرتچۇلۇق دەنە- تاربئياسى، ۇلۇتتۇق كۅركۅم ۅنۅر مەنەن قار- مۇز دەنە تاربئياسى بىرگەلەشتىرلدى؛ اقىرىندا شئنجاڭدىن اتاقتۇۇ ىرچىسى دىلبار يۇنۇس، ۋاڭ حوڭۋەيلەر «نۇردۇۇ جىبەك جولۇ» اتتۇۇ ىرى مەنەن كىشىلەردىن جۉرۅك قىلىن چەرتتى. بۉتكۉل مايدان مادانئيات- دەنە تاربئيا كانسەرى كۅرۅرمۅندۅرگۅ قار- مۇز سالتاناتىن كۅرسۅتتۉم ماملەكەت ئچى- سىرتىنداعى كۅرۅرمۅندۅرگۅ داعى جاندۇۇ جاشوو كۉچۉنۅ تولعون شئنجاڭدى كۅرسۅتۉپ بەردى.

كۅرۅرمۅندۅر سۉرۅۅن سالىپ، قول بۇلعالاپ، تۉستۉۉ قارعالداق چىراقتارىن بۇلعالاپ تۇردۇ. بەش ايدا، 13- كەزەكتۉۉ ماملەكەتتىك قىشقى دەنە تاربئيا چوعۇلۇشۇنۇنۇن الووسۇ ىنتەرنەتتە جەتكىرۉۉ ارقىلۇۇ اتا- مەكەندىن توو- سۇۇلارىنان ۅتۉپ، 31 ۅلكۅ، رايون، شاار جانا شاڭگاڭ، اۋمىن رايونۇنان ۅتۉپ، جەتى مئلليوندون اشۇۇن كىشى قاتىشىپ، جول بويۇۇ وتۇ ۅچبۅي، اڭسوونۇ تاراتىپ، قىشقى دەنە- تاربئيا چوعۇلۇشۇنا ىنتەرنەت دوورۇنۇن شاڭىن قوشتۇ.

12 شاماناچى شامانانى بىيىك كۅتۅرۉپ، دەنە-تاربئيا سارايىنىن ىچىندە شامانانى ەڭ اقىرقى بئر جولۇ جەتكىردى. شئنجاڭ ۉچۉن تۇنعۇچ جولۇ ولىمپىك دەنە-اراكەت سىيلىعىن الىپ بەرگەن سايروون ۋالىبول وينوو چەبەرى ۋاڭجىيە، ماملەكەتتىك دەنە-تاربئيا چوعۇلۇشۇنۇن ماش-مۇش تۉرۉندۅ چەمپىيون بولعون ابدۇشۉكۉر مەجىت، ۇدا 11 جىل ماملەكەتتىك تەز جىلعاياقتوو تۉرۉنۉن 1مئڭ 500مەتىردىك چەمپىيونۇ جانا ۇنىۋىرسال مۉنۅزدۉۉ جارىش تۉرۉندۅ چەمپىيون بولعون لىۇ يانفىي، ماملەكەتتىك قىشقى دەنە-تاربئيا چوعۇلۇشۇنا قاتىشىپ بىردەن-بئر التىن مەدال العان شئنجاڭدىق ەرزات مەجىت، ماملەكەتتىك جاشتار دەنە-تاربئيا چوعۇلۇشۇنۇن جۇدو چەمپىيونۇ يانزى، ماملەكەتتىك جاشتار دەنە-تاربئيا چوعۇلۇشۇنۇن فۇتبول چەمپىيون كومانداسىنداقى نەگىزگى كۉچ ەرپان ەزىمجان، دۉينۅلۉك جاشتار جەڭىل اتلاتكا تۉرۉندۅ سىيلىققا تاتىقتۇۇ بولعون نۇرمامەت تۇراق، سايروون ۋالىبول تۉرۉندۅ جاشى ەڭ كىچىنە دۉينۅلۉك چەمپىيون شىيا شئنيى، ماملەكەتىبىزدىن ولىمىپىك دەنە-اراكەت ات ۅنۅرۉ تۉرۉندۅ بئرىنچى بولعون لىۇ ياننا، 2-كەزەكتۉۉ جاشتار ولىمپىك دەنە-تاربئيا چوعۇلۇشۇندا جۇڭگو ۅكۉلدۅر توبۇنۇن تۇۇ كۅتۅرۉۉچۉ ۋاكىستبول دەنە-اراكەتچىسى دئلارا دئلشات، ماملەكەتتىك دەنە-تاربئيا چوعۇلۇشۇنۇن ماشمۇش چەمپىيونۇ مامەتتۇرسۇن چوڭ، تايكاندو دۉينۅلۉك چەمپىيونۇ لئى جاۋيى قاتارلۇۇلار ىلگەرى شئنجاڭ ۉچۉن شاڭدۇۇ ناتىيجالاردى جاراتقان اتاقتۇۇ دەنە-اراكەتچىلەردەن قۇرالعان بئر گۇرپپا كىشى شامانانى كۅتۅرۉپ مايداندا اقىرىن چۇرقاعاندا مايدان ئچى كۅرۅرمۅندۅردۉن قىيقىرىق-سۉرۅۅنۉنۅ تولدۇ.

جۉرۅكتۉ تولقۇنداتقان مئنوتتور جەتىپ كەلىپ، 13-كەزەكتۉۉ قىشقى دەنە-تاربئيا چوعۇلۇشۇنۇن شاماناسى جارۇۇ الدىندا تۇرات. بوشتۇقتاقى كۉمۉش تۉستۉۉ رامكا، ەڭ اقىرقى بئر شاماناچى الدى-ارتى بولۇپ 7 جولۇ گەنىس دۉينۅلۉك رەكورتۇن جاراتىپ، ۇدا 8 كەزەك ماملەكەتتىك از-ساندۇۇ ۇلۇتتار جۅرۅلگۅلۉۉ دەنە-تاربئيا چوعۇلۇشۇندا داۋاس ۅنۅرۉنۉن بئرىنچى داراجالۇۇ سىيلىعىن العان  ادئل وشۇر شامانانى قولۇنا الىپ، تەمىر سىمدىن ۉستۉندۅ مايدانداقى قار-ۇچقۇندارىنا قاراي بەت الدى. ال بئلىكتى تۇتاندىرىشى مەنەن ەلە قار ۇچقۇندارى داروو ەەرىپ، قىش قاتى فورماسىنداقى 13-كەزەكتۉۉ ماملەكەتتىك دەنە-تاربئيا چوعۇلۇشۇنۇن گىرىبى تۅرت تاراپقا نۇرۇن چاچىپ، قارلىعاچ گۉلۉ تىشقى فورۇم قىلىنعان نەگىزگى شامانا مۇناراسى كۉيدۉرۉلدۉ، الوولوپ چىققان وتتو شئنجاڭ مۇز ۉستۉ دەنە-اراكەت بوربورۇنۇن ۉستۉ قىزىل جالىنعا تولدۇ. اچىلۇۇ ازەمىنىن ماانايى اباياي جوعورۇ كۅتۅرۉلدۉ.

اچىلۇۇ ازەمىنە قاتىشۇۇ مەزگىلىندە، لىۇ ياندوڭ، جاڭ چۉنشىيەن قاتارلۇۇلار بايلانىشتۇۇ جابدۇۇلاردى كۅزدۅن كۅچۉرۉپ، جارىشتان ۉزۉر الىپ، دەنە-اراكەتچىلەر، ماشىقتىرۇۇچۇلار، رىپپىرلەر، ىقتىيارچىلار، اماندىق ساقتوو جانا ماالىمات ارالجىلارىنىن ۅكۉلدۅرۉ مەنەن كۅرۉشتۉ ارى كۅپچۉلۉككۅ جاڭى جىل كۅكتۅم مايرامى قاالوو-تىلەگىن بئلدىردى. لىيۇ ياندوڭ:- كۅپچۉلۉكتۉ قار-مۇز مادانئياتىن تاراتۇۇچۇ، ۉلگۉ كۅرسۅتۉۉچۉلۅردۅن بولۇپ، قالىڭ جۇرتچۇلۇقتۇ ايرىقچا جاشتاردى دىلگىر قاتىشۇۇعا جەتەكتەپ، 300مئليون ادامدى قار-مۇز دەنە-اراكەت قىيمىلىنا قاتىشتىرۇۇنۇ تۉرتمۅكتۅپ، جالپى ەلدىن دەنە چىڭالتۇۇعا سالىم قوشۇۇعا دەم بەرىپ، ارقايسى جاقتاردىن جاشىل تۉستۉۉ، ورتوق باارلانىپ، اچىپ جىبەرىلگەن، ارۇۇ-اعدارلىق مەنەن جارىش ۅتكۅرۉۉ تاانىمى بويۇنچا استايدئل ۇيۇمداپ، قىزماتتاردى بەرىلىپ ىشتەپ، بئر كەزەك تارتىمدۇۇ، جەڭىشتۉۉ، شاتتۇۇ، بەيپىل، ۉنۅمدۉۉ دەنە-تاربئيا چوعۇلۇشۇن ۅتكۅرۉۉنۉ تالاپ قىلدى.
 
 بوربوردۇق ۅكۉمۅتتۉن ورۇن باسار باش قاتچىسى جىياڭ شىياۋجۇان، ماملەكەتتىك دەنە-تاربئيا باش مەكەمەسىنىن جەتەكچىلەرىنەن ياڭ شۇ-ان، فىڭ جىيەنجوڭ، گاۋ جىدان، لئى يىڭچۇان، بايلانىشتۇۇ ۅلكۅ شاارلار جەتەكچىلەرىنەن جاڭ جىيەندوڭ، لئى جىنشىيۇ، زوۋ شىياۋپىڭ، اۋىستىرىيانىن جۇڭگودو تۇرۇشتۇۇ ەلچىسى ەلىنا، شاڭگاڭ دەنە-تاربئيا ۅكۉلدۅر توبۇنۇن باشچىسى حو جىنتئڭ، اۋمىن دەنە-تاربئيانى ۅنۉكتۉرۉۉ مەكەمەسىنىن باشچىسى داي زۇيئى قاتارلۇۇلار اچىلۇۇ ازەمىنە قاتىشتى.

اپتونوم رايوندۇق پارتىكوم، ەل قۇرۇلتايى، ۅكۉمۅت، ساياسئي كەڭەش، شئنجاڭ اسكەرىي رايونۇ، شئنجاڭ ۅندۉرۉش قۇرۇلۇش بئڭتۇانى قاتارلۇۇ جەتەكچىلەر اچىلۇۇ ازەمىنە قاتىشتى.

 

 

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.