باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 جاڭ چۉنشىيان ووعانىستاندىن باشقى اتقارۇۇ مانساپتارى ابدۇللا مەنەن كۅرۉشتۉ
   2016-05-19 11:29:38     xjbs   

قۇلجانىن جە 5- ايدىن 18- كۉنۉ تۉشتۅن مۇرۇن، ج ك پ بوربوردۇق كومىتەت ساياسى بئيروسۇنۇن مۉچۅسۉ، اپتونوم رايوندۇق پارتىكومدۇن شۇجئسى جاڭ چۉنشىيان ووعانىستاندىن باشقى اتقارۇۇ مانساپتارى ابدۇللا  مەنەن كۅرۉشتۉ.

    جاڭ چۉنشىيان كۅرۉشۉۉدۅ مىنداي دەدى: - شئنجاڭ _ ماملەكەتىبىز انىق بەكىتكەن جىبەك جولۇ ەكونومىكالىق ۅزۅكتۉۉ القاعى. ۅزۅكتۉۉ رايوندوقۇ بەش چوڭ بوربوردۇ كۉچ سالاا قۇرۇۇ بارىشىندا، شئنجاڭ ووعانىستان مەنەن بولعون ىستىراتەگىيالىق شەرىكتىك بايلانىشتى ۅنۉكتۉرۉۉگۅ ابدان ماانئى بەرەت، تاراپتار ەكونومىكالىق سوودا، گۇمانىتارلىق، اعارتۇۇ، دارىلوو سىياقتۇۇ ار قايسى سالاالارداعى الماشتىرۇۇ قىزماتتاشتىقتى كۉچۅتۉپ، ۅز ارا پايدا جەتكىزىپ، ورتوق ۅنۉگۉۉنۉ ىشكە اشىرىپ، جىبەك جولۇ ەكونومىكالىق القاعى قۇرۇلۇشۇ ارقىلۇۇ جىبەك جولۇ بويۇنداعى ار قايسى ماملەكەت ەلىنە نارپ جەتكىزۉۉسۉ كەرەك.
 
    جاڭ چۉنشىيان مىنا بۇلاردى باسا كۅرسۅتتۉ:- شئنجاڭ ووعانىستاندىن تەروردۇققا جانا وپسۇزدۇققا سوققۇ بەرۉۉسۉن چەچكىن قولدويت. جۇڭگو- ووعانىستاندىن قووپسۇزدۇق قىزماتتاشتىعى رامكاسى ىچىندە قىزماتتاشۇۇنۇ كۉچۅتۉپ، تەرروردۇققا جانا وپسۇزدۇققا قول قارماشىپ سوققۇ بەرىپ، رايوندۇن شايكەشتۉۉ تۇرۇقتۇۇلۇعۇ ۉچۉن وروشون سالىمداردى قوشۇۇسۇن ۉمۉت قىلات.

    ابدۇللا مىنداي دەدى:- شئنجاڭ _ ووعانىستاندىن زارىل قوڭشۇسۇ جانا دوسۇ، شئنجاڭعا ناق مايدانعا تەكشەرىپ كەلگەندەن كىيىن، مەن بۇل جەردەكى قۇبانارلۇۇ ۅزگۅرۉۉلۅردۉ جانا گۉلدۅندۉلۅردۉ ۅز كۅزۉم مەنەن كۅردۉ، ايرىقچا، رايون قۇرۇلۇشۇ جاعىندا جەتىشكەن ىيگىلىكتەردى جانا زور ۅنۉگۉۉ كۅمۅسكۅ كۉچۉن كۅردۉم، بۇل تاراپتاردىن داعىدا چىنىعى قىزماتتاشۇۇنۇ قۇلاچ جايدىرۇۇسۇنا جاقشى ۇل سالات وشوندوي ەلە بئزدىن كەلەچەككە بولعون ىشەنىمىبىزدى اشىرات. ووعانىستان تاراپتاردىن ار قايسى سالااداعى قىزماتتاشتىق ويلورۇن ىشتىكتۉۉ بايلانىشتىرىپ جانا بىردەمجىي سۉيلۅشۉپ، ايىل-چاربا، اعارتۇۇ، دارىلوو سىياقتۇۇ جاقتارداعى تۅپ قىزماتتاشۇۇ العىلىقتۇۇ تۉيۉندۅرۉن تااپ، تاراپتاردىن چىنىعى قىزماتتاشتىعىن جاڭى بەلەسكە كۅتۅرۉۉنۉ باچىمداتۇۇنۇ؛ وشونۇ مەنەن قاتار، ووعانىستاندىن شئنجاڭ مەنەن بولعون قووپسۇزدۇق سالااسىنداعى قىزماتتاشۇۇنۇ كۉچۅتۉپ، تەرروردۇق جانا وپسۇز كۉچتۅرگۅ ورتوق سوققۇ ۇرۇپ، تاراپتار قىزماتتاشتىعى جانا رايون قووپسۇزدۇعۇن قورعوونۇ كەپەلەت مەنەن قامدوونۇ قاالايت.

    اپتونوم رايون جەتەكچىلەرىنەن شۅحرات زاكىر، نايىم ياسىن، نۇرلان ابىلماجىن، جۇ حايلۇن، لئى شۅجۉن، پىڭ جارۉي، ماملەكەتىبىزدىن ووعانىستاندا تۇرۇشتۇۇ ەلچىسى ياۋجئڭ قاتارلۇۇلار كۅرۉشۉۉدۅ بىرگە بولدۇ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.