باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
شئ جىنپىڭ ا ق ش پىرىزدەنتى وباما جانا بىرىككەن ماملەكەتتەر ۇيۇمۇنۇن باش قاتچىسى پان گىموندور مەنەن كۅرۉشتۉ
   2016-09-19 18:58:32     xjbs   

ماملەكەت تۅراعاسى شئ جىنپىڭ توعۇزدۇن ايى جە 9- ايدىن 3- كۉنۉ ا ق ش پىرىزدەنتى وباما، بىرىككەن ماملەكەتتەر ۇيۇمۇنۇن باش قاتچىسى پان گىموندور مەنەن چوعۇۇ حاڭجوۋدا كىلىمات ۅزگۅرۉشۉ «پارىج كەلىشىمى» تاستىق نااماسىن تاپشىرۇۇ ازەمىنە چوعۇۇ قاتىشتى. تۉشتۅن كىيىن ساات 5 جارىمدا ازەم باشتالدى. شئ جىنپىڭ جانا وباما الدى-ارتى بولۇپ پان گىمونعو جۇڭگو جانا ا ق شنىن كىلىمات ۅزگۅرۉشۉ «پارىج كەلىشىم» ىنىن تاستىق نااماسىن تاپشىردى. ارتىنان شئ جىنپىڭ سۅز سۉيلۅدۉ.

شئ جىنپىڭ مىنا بۇلاردى كۅرسۅتتۉ: كىلىمات ۅزگۅرۉشۉ ەلدىن باقىتى جانا ادامزاتتىن بولوچوعۇنا چاتىشتۇۇ. «پارىج كەلىشم» ى 2020- جىلدان كىيىنكى بۉت جەر شاارىنىن قىزماتتاشىپ كىلىمات ۅزگۅرۉشۉنۅ تەڭ تايلاش تۇرۇۇسۇنا باعىتىن انىق كۅرسۅتۉپ بەردى، بۇل قىزماتتاشىپ ورتوق نارپ الۇۇ، ادئل ىلايقىتۇۇ بولعون جەر شاارى كىلىماتىن جۅنگۅ سالۇۇ سىستەماسىنىن ۇچۇردا قالىپتانىپ جاتقاندىعىنىن بەلگىسى سانالات. جۇڭگو كىلىمات ۅزگۅرۉشۉنۅ تەڭ تايلاش تۇرۇۇعا ورچۇندۇۇ سالىم قوشتۇ. جۇڭگو 20 لار توبۇنۇن تۇنعۇچ كىلىمات ۅزگۅرۉشۉ جۅنۉندۅكۉ تۅراعا ۉندۅۅسۉن جارىيالووعو، الدى مەنەن «پارىج كەلىشىم» ىنە قول قويۇۇعا ۉندۅگۅن. جۇڭگونۇن بىرىككەن ماملەكەتتەر ۇيۇمۇنا تاستىق نااما تاپشىرۇۇسۇ، جۇڭگو ۅكۉمۅتۉنۉن جاڭى ۇلۇۇ ۇباداسى.

 شئ جىنپىڭ مىنا بۇلاردى باسا كۅرسۅتتۉ: جۇڭگو ەڭ ئرى ۅنۉگۉپ جاتقان ماملەكەت، ا ق ش ەڭ ۅنۉككۅن ئرى ماملەكەت، ەكى ماملەكەت كىلىمات ۅزگۅرۉۉ سالااسىنداقى چىعاان بەرەكەتتۉۉ مايەكتەردى جانا قىزماتتاشۇۇلاردى قۇلاچ جايىلتتى. ەكى ماملەكەت «پارىج كەلىشىم» ىنىن زاكوندۇۇ ۉجۅتۉن چوعۇۇ تاپشىرىپ، جەر شاارى مۉنۅزدۉۉ ماسەلەگە تەڭ تايلاش تۇرۇۇداقى جۉرۅكتۉۉلۉگۉن جانا قايراتىن چاعىلدىردى. ەل ارالىق قوومچۇلۇق «پارىج كەلىشىم» ىن جۉزۅۅلۅشتۉرۉۉنۉ وڭۇت دەپ بئلىپ، ەسسەلەپ چىمىرقانىپ، جەر شاارىن جۅنگۅ سالۇۇ سىستەماسىن ۇلاندۇۇ كۉچۅتۉپ جانا كەمەلدەندىرىپ، كىلىمات ۅزگۅرۉشۉنۅ تەڭ تايلاش تۇرۇۇ جولۇندا جاڭىلىق جاراتىپ، «پارىج كەلىشىم» ىنىن ەرتەرەەك كۉچكۅ ەە بولۇۇسۇن جانا جالپى بەتكەي جۉزۅۅلۅشۉۉسۉن جىلىشتاتۇۇ كەرەك. بئز ورتوق بئروق ايرىماسى جووپكەرچىلىك پىرىنسىبىندە، ادىلدىك پىرىنسىبىندە، ۅز جۅندۅمدۅرۉبۉز پىرىنسبىندە بەكەم تۇرۇپ، پارىج جىينالىشىنىن ۇقۇق بەرۉۉسۉ بويۇنچا، كىيىنكى سۉيلۅشۉۉلۅردۉ تۇرۇقتۇۇ جىلىشتاتىپ، كىلىمات ۅزگۅرۉشۉ اتاانداشۇۇسۇن ۅنۉمدۉۉ تەڭ تايلاش تۇرۇۇبۇز كەرەك. ۅنۉككۅن ماملەكەتتەر ۇباداسىن اتقارىپ، قارجى، تەحنىكالىق قولدوو مەنەن قامداپ، ۅنۉگۉپ جاتقان ماملەكەتتەردىن كىلىمات ۅزگۅرۉشۉنۅ تەڭ تايلاش تۇرۇۇ جۅندۅمۉن كۉچۅتۉۉ كەرەك.

شئ جىنپىڭ مىنا بۇلاردى باسا بەلگىلەدى: جۇڭگو جووپكەرچىلىكتۉۉ ۅنۉگۉپ جاتقان ئرى ماملەكەت، جەر شاارى كىلىماتىن جۅنگۅ سالۇۇعا اكتىۋالدۇۇ قاتىشۇۇچۇ. جۇڭگو جاڭىلىق جاراتۇۇ، شايكەشتۉۉ، جاشىل، اچىپ جىبەرىلگەن، ورتوق باارلانۇۇداي ۅنۉگۉۉ تاانىمىن جۉزۅۅلۅشتۉرۉپ، ۉنۅمچۉل كەرەكسىزدى از قويو بەرۉۉ جانا تۅمۅن كۅمۉرتەكتۉۉ ۅنۉگۉۉنۉ جالپى بەتكەي جىلىشتاتىپ، ەكولوگىيالىق مادانىيلىك جاڭى دوورۇنا قادام سالات. وباما مىنداي دەدى: كىلىمات ۅزگۅرۉۉ قىرسىعى، ادامزات تۇش كەلگەن بارعانسايىن وورلوشۇپ جاتقان اتاانداشۇۇ. كىلىمات ۅزگۅرۉشۉنۅ تەڭ تايلاش تۇرۇۇدا ەل ارالىق قوومچۇلۇقتۇن ورتوق چىمىرقانۇۇسۇنا مۇقتاج. ا ق ش-جۇڭگو ەكى ماملەكەت ەل ارالىق قىزماتتاشۇۇنۇ تۉرتمۅكتۅپ، «پارىج كەلىشىم» ىن تۉزۉۉگۅ ورتوق ورچۇندۇۇ رولۇن ۅرچۉتتۉ. بۉگۉن، ا ق ش-جۇڭگو ەكى ماملەكەت ەكى ەڭ ئرى ەكونومىكا سوبىكتى جانا ەڭ ئرى قويو بەرۉۉچۉ ماملەكەت قاتارى، «پارىج كەلىشىم» ىن بئر ۇباقىتتا تاستىقتوو جانا قابىلدوونۇن تارىحى ماڭىزى بار. ا ق ش جۇڭگو مەنەن ۇلاندۇۇ تىعىز قىزماتتاشىپ، داعىدا قووپسۇز جانا جالچىعان دۉينۅ قۇرۇۇ ۉچۉن چىمىرقانات.

 پان گىمون مىنداي دەدى: جۇڭگو-ا ق ش «پارىج كەلىشىم» ىن الدى مەنەن تاستىقتاپ، اتالعان كەلىشىمدى بىيىل جىل ىچىندە كۉچكۅ ەە قىلۇۇنۇ زور داراجادا جىلىشتاتتى. بىرىككەن ماملەكەتتەر ۇيۇمۇ جۇڭگو-ا ق ش ەكى ماملەكەتتىن كىلىمات ۅزگۅرۉشۉ اتاانداشۇۇسۇنا تەڭ تايلاش تۇرۇۇ جاعىندا جەتەكچىلىك رولۇن ۅرچۉتكۅنۉنۅ ۅسكۅلۅڭ باا بەرەت. قايراتتۇۇلۇقا تولعون «پارىج كەلىشىم» بۉت جەر شاارىن سىزىل ۅنۉگۉۉدۅكۉ جاڭى وموقتۇۇلۇق قاندىرعاسى مەنەن قامداپ، بئزدىن ورتوق ۉي-بۉلۅۅبۉزدۉ قووپسۇز قورعوو مەنەن قامدايت. «پارىج كەلىشىم» 2015- جىلى ۉچتۉن ايى جە 12- ايدىن 12- كۉنۉ كىلىمات ۅزگۅرۉشۉ پارىج جىينالىشىندا ماقۇلدانعان. 2016- جىلى بۇعۇ جە 4- ايدىن 22- كۉنۉ، جۇڭگو-ا ق ش «پارىج كەلىشىم» ىنە بئر ۇباقىتتا قول قويعون. ۋاڭ حۇنئڭ، ۋاڭياڭ، لئ جانشۇ، ياڭجەچى قاتارلۇۇلار جىينالىشقا قاتىشتى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.