باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
شئى جىنپىڭ راكىتا ارمئياسى ورگانىن كۅزدۅن كۅچۉردۉ
   2016-09-27 20:22:44     xjbs   

ج ك پ بوربوردۇق كومىتەتتىن باش شۇجئىسى، ماملەكەت تۅراعاسى، بوربوردۇق اسكەرى ىشتەر كومىتەتىنىن تۅراعاسى شئى جىنپىڭ توعۇزدۇن ايىنىن جە 9- ايدىن 26- كۉنۉ تۉشتۅن مۇرۇن راكىتا ارمئياسىنىن ورگانىن كۅزدۅن كۅچۉرۉپ، پارتئيا بوربوردۇق كومىتەتى، بوربوردۇق اسكەرى ىشتەر كومىتەتى اتىنان، راكىتا ارمئياسى بئرىنچى جولقۇ پارتئيا قۇرۇلتايىنىن اچىلعاندىعىن قىزۇۇ قۇتتۇقتادى ارى راكىتا ارمئياسىنداعى بااردىق كوماندىر- جووكەرلەردەن چىن جۉرۅكتۅن ابال سۇرادى.

 ال مىنا بۇلاردى باسا كۅرسۅتتۉ:- راكىتا ارمئياسى _ ماملەكەتىبىزدىن ىستىراتەگيالىق ۉكۉسۉندۅكۉ يادىرولۇق كۉچ، ماملەكەتىبىزدىن چوڭ ماملەكەت وردۇنداعى ىستىراتەگىيالىق تۉركۉگۉ، ماملەكەتىبىزدىن قووپسۇزدۇق قورعوودوقۇ زارىل ۇل تاش. پارتئيانىن جاڭى قىرداالداعى كۉچتۉۉ ارمئيا قۇرۇۇ نىشاانىن جەتەكچى قىلىپ، جاڭى قىرداالداعى اسكەرى ىشتەر ىستىراتەگىيالىق باعىتىن تاامايلاشتىرىپ، ساياسىدا مىقتى، ىسلااتتا كۉچتۉۉ، زاكون ارقىلۇۇ باشقارىلاتۇرعان ارمئيا بولۇۇدان تايباي، تارىحى مىلدەتتى ەستە بەكەم ساقتاپ، ىستىراتەگىيالىق جۅندۅمۉن جوعورۇ كۅتۅرۉپ، كۉچتۉۉ بولعون زامانداشقان راكىيا ارمئياسىن چىمىرقانىپ قۇرۇپ چىعۇۇ كەرەك.

راكىتا ارمئياسى بىلتىر جىل سوڭۇندا، پارتئيا بوربوردۇق كومىتەتى جانا بوربوردۇق اسكەرى ىشتەر كومىتەتىنىن ماملەكەت قورعونۇۇ جانا اسكەرى رايون ىسلااتىن تەرەڭدەتۉۉ جۅنۉندۅگۉ چەچىم ورۇنداشتىرۇۇسۇ بويۇنچا قۇرۇلعان.

 شئى جىنپىڭ ۅز قولۇ مەنەن راكىتا ارمئياسىنا اسكەرى تۇۇ ىيعارعان جانا ارنوو سۅزۉن جازىپ بەرگەن. تۉشتۅن مۇرۇن ساات 9 دان 30 مئنۇت ۅتكۅندۅ، شئى جىنپىڭ راكىتا ارمئياسىنىن ورگانىنا كەلىپ، راكىتا ارمئياسىنىن بئرىنچى جولقۇ پارتئيا قۇرۇلتايىنا قاتىشقان بااردىق ۅكۉلدۅر مەنەن كۅرۉشتۉپ، كۅپچۉلۉك مەنەن چوعۇۇ ەستەلىك سۉرۅتكۅ تۉشتۉ. ەستەلىك سۉرۅتكۅ تۉشكۅندۅن كىيىن، شئى جىنپىڭ راكىتا ارمئياسىنىن قىزمات دوكىلاتىن ۇقتۇ، ارى زارىل سۅز سۉيلۅدۉ.

 ال مىنا بۇلاردى باسا كۅرسۅتتۉ:- ۇزۇنتان بەرى، ەل ارالىق قىرداال قۇبۇلۇپ ۅزگۅرسۅدا، ماملەكەت قووپسۇزدۇعۇ زور اتاانداشتىقتارعا كەزدەشسەدا، راكىتا ارمئياسى سوعۇش ۉكۉسۉن مايتارىپ، ماملەكەت قووپسۇزدۇعۇنا پايدالۇۇ بولعون ىستىراتەگىيالق قىرداالدى قالىپتاشتىرىپ، دۉينۅلۉك ىستىراتەگىيانىن وموقتۇۇ، بايسالدۇۇ بولۇۇسۇن قورعوو جاعىندا وردۇن باسقىس زارىل رول اتقاردى. كەزەكتە، بۉت ارمئيا بۉت ماملەكەتتەكى ار ۇلۇت ەلى «ەكى جۉز جىلدىق كۉرۅش نىشاانى»ن ىشكە اشىرۇۇ، جۇڭحۇا ۇلۇتتارىنىن ۇلۇۇ گۉلدۅنۉۉسۉنۅن تۇرعان جۇڭگو اڭسووسۇن ىشكە اشىرۇۇ ۉچۉن تالىقباي كۉرۅش قىلىپ، ازىر، كۅپتۅگۅن جاڭى تارىحى ۅزگۅچۅلۉكتۅرگۅ ەە ۇلۇۇ كۉرۅشتۅردۉ الىپ بارىپ، قووپ قىرسىق تاانىمىن كۉچۅتۉپ، ۅنۉگۉۉ ارىمىن تەزدەتىپ، ىستىراتەگىيالىق جۅندۅمۉن چىنىعى استايدىل جوعورۇ كۅتۅردۉ.

ج ك پ بوربوردۇق كومىتەت ساياسى بئيروسۇنۇن مۉچۅسۉ، بوربوردۇق اسكەرى ىشتەر كومىتەتىنىن ورۇنباسار تۅراعاسى فان چاڭلوڭ، ج ك پ بوربوردۇق كومىتەت ساياسى بئيروسۇنۇن مۉچۅسۉ، بوربوردۇق اسكەرى ىشتەر كومىتەتىنىن ورۇنباسار تۅراعاسى شۉ چىلئياڭ، بوربوردۇق اسكەرىي ىشتەر كومىتەتىنىن مۉچۅلۅرۉنۅن چاڭ ۋانچۇان، فاڭ فىڭحۉي، جاڭياڭ، جاۋ كىشى، جاڭ يوۋشىيا، ۋۇ شىڭلئى، ما شاۋتىيەن، ۋىي فىڭحى سىياقتۇۇلار جوعورقۇ قىيمىلدارعا قاتىشتى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.