باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
چىن چۇانگو ۉرۉمچۉ شاارىندا ەكى جولۇ تۅراعا ماۋزىدوڭ مەنەن كۅرۉشكۅن قۇربان تۇلۇمدۇن تۇۇعاندارىنان ال سۇرادى
   2016-10-18 10:06:20     xjbs   

جەتىنىن ايى جە 10-ايدىن 13-كۉنۉ تۉشتۅ، اپتونوم رايوندۇق پارتىكومدۇن شۇجئسى چىن چۇانگو ۉرۉمچۉ شاارىندا ەكى جولۇ تۅراعا ماۋزىدوڭ مەنەن كۅرۉشكۅن قۇربان تۇلۇمدۇن تۇۇعاندارىنان ال سۇرادى. 50 قانچا جىلدىن الدىندا، قۇربان بايكەنىن بەيجىنگە تۅراعا ماۋزىدوڭدۇ كۅرگۅلۉۉ بارعاندىعىن بااردىق كىشى بئلۉۉچۉ.

 50 قانچا جىلدان بەرى، قۇربان چوڭ اتانىن تااسىرىندە انىن نەبىرە-چەبىرەلەرى داعى پارتئيانى، ۇلۇۇ اتا-مەكەندى قىزۇۇ سۉيۉپ، ۇلۇتتار ىنتىماقتىعى، قووم وموقتۇۇلۇعۇ، اتا-مەكەندىن بئرىمدىگىن قورعوو ىشتەرىنە كۅپتۅگۅن سالىمداردى قوشۇپ كەلدى.

 چىن چۇانگو قۇربان چوڭ اتانىن چوڭ قىزى، 87 جاشتىق توقتوقان قۇرباندىن قۇرالدۇۇ ساقچى شئنجاڭ باش اتىرەتى دوقتۇرقاناسىندا ۅتكۅ تاش تۉشۉۉ وپەراتسىياسىن جاساتىپ، دەنە-سالاماتتىعى قالبىنا كەلىپ دوقتۇرقانادان چىققاندىعىن بىلگەندەن كىيىن قۇربان چوڭ اتا جاقىن تۇۇعاندارى مەنەن كۅرۉشۉپ، مايەك قۇرۇپ، قۇربان چوڭ اتانىن ئش-ىزدەرىن ەسكەرىپ، مەكەندى سۉيۉۉ مەەر-ماحاباتى، ىنتىماقتىق مەەرىمى جۅنۉندۅ اڭگەمەلەشۉۉنۉ ورتوعو قويعون.

 كۅرۉشۉ مەنەن ەلە، چىن چۇانگو تەزدەن بارىپ، توقتوقاندىن قولۇن قىسا قارماپ، انىن سالاماتتىق ابالىن ەەلەدى. توقتوقان مايرامعا دايارداعان اتلەز كۅينۅگۉن كىيىپ العان، باشىنداقى اق جوولۇققا قوندۇرۇپ قويعون حوتەندىن ۅزگۅچۅ گۉلدۉۉ توپۇسۇ قۇدۇم جاڭى اچىلعان گۉلدۅي، توقتوقاندىن كۅركۉنۅ انسايىن كۅرك قوشۇپ تۇرات.

 ال تولقۇندانعان تۉردۅ چىن چۇانگوعو:-دەنە سالاماتتىعى جاقشى قالبىنا كەلگەندىگىن، دوقتۇرقانادا ويدوقۇداي دارىلانىپ جاتقان ايتات. چىن چۇانگو اپتونوم رايوندۇق پارتىكوم، ۅكۉمۅت اتىنان قۇربان بايكەنىن ۉي-بۉلۅۅسۉندۅكۉلۅردۅن چىن ىقلاستۇۇ ال سۇراپ، قۇربان چوڭ اتانى تەرەڭ ەسكەرەەرىن جانا اعا بولعون ۇلۇۇ ۇرماتىن بئلدىردى. چىن چۇانگو تولقۇندانعان تۉردۅ:-قۇربان چوڭ اتانىن بەيجىنگە بارىشى جارىم قىلىمدىق ۇلامىش سۅزگۅ ايلاندى.

 شئنجاڭ تىنچ ازات بولعوندون كىيىن قۇربان چوڭ اتانىن جۇڭگو كوممۇنئستىك پارتئياسىنا بولعون ىراازىچىلىعى، ۇلۇۇ اتا-مەكەنگە بولعون مەەر-ماحاباتى انسايىن ارتىپ، ۇلۇتتار ىنتىماقتىعىن انسايىن قاستارلاعان. سوتسئيالىزدىك قۇرۇلۇش بارىشىندا، قۇربان چوڭ اتانىن پارتئياعا بولعون تەرەڭ مەەر-ماحاباتىن «پارتئيانىن سۅزۉن بەكەم ۇعۇپ، پارتئياعا بەكەم ەەرچىپ باسۇۇ»نۇن كۉچتۉۉ قوزعولتقۇچ كۉچۉنۅ ايلاندىرىپ، ەمگەك ۉلگۉلۅرۉ، ۇلۇتتار ىنتىماقتىق ۉلگۉلۅرۉنۅن بولدۇ. قۇربان چوڭ اتا-شئنجاڭداقى ارۇلۇت ەلىنىن وزوت ۅكۉلۉ، شئنجاڭداقى ارۇلۇت ەلىنىن ۉيرۅنۉش ۅكۉلۉ.

 چىن چۇانگو مىنداي دەدى:-باش شۇجئ شئ جىنپىڭ شئنجاڭداقى ۇلۇتتار ىنتىماقتىق قىزماتىنا جوعورۇ داراجادا ماانئ بەرىپ، قۇربان چوڭ اتانىن شاڭدۇۇ ئش-ىزدەرىن جوعورۇ باالادى. شئنجاڭداقى ارۇلۇت كادىر جۇرتچۇلۇعۇ باش شۇجئ شئ جىنپىڭدىن قامقوردۇعۇن قوزعولتقۇچ كۉچ قاتارى ساناپ، مەكەن سۉيۅردۉك روحۇن كۉچ سالا ۅۅرچۉتۉپ، پارتئيانى، مەكەندى، سوتسئيالىزىمدى سۉيۉۉسۉن كۉچۅتۉپ، ۇلۇتتار ىنتىماقتىعىنداقى شاڭدۇۇ جۅرۅلگۅلۅردۉ دووردون-دوورعو ۇلاندىرۇۇسۇ وشوندوي ەلە قۇربان چوڭ اتاعا وقشوش تۉبۅلۉك پارتئيادان ىراازى بولۇپ، پارتئيانىن سۅزۉن ۇعۇۇدا بەكەم تۇرۇۇسۇ كەرەك.

 جۇڭگو كوممۇنئستىك پارتئياسى بولبوعون بولسو جاڭى جۇڭگو، سوتسئيالىزدىك شئنجاڭ وشوندوي ەلە شئنجاڭداقى ارۇلۇت ەلىنىن باقتىلۇۇ تۇرمۇشۇ بولبوعون بولوور ەلە. وشوندۇقتان شئنجاڭداقى ارۇلۇت ەلى پارتئياعا ىراازى، پارتئياعا ساادىق بولۇۇ مەنەن بىرگە ئدىيا-ساياسئي جانا اراكەت جاعىندا جولدوش شئ جىنپىڭ باش شۇجىلىگىندەكى پارتئيا بوربوردۇق كومىتەت مەنەن جوعورۇ داراجادا بىردەيلىكتى ساقتاپ، پارتئيا بوربوردۇق كومىتەتتىن چەچىمدۉۉ ساياسات ورۇنداشتىرۇۇلارىن، پارتئيانىن ۇلۇتتۇق ساياساتتارىن تااماي جۉزۅلۅشتۉرۉپ، جۇڭحۇ ۇلۇتتارىنىن ۇلۇۇ قايرا گۉلدۅنۉۉسۉن ىشكە اشىرۇۇداي جۇڭگو اڭسووسۇنۇن جاڭىچا بەت اچارىن بىردىكتە باشتوو كەرەك. قۇربان چوڭ اتاعا وقشوش ۇلۇۇ اتا-مەكەندى تۉبۅلۉك قىزۇۇ سۉيۉۉبۉز كەرەك.

ماملەكەت جاقشى بولسو ۇلۇتتار ۉچۉن انسايىن جاقشى شارتتار جارالات، اتا-مەكەندىن ۅنۉگۉپ-ۅسۉسۉ اربئر ۉي-بۉلۅۅدۅكۉ اربئر ىشمەرلەردى انسايىن باقتىلۇۇ، قادىر-بارىقتۇۇ قىلات. وشوندۇقتان اتا-مەكەندى چىن جۉرۅگۉبۉزدۅن سۉيۉپ، اتا-مەكەنگە، جۇڭحۇا ۇلۇتتارىنا، جۇڭحۇا مادانئياتىنا، جۇڭگو كوممۇنئستىك پارتئياسىنا، جۇڭگوچو سوتسئيالىزدىك قوومعو بولعون تاانىمدى انسايىن چىڭالتىپ، قۇربان چوڭ اتاعا وقشوش، ۇلۇتتار ىنتىماقتىعىن تۉبۅلۉك قورعوو كەرەك.

 جۇڭگو-بىردىككە كەلگەن كۅپ ۇلۇتتۇۇ ماملەكەت، اربئر ۇلۇتتۇن بااردىعى جۇڭحۇا ۇلۇتتار چوڭ ۉي-بۉلۅۅسۉندۅكۉ تەڭ-بارابار مۉچۅ، ۅزارا جۇرۇلۇشۇپ تۇرات. ەچ كىم ەچ كىمدەن ايرىلالباستىق جۇڭحۇا ۇلۇتتارىنىن تاعدىرلاش ورتوق تۇلقۇسۇ. وشوندۇقتان بئز اعا-ئنى، ەجە-سىڭدەي ىنتىماقتا بولۇپ، ۇلۇتتار ىنتىماقتىعىن كۅزۉبۉزدۉ اسىراعانداي اسىراپ، ۅمۉرۉبۉزدۉ قادىرلاعانداي قادىرلاپ، قولعو قول، بۇتقا بۇتقا بولۇپ، ۅزارا جاردامداشىپ، ۇلۇتتار ىنتىماقتىعىن، ماملەكەتتىن بىردەيلىگىن ورتوق قورعووبۇز كەرەك.

 قۇربان چوڭ اتاعا وقشوش ەكى قولۇنا سۉيۅنۉپ، باقتىلۇۇ تۇرمۇش جاراتىپ، ۇچۇرداقى تابىلعىس مۅرت، جاقشى ساياساتتاردى بەكەم قارماپ، اقىل كۉچۉنۅ سۉيۅنۉپ، بايىپ، تۇرمۇشۇن كۉنسايىن جاقشىلاپ، ىنتىماقتۇۇ شايكەشكەن، باي-باياشات، مادانئياتتۇۇ العا ىلگەرلەپ، بەيپىل قونۇشتاندىرىپ، كەسىپ گۉلدۅندۉرۉگۅن سوتسئيالىزدىك شئنجاڭعا دىلگىر سالىم قوشۇۇبۇز كەرەك.

 چىن چۇانگو قۇربان چوڭ اتانىن ۉي-بۉلۅۅسۉندۅكۉلۅر ۇلۇۇ مۇۇندۇن جوعورۇ ساپاتىن جانا شاڭدۇۇ جۅرۅلگۅسۉن، باالۇۇ ۉي-بۉلۅۅ مۇراسى قاتارى دووردون دوورعو ۇلانتىپ، جاقشى بولعون ئستىلدى ساقتاپ، قوومدۇق ىستىلگە كۉچ قوشۇۇسۇن ۉمۉت قىلدى. اتاسىنىن ازاتتىقتان مۇرداقى قىيىنچىلىقتۇۇ كۉندۅرۉن جانا جاڭى جۇڭگو قۇرۇلعاندان كىيىنكى جاقشى تۇرمۇشۇن چىن چۇانگو شۇجئ مەنەن بىردىكتە ەسكەرگەندە، توقتوقاندىن كۅزۉنۅن ىسىق جاشتار تامچىلادى. ال:-جۇڭگو كوممۇنئستىك پارتئياسى بولبوسو بئزدىن جاڭى تۇرمۇشۇبۇز بولبوس ەلە، بئز بئر ۉي-بۉلۅۅ كىشىلەرى جۇڭگو كوممۇنئستىك پارتئياسىنا چىن جۉرۅگۉبۉزدۅن ىراقمات ايتابىز،-دەدى.

قۇربان چوڭ اتانىن چەبىرەسى، ىلگەرى «لئياۋنىڭ» اسكەرى كەمەسىندە مىلدەت اتقارعان رۇقۇيا مامەتسەيت:-بئز داعى چوڭ اتابىز باسقان جولدۇ باسىپ، پارتئيانى قىزۇۇ سۉيۉپ، اتا-مەكەندى قىزۇۇ سۉيۉپ، ۇلۇتتار ىنتىماقتىعىن قىزۇۇ سۉيۉۉنۉن ۉلگۉلۅرۉنۅ ايلانابىز،-دەدى. كۅرۉشۉۉدۅن كىيىن، توقتوقان چىن چۇانگو شۇجىگە ۇيعۇر توپۇسۇن بەلەككە بەرىپ، ىراقماتىن بئلدىردى.

 چىن چۇانگو شۇجئ قۇبانىچتۇۇ ماانايدا قۇربان چوڭ اتانىن ۉي-بۉلۅۅسۉندۅكۉلۅر مەنەن بىردىكتە ەستەلىك سۉرۅتكۅ تۉشتۉ. قۇربان چوڭ اتانىن ۉي-بۉلۅۅ ۅكۉلدۅرۉ، اپتونوم رايوندۇق پارتىكومدۇن تۇرۇقتۇۇ مۉچۅسۉ شۅكەت ئمىن، قۇرالدۇۇ ساقچى شئنجاڭ باش اتىرەتىنىن قول باشچىسى گۇان يانمئ، قۇرالدۇۇ-ساقچى شئنجاڭ باش اتىرەتىنىن ساياسئي كوممۇسسارى ۋاڭ ايگو، قۇرالدۇۇ-ساقچى شئنجاڭ باش اتىرەتى دوقتۇرقاناسىنىن جووپتۇۇ جولدوشتورۇ، حوتەن ايماعى، كىرىيە وودانى، كىرىيە ووداندىق ىشەمبى بازار بازارىنىن بايلانىشتۇۇ جولدوشتورۇ كۅرۉشۉۉدۅ بىرگە بولدۇ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.