باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
شئنجاڭ مەدىتسىنا ۇنىۋەرسىتەتى قۇرۇلعاندىعىنىن 60 جىلدىعىن قۇتتۇقتوو جىينالىشىن ۅتكۅردۉ
   2016-10-18 10:06:20     xjbs   

شئنجاڭ مەدىتسىنا ۇنىۋەرسىتەتى قۇرۇلعاندىعىنىن 60 جىلدىعىن قۇتتۇقتوو جىينالىشىن ۅتكۅردۉ، ىسمايىل تىلەبالدى، ابىلەت ابدىرەشىت، چىن چۇانگو، شۅحرات زاكىر سۅز سۉيلۅدۉ. جەتىنىن ايى جە 10- ايدىن 15- كۉنۉ تۉشتۅن مۇردا، شئنجاڭ مادىتسىنا ۇنىۋەرسىتەتى ۇنىۋەرسىتەت قۇرۇلعاندىعىنىن 60 جىلدىعىن قۇتتۇقتوو جىينالىشىن سالتاناتتۇۇ ۅتكۅردۉ.

 ماملەكەت ىچى- سىرتىنان، تەڭىرتوونۇن تۉشتۉك تۉندۉگۉنۅن كەلگەن جاڭى ەسكى مەكتەپتەشتەر بئر جەرگە چوعۇلۇپ، بىردىكتە شئنجاڭ مادىتسىنا ۇنىۋەرسىتەتىنىن 60 جىلدىق تۇۇلعان كۉنۉن قۇتتۇقتاشتى. ماملەكەتتىك ەل قۇرۇلتايى تۇرۇقتۇۇ كومىتەتىنىن مۇرداعى ورۇنباسار كومىتەت باشچىسى ىسمايىل تىلەبالدى، ماملەكەتتىك ساياسىي كەڭەشتىن مۇرداعى ورۇنباسار تۅراعاسى ابىلەت ابدىرەشىت، اپتونوم رايوندۇق پارتىكومدۇن شۇجئسى، شئنجاڭ ۅندۉرۉش قۇرۇلۇش بئڭتۇان پارتىكومۇنۇن بئرىنچى شۇجئسى، بئرىنچى ساياسىي كوممۇسسارى چىن چۇانگو، اپتونوم رايوندۇق پارتىكومدۇن ورۇنباسار شۇجئسى، اپتونوم رايوندۇن تۅراعاسى شۅحرات زاكىر سىياقتۇۇ جەتەكچىلەر قۇتتۇقتوو جىينالىشىنا قاتىشتى.

 قۇتتۇقتوو جىينالىشىنىن الدىندا، ىسمايىل تىلەبالدى، ابىلەت ابدىرەشىت، چىن چۇانگو، شۅحرات زاكىر سىياقتۇۇ جەتەكچىلەر شئنجاڭ مەدىتسىنا ۇنىۋەرسىەتىنىن مەكتەپ تارىح كۅرگۅزمۅسۉن ەكىسكۇرتسىيالادى.

 شئنجاڭ مەدىتسىنا ۇنىۋەرسىتەتى مۇردا، جاڭى جۇڭگو «بئرىنچى بەش جىلدىق» پىلانداعى 156- سوۋەت جادامداشىپ قۇرعان تۉيۉندۉۉ تۉردۉن بئرى بولعون شئنجاڭ مەدىتسىنا ئنىستوتۇ بولۇپ، 1956 -جىلى قۇرۇلۇپ ارى چىنىعى تۉردۅ وقۇۇچۇ قابىلداي باشتاعان، 1998- جىلى شئنجاڭ جۇڭگوچو مەدىتسىنا ئنىستوتۇ مەنەن بىرىگىپ شئنجاڭ مەدىتسىنا ۇنىۋەرسىتەتى بولۇپ قۇرۇلعان، بىيىل ماملەكەتتىك اعارتۇۇ مئنسىتىرلىگى، سالاماتتىقتى ساقتوو پىلاندۇۇ تۅرۅت كومىتەتى مەنەن اپتونوم رايوندۇق ەل ۅكۉمۅت بىردىكتە قۇرعان ۇنىۋەسىتەت بولۇپ تاستىقتالىپ، بۉت رايوندوعۇ بىردەن- بئر اعارتۇۇنۇ، ەمدۅۅنۉ، ئلىمى ىزىلدۅۅنۉ بئر تۇلقۇ قىلعان ۇنىۋەرسال مۉنۅزدۉۉ مەدىتىسنا جوعورۇ داراجاداعى وقۇۇجاي بولعون. تۉشتۅن مۇردا ساات 11دە، قۇتتۇقتوو جىينالىشى ماملەكەت ىرىنىن قوشتووسۇندا باشتالدى. شۅحرات زاكىر قۇتتۇقتوو جىينالىشىندا سۅز سۉيلۅدۉ.

 ال مىنداي دەدى، شئنجاڭ مەدىتسىنا ۇنىۋەرسىتەتى قۇرۇلعاندىعىنىن 60 جىلدىق سالتاناتى، رايونۇبۇز مەدىتسىنا جوعورۇ داراجاداعى اعارتۇۇ جانا دارىلوو سالاماتتىقتى ساقتوو سىستەماسىنىن چوڭ بئر قۇبانىچتۇۇ ئشى، وشوندوي ەلە شئنجاڭ دارىلوو سالاماتتىقتى ساقتوو ىشتەرىنىن ۅنۉگۉۉسۉندۅگۉ بئر سالتاناتتۇۇ ئشى چارا.

 شۅحرات زاكىر اپتونوم رايوندۇق پارتىكوم، اپتونوم رايوندۇق ەل ۅكۉمۅت اتىنان شئنجاڭ مەدىتسىنا ۇنىۋەرستەتىندەگى باردىق وقۇتۇۇچۇ وقۇۇچۇ ئشچىلەر جانا ماملەكەت ىچى-سىرتىنداعى مەكتەپتەشتەردى مايرامى مەنەن قىزۇۇ قۇتتۇقتاپ، ارى جىينالىشقا قاتىشقان ادئس، وقمۇشتۇۇ، ارقايسى قونوقتورعو ىسىق سالامىن بىلدىردى، وشوندوي ەلە ۇزۇم مەزگىلدەن بەرى اپتونوم رايوندۇق مەدتسىنا جوعورۇ داراجاداعى اعارتۇۇسى جانا دارىلوو سالاماتتىقتى ساقتوو ىشتەرىنىن ۅنۉگۉۉسۉنۅ قامقوردۇق قىلىپ قولدوو كۅرسۅتكۅن قوومدوعۇ ار سالاا ىشمەرلەرگە ىراازىچىلىعىن جانا ۇرماتىن بىلدىردى.

 شۅحرات زاكىر مىنداي دەدى: شئنجاڭ مەدىتسىنا ۇنىۋەرسىتەتى قۇرۇلعان كۉندۅن باشتاپ، پارتئيا بوربوردۇق كومىتەتتىن قىزۇۇ قامقوردۇعۇ، اپتونوم رايوندۇق پارتىكومدۇن كۅڭۉل بۇرۇۇسۇ جانا ماملەكەت ەلىنىن كۉچ سالاا قولدووسۇنا ەە بولعون. 60 جىلدان بەرى شئنجاڭ مەدىتسىنا ۇنىۋەرسىتەتى شئنجاڭدا تۇرۇپ ماملەكەتكە تەيلۅۅ كۅرسۅتۉپ، دۉينۅگۅ بەت الدى، الدى- ارتى بولۇپ بئر تۉركۉم ارتىقچىلىقتۇۇ ۅزگۅچۅ ساباقتاردى قۇرۇپ، بئر تۉركۉم ماملەكەت جانا اپتونوم رايوندۇن ئرى تۉرلۅرۉنۅ جووپتۇۇ بولۇپ ارقالاپ، بئر تۉركۉم مەدىتسىنا سالاماتتىقتى ساقتوو ىشمەرلەرىن تاربئيالاپ، شئنجاڭ مەدىتسىنا جوعورۇ داراجاداعى اعارتۇۇ جانا دارىلوو سالاماتتىقتى ساقتوو ىشتەرىنىن ماملەكەتتەگى وردۇن جانا تااسىرىن كۉچ سالاا جوعورۇلاتىپ، ار ۇلۇت ەلىنىن ۅمۉر سالاماتتىعى ۉچۉن كەپىلدىك قىلىپ، شئنجاڭ دارىلوو سالاماتتىقتى ساقتوو ىشتەرىنىن ۅنۉگۉۉسۉن جىلىشتاتۇۇ ۉچۉن زور سالىمداردى قوشتۇ.

 شئنجاڭ مادىتسىنا ۇنىۋەرسىتەتى، ۇنىۋەسىتەت قۇرۇلعاندىعىنىن 60 جىلدىعىن وڭۇت قىلىپ، باشتان- بويعو سوتسىيالىستىك مەكتەپ قۇرۇۇ باعىتىندا بەكەم تۇرۇپ، قووم وموقتۇۇلۇعۇ جانا ۇزاققا چەيىن بەيپىل ۅنۉگۉۉدۅي بۇل شئنجاڭ قىزماتىنىن باش نىشاانىن تىعىز ىمەرچىكتەي، «بئر القاق بئر جول» جانا جىبەك جولۇ ەكونومىكالىق القاعى ۅزۅكتۉۉ رايونۇن قۇرۇۇداي ئرى تارىحىي وڭۇتتۇ بەكەم قارماپ، ماملەكەتتىن ىستىراتەگىياسى جانا شئنجاڭ ەكونومىكا قووم ۅنۉگۉۉسۉنۅ تەيلۅۅ كۅرسۅتۉۉنۉ كۅزگۅ قارماپ، ماملەكەت ىچىندەگى وقشوش تۉردۅگۉ وقۇۇجايلاردىن چىعاان، ورتو ازىياداعى الدىنقى، ەل ارادا بەلگىلۉۉ تااسىرى بار جوعورۇ دەڭگەلدەگى مەدىتسىنا ۇنىۋرسىتەتتەردىن وقۇتۇۇ نىشاانىن مەلجەپ وشوعو قاراي تىنباي چىمىرقانۇۇنۇ ۉمۉت قىلابىز.

 شۅحرات زاكىر مىنداي دەدى: اپتونوم رايوندۇق پارتىكوم، ەل ۅكۉمۅت مۇرداعىداي ەل شئنجاڭ مەدىتسىنا ۇنىۋەرسىتەتىنىن ىسلاات ۅنۉگۉۉگۉنۅ قامقوردۇق قىلىپ قولدوو كۅرسۅتۉپ، ارى ماملەكەتتىك اعارتۇۇ مئنىستىرلىگى، سالاماتتىقتى ساقتوو پىلاندۇۇ تۅرۅت كومىتەتى مەنەن بئر جولدو جۉرۉپ، بىردىكتە شئنجاڭ مەدىتسىنا ۇنىۋەرسىتەتىنىن ۅلكۅ مئنىستىر كومىتەت بىردىكتە قۇرۇۇ قىزماتىن جىلىشتاتىپ، شئنجاڭ مەدىتسىنا ۇنىۋەرسىتەتى بەكىتكەن ىستىراتەگىيالىق ۅنۉگۉۉ نىشاانىن ىشكە اشىرۇۇسۇ ۉچۉن ۅنۉمدۉۉ شارت جاراتىپ، رايونۇبۇز مەدىتسىنا جوعورۇ داراجاداعى اعارتۇۇ جانا دارىلوو سالاماتتىقتى ساقتوو ىشتەرىنىن انسايىن تەز جاقشى ۅنۉگۉۉسۉن جىلىشتاتۇۇدا انسايىن ماانىلۉۉ رول كۅرسۅتۅت.

 قۇتتۇقتوو جىينالىشىندا، شئنجاڭ مەدىتسىنا ۇنىۋەرسىتەتىنىن جووپتۇۇ جولدوشتورۇ، باعىتتۇۇ جاردام بەرگەن جوعورۇ وقۇۇجاي ۅكۉلدۅرۉ، مەكتەپتەش ۅكۉلدۅر، وقۇۇچۇلاردىن ۅكۉلدۅرۉ ايرىم- ايرىم سۅز سۉيلۅدۉ. اپتونوم رايون جانا شئنجاڭ ۅندۉرۉش قۇرۇلۇش بئڭتۇان جەتەكچىلەرىنەن حانىبات سابۇكە، لئى شۅجۉن، ەركىن تۇنىياز، پىڭ جيارۇي، مانىڭ زەينەل، قادىرقان مىراسقان، لۇ شياۋفىڭ، ماملەكەتتىك اعارتۇۇ مئنستىرلىگى، سالاماتتىقتى ساقتوو پىلاندۇۇ تۅرۅت كومىتەتى، قازىنا مئنىستىرلىگى، جاراتىلىشتىق ئلىم فوندۇ كومىتەتى، ازىق- تۉلۉك داارى كۅزۅمۅلدۅپ باشقارۇۇ باشقى مەكەمەسى، جۇڭگوچو مەدىتسىنا داارى باشقارۇۇ مەكەمەسى، جۇڭگو قىزىل چىرىم قوومۇ سىياقتۇۇ ورۇنداردىن بايلانىشتۇۇ جەتەكچىلەرى، باعىتتۇۇ جاردام بەرگەن جوعورۇ وقۇۇجايلار جانا قىزماتتاشقان جوعورۇ وقۇۇجايلاردىن جەتەكچىلەرى، جىبەك جولۇ ەل ارالىق مەدىتسىنا بوربورۇ مەدىتسىنا ئنىستوتۇنۇن نەگىزگى جووپتۇۇ جولدوشتورۇ جانا اعارتۇۇ مەدىتسىنا سالااسىنداعى چەت ۅلكۅلۉك ادئس قونوقتور، وشوندوي ەلە 3 مئڭدەن اشۇۇن ار ۇلۇت وقۇتۇۇچۇ وقۇۇچۇلار قۇتتۇقتوو جىينالىشىنا قاتىشتى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.