باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جۇڭگو كوممۇنىستىك پارتئياسى شئنجاڭ ۇيعۇر اپتونوم رايوندۇق 9- جولقۇ پارتئيا قۇرۇلتايى جەڭىشتۉ كۅشۅگۅسۉن جاپتى
   2016-11-03 13:36:37     xjbs   

جۇڭگو كوممۇنىستىك پارتئياسى شئنجاڭ ۇيعۇر اپتونوم رايوندۇق 9- جولقۇ پارتئيا قۇرۇلتايى جەڭىشتۉ كۅشۅگۅسۉن جاپتى. ج ك پ شئنجاڭ ۇيعۇر اپتونوم رايوندۇق 9-كەزەكتۉۉ كومىتەتى جانا تارتئپ تەكشەرۉۉ كومىتەتى شايلاپ چىعىلدى، ج ك پ شئنجاڭ ۇيعۇر اپتونوم رايوندۇق 8-كەزەكتۉۉ كومىتەتىنىن بايانداماسى جۅنۉندۅگۉ چەچىم، ج ك پ شئنجاڭ ۇيعۇر اپتونوم رايوندۇق 8-كەزەكتۉۉ تارتئپ تەكشەرۉۉ كومىتەتىنىن قىزمات بايانداماسى جۅنۉندۅگۉ چەچىم قابىلداندى.

 جولدوش چىن چۇانگو جىينالىشتى باشقاردى ارى سۅز سۉيلۅدۉ. ىستانسىيابىز قابارچىسى حى فەيدىن قابارى: ج ك پ شئنجاڭ ۇيعۇر اپتونوم رايوندۇق 9-جولقۇ پارتئيا قۇرۇلتايىندا، ج ك پ شئنجاڭ ۇيعۇر اپتونوم رايوندۇق 9-كەزەكتۉۉ كومىتەتى جانا تارتئپ تەكشەرۉۉ كومىتەتى شايلاپ چىعىلدى، ج ك پ شئنجاڭ ۇيعۇر اپتونوم رايوندۇق 8-كەزەكتۉۉ كومىتەتىنىن بايانداماسى جۅنۉندۅگۉ چەچىم، ج ك پ شئنجاڭ ۇيعۇر اپتونوم رايوندۇق 8-كەزەكتۉۉ تارتئپ تەكشەرۉۉ كومىتەتىنىن قىزمات بايانداماسى جۅنۉندۅگۉ چەچىم قابىلدانعاندان كىيىن، كەچۅۅ كۉنۉ (بەشتىن ايىنىن جە 11- ايدىن 2- كۉنۉ) تۉشتۅن مۇردا، شئنجاڭ ەل سارايىندا جەڭىشتۉۉ جابىلدى.

 چىن چۇانگو جىينالىشتى باشقاردى. قۇرۇلتاي تۅراعالار توبۇ دايىمدۇۇ ىشتەر كومىتەتىنىن مۉچۅلۅرۉنۅن چىن چۇانگو، شۅحىرات زاكىر، سۉن جئنلوڭ، جۇ حايلۉن، لئى پىڭشئن، لئى ۋئي، شاۋكەت ئمىن، ەركىنجان تۇراحۇن، شۉ حايروڭ، حانىبات سابىكەي، لئى شۅجۉن، ەركىن تۇنئياز، ما شۅجۉن، پىڭ جىيارۉيلۅر تۅراعالار سەكىسىنىن الدىنقى قاتارىنان ورۇن الدى. قۇرۇلتاي تۅراعالار توبۇنۇن مۉچۅلۅرۉ تۅراعالار سەكىسىنەن ورۇن الدى. ساات ون جارىمدا جابىلۇۇ جىيىنالىشى باشتالدى.

جىينالىشقا كەلۉۉگۅ تىيىشتۉۉ ۅكۉل جانا ۅزگۅچۅ چاقىرىلعان ۅكۉل 725 كىشى، ئش جۉزۉندۅ كەلگەنى 718 كىشى، زاكوندو بەلگىلەنگەن كىشى سانىنا تۅپ كەلەت. بەلەت كۅزۅمۅلدۅۅچۉ، باشقى بەلەت كۅزۅمۅلدۅۅچۉنۉن كۅزۅمۅلۉندۅ، قۇرۇلتايدىن شايلوو ارعاسى بويۇنچا جىينالىشقا قاتىشقان ۅكۉل جانا ۅزگۅچۅ چاقىرىلعان ۅكۉلدۅر ناامسىز بەلەت تاشتوو ىڭعايى ارقىلۇۇ، 81 مۉچۅ، 17 كاندىدات مۉچۅدۅن قۇرالعان ج ك پ شئنجاڭ ۇيعۇر اپتونوم رايوندۇق 9-كەزەكتۉۉ كومىتەتىن، اپتونوم رايوندۇق تارتئپ تەكشەرۉۉ كومىتەتىنىن 47 مۉچۅسۉن شايلاپ چىقتى. ساات 13 تۅن 15 مئنوت ۅتكۅندۅ، چىن چۇانگو ج ك پ شئنجاڭ ۇيعۇر اپتونوم رايوندۇق 9-كەزەكتۉۉ كومىتەتى جانا تارتئپ تەكشەرۉۉ كومىتەتىنىن اپتونوم رايوندۇن 9-جولقۇ پارتئيا قۇرۇلتايىندا شايلانىپ چىعىلعانىن جارىيالادى.

 بۉت زالدا دۉركۉرۅگۅن قول چابۇۇلار كۅپكۅ جاڭىردى. ارتىنان قۇرۇلتايدا قول كۅتۅرۉپ دووشقو قويۇۇ ىڭعايى ارقىلۇۇ، ج ك پ شئنجاڭ ۇيعۇر اپتونوم رايوندۇق 8-كەزەكتۉۉ كومىتەتى بايانداماسى جۅنۉندۅگۉ چەچىم جانا ج ك پ شئنجاڭ ۇيعۇر اپتونوم رايوندۇق 8-كەزەكتۉۉ تارتئپ تەكشەرۉۉ كومىتەتىنىن قىزمات بايانداماسى جۅنۉندۅگۉ چەچىم قابىلداندى. قۇرۇلتاي ار قايسى كۉن تارتىپتەرىن بۉتۉرگۅندۅن كىيىن، چىن چۇانگو دۉركۉرۅگۅن قول چابۇۇلاردىن قوشتووسۇندا سۅز سۉيلۅپ، مىنداي كۅرسۅتتۉ: قووز دولبوور سىزىلدى، جاڭى ساپار باشتالدى. شئنجاڭدىن قووم وموقتۇۇلۇعۇ جانا ۇزاققا بەيپىل باشقارۇۇنۇن نەگىزىن بەكەم تۉپتۅپ، كەمباعالدىقتان ارىلتۇۇداعى قىيىن جاقتاردى جىرەپ چىعۇۇ كۉرۅشۉندۅ جەڭىپ، جالپى بەتكەي الدۇۇ قووم قۇرۇپ چىعۇۇ، مىندان كىيىنكى بەش جىلداعى بئز ارقالارعان تارىحئي وور مىلدەت.

بۉت اپتونوم رايوندوعۇ ار داراجالۇۇ پارتئيا ۇيۇمدارى ۅتۅلگۅنۉ كۅتۅرۅ بىلۉۉنۉن سانااسىن كۉچۅتۉپ، قالىڭ پارتئيا مۉچۅلۅرۉ مەنەن ار ۇلۇت كادىر، قالق- قالايىقتى اتتاندىرىپ ۇيۇمداپ، جولدوش شئى جئنپىڭدى ۅزۅك قىلعان پارتئيا بوربوردۇق كومىتەتتىن شئنجاڭدى جۅنگۅ سالۇۇ تاكتىكاسىن ىستىراتەگىياسىن تەرمەلبەي ىزچىلدەشتىرىپ ناقتاشتىرىپ، پارتئيا بوربوردۇق كومىتەت بەكىتكەن قووم وموقتۇۇلۇعۇ جانا ۇزاققا بەيپىل باشقارۇۇ باش نىىشانى ارقىلۇۇ شئنجاڭدىن ار قايسى قىزماتتارىنا جەتەكچىلىك قىلىپ، اپتونوم رايوندۇق 9-جولقۇ پارتئيا قۇرۇلتايىندا ايتىلعان ۇلۇۇ دولبووردۇ قووز رەيالدۇۇلۇققا چىمىرقانىپ ايلاندىرىپ، ىنتىماق، شايكەشتۉۉ، گۉلدۅنگۅن، بايكەر، مادانئي العالاعان، ەلى بەيپىل قونۇشتانىپ، قۇبانىچ مەنەن جۇمۇشتانعان، چارباسى جالچىعان سوتسىيالىستىك شئنجاڭدى قۇرۇپ چىعۇۇ كەرەك. ىنتىماق، ىراشكەر شئنجاڭدى چىمىرقانىپ قۇرۇۇ كەرەك.

قووم وموقتۇۇلۇعۇ جانا ۇزاققا بەيپىل باشقارۇۇ باش نىشانىن تىعىز ىمەرچىكتەپ، شئنجاڭدى جۅنگۅ سالۇۇ سىستەماسى جانا جۅنگۅ سالۇۇ قۇربات جۅندۅمۉنۉن زامانداشۇۇسۇن دىلگىر الدىعا جىلدىرىپ، وموقتۇۇلۇق باارىن باسىپ تۉشۅت دەگەندەن باشتان- بويعو تايباي، قووم وموقتۇۇلۇعۇن مىقتى، بەرەكەتتۉۉ قورعوپ، ۇلۇتتار ىنتىماعىن چىڭداپ ۅنۉكتۉرۉپ، دئن شايكەشتۉۉلۉگۉن چىنىعى كۉچۅتۉپ، بۉت اپتونوم رايوندوعۇ 23 مئللىيون ار ۇلۇت كادىر، قالق- قالايىقتىن اقىل-پاراساتى مەنەن كۉچۉن قووز شئنجاڭدى قۇرۇۇ، اتا مەكەن اڭسووسۇنا جەتۉۉدۅي ۇلۇۇ ىشتەرگە چوعۇلتۇپ، اتا مەكەندىن بىرىمدۉۉلۉگۉن قورعوعون، ۇلۇتتار ىنتىماعىن قورعوعون، قووم وموقتۇۇلۇعۇن قورعوعون بولوت قورعوندۇ بەكەم قۇرۇۇ كەرەك. گۉلدۅنگۅن، بايكەر شئنجاڭدى چىمىرقانىپ قۇرۇۇ كەرەك.

وموقتۇۇلۇق مەنەن ۅنۉگۉۉنۉن بايلانىشىن تۇۇرا بئر جاقتىلۇۇ قىلىپ، وموقتۇۇلۇق، ۅنۉگۉۉنۉن ۇزۇندۇق-كەڭدىگىن تىعىزداتىپ، وموقتۇۇلۇقتۇۇ قورعوو ارقىلۇۇ جاقشى ۅنۉگۉۉ چۅيرۅسۉن جاراتىپ، بەش چوڭ ۅنۉگۉۉ تاانىمىن بەكەم تۇرعۇزۇپ، ەكونومىكانى ۅنۉكتۉۉرۉ جاڭى تۇرپاتىنا دىلگىر شايكەشىپ، ىسىلاتتا جاڭىلىق جاراتۇۇنۇ زور كۉچ مەنەن الدىعا جىلىشتاتىپ، ىچكى-تىشقى اچىپ جىبەرۉۉنۉ كەڭىرتىپ، قامدوودوقۇ قۇرۇلما مۉنۅزدۉۉ ىسلااتتىن ماڭىزدۇۇ ارالجىسىن جاقشى ىشتەتىپ، جىبەك جولۇ ەكونومىكا القاعى قۇرۇلۇشۇنۇن تۉيۉندۉۉ مۅرتۉن بەكەم قارماپ، جىبەك جولۇ ەكونومىكا القاعى ۅزۅكتۉۉ رايونۇن جاقشى قۇرۇپ، ەكونومىكا، قوومدۇ ارى جاقشى، ارى تەز ۅنۉكتۉرۉپ، قووم وموقتۇۇلۇعۇ جانا ۇزاققا بەيپىل باشقارۇۇنۇن زاتتىق نەگىزىن بەكەم سالۇۇ زارىل. مادانئياتتا العا ىلگەرىلەگەن شئنجاڭدى چىمىرقانىپ قۇرۇۇ كەرەك. ەلدىن نەگىزگى تۇلقۇلۇق وردۇنان تايباي، ار ۇلۇت ەلىنىن دەموكىراتتىك ۇقۇعۇن چىنىعى قامسىزداپ، ەل دەموكىراتىياسىن كۅكۅلۅتۉپ، ەلدىن ۉنۉنۅ قۇلاق سالىپ، ەلدىن ەڭسۅۅسۉنۅ جووپ قايتارىپ، ار ۇلۇت ەلى مەنەن بولعون قان مەنەن ەتتەي بايلانىشىتى قويۇۇلاشتىرۇۇ، جاقىنداشتىرۇۇ كەرەك.

زاكون بويۇنچا شئنجاڭدى جۅنگۅ سالىپ باشقارۇۇنۇ تەرمەلبەي الدىعا جىلىشتاتىپ، زاكون الدىندا ار بئر كىشى بارابار دەگەندەن تايباي، ادئلىيانىن قالىستىق نۇرۇن ار ۇلۇت قالايىق-قالقىنىن جۉرۅگۉنۅ چاچىپ، قوومدۇن قالىس، ادىلەتتۉۉلۉگۉن تولۇق كۅرسۅتۉۉ زارىل. سوتسىيالىستىك ۅزۅكتۉۉ نارق قاراشىنىن جەتەكتۅۅ رولۇن تولۇق ۅۅرچۉتۉپ، شاار-ايىلدى قاپتاعان جامااتتىق مادانئيات تەيلۅۅ سىستەماسىن قۇرۇپ، زامانباپ مادانئيات تاانىمى جانا تۇرمۇش ىڭعايىن زور كۉچ مەنەن تاراتىپ، ار ۇلۇت ەلىن جەتكىلىكتۉۉ رۇحانئي ازىق جانا بايكەر، مادانئياتتۇۇ تۇرمۇش مەنەن قامداپ، ىلىمگە ۇرمات قىلعان، اسىل ئلىمىي، سوو العالاعان، زامانباپ مادانئي قويۇۇ ماانايدى قالىپتاندىرۇۇ كەرەك.

 بەيپىل قونۇشتانىپ، كەسىپتەردى گۉلدۅندۉرگۅن شئنجاڭدى چىمىرقانىپ قۇرۇۇ كەرەك. ار ۇلۇت قالايىق-قالقىنىن قووز تۇرمۇشقا تالپىنۇۇسۇ بئزدىن كۉرۅش نىئشاانىبىز دەگەندەن تايباي، ار ۇلۇت ەلىنىن تۉپكۉ قىزعىندۇۇلۇعۇن كۅڭۉل چوردونۇنا قويۇپ، سەزىم، كۉيۉنۉۉ، جووپكەرچىلىك مەنەن ەل ىرايىنا قاراعان، ەل تۇرمۇشۇنا پايدا جەتكىرگەن چىنىعى ىشتەردى كۅبۉرۅۅك قىلىپ، ار ۇلۇت قالايىق-قالقىنىن كۅكۅيۉن ۅيۉتكۅن ماسەلەلەردى كۅبۉرۅۅك چەچىپ، ايتور ۇبادا بەرگەندى سۅزسۉز ناقتاشتىرىپ، ار بئر ئشتى اتقارىپ، ار بئر ىشكە جووپ قايتارىپ، قالايىق-قالققا ۅزگۅرۉۉلۅردۉ كۅرسۅتۉپ، چىنىعى پايداعا جەتكىرىپ، ۉمۉتكۅ جەتەلەپ، ار ۇلۇت قالايىق-قالقىن تولۇق جۇمۇشقا ورۇنداشتىرۇۇدان، جالپىعا پايدا جەتكىرگەن اعارتۇۇدان، جاقشى دارىلانۇۇدان، جالپىلاي قوومدۇق قامسىزداندىرۇۇدان، جاقشىناقاي تۇراقجايلاردان، ىڭعايلۇۇ قاتتوودون، قووز چۅيرۅدۅن چىمىرقانىپ باارلاندىرىپ، جەتىشكەندىك سەزىمى مەنەن باقىت سەزىمىن ۇلاندۇۇ اشىرىپ، پارتئيانىن قامقوردۇعۇ مەنەن اتا مەكەن چوڭ ۉي-بۉلۅسۉنۉن جىلۇۇلۇعۇن چىنىعى سەزىندىرۉۉ كەرەك.

 چىن چۇانگو مىنا بۇلاردى باسا كۅرسۅتتۉ: ۇلۇۇ نئشاان شىق بەرىپ، ىيىق مىلدەت بئزدى چاقىرىپ جاتات. جولدوش شئى جئنپىڭدى ۅزۅك قىلعان پارتئيا بوربوردۇق كومىتەتتىن ايلاناسىندا وعو بەتەر تىعىز ىنتىماقتاشىپ ۇيۇمداشىپ، جۇڭگوچو سوتسىيالئزىمدىن ۇلۇۇ تۇۇسۇن بىيىك كۅتۅرۉپ، دىڭ شئياۋپىڭ نازارىياسىن، «ۉچكۅ ۅكۉلدۉك قىلۇۇ» زارىل ئدىياسىن، ئلمىي ۅنۉگۉۉ قاراشىن جەتەكچى قىلىپ، پارتئيا 18- قۇرۇلتايى، پارتئيا 18- كەزەكتۉۉ بوربوردۇق كومىتەتتىن 3-، 4-، 5-، 6- جالپى جىينالىش رۇحۇن تەرەڭدەي تااماي جۉزۅلۅشتۉرۉپ، باش شۇجئى شئى جئنپىڭدىن جەلەلەش زارىل سۅز رۇحۇن، ايرىقچا بوربوردۇن 2- جولقۇ شئنجاڭ قىزماتى مايەك جىينالىشىندا سۉيلۅگۅن زارىل سۅزۉن جانا شئنجاڭدى كۅزدۅن كۅچۉرگۅندۅ ايتقان زارىل سۅزۉنۉن روحۇن تااماي جۉزۅلۅشتۉرۉپ، قووم وموقتۇۇلۇعۇ جانا ۇزاققا بەيپىل باشقارۇۇ باش نئشاانىن تىعىز ىمەرچىكتەپ، شئنجاڭدى زاكون بويۇنچا باشقارۇۇ، ىنتىماقتاشىپ شئنجاڭدىن وموقتۇۇلۇعۇن قورعوو، شئنجاڭدى ۇزۇن مەزگىل قۇرۇۇدا بەكەم تۇرۇپ، سۅزسۉز جەڭىشكە جەتۉۉ ىشەنىمىندە بەكەم تۇرۇپ، كۅتۅرۉڭكۉ روح، بىيىك مااناي، تۇۇرا ىستىلدە، تۉپكۉ ماقساتتى ۇنۇتباي، ۇلاندۇۇ العا ىلگەرىلەپ، بئر نىيەەت، بئر ماقساتتا، ىنتىماقتاشىپ، كۉرۅشۉپ، تاشقا تامعا باسقانداي شئنجاڭدىن تۉردۉۉ ىشتەرىن جىلىشتاتىپ، ىنتىماقتۇۇ، شايكەشكەن، گۉلدۅنۉپ بايىعان، مادانئياتتا العا ىلگەرىلەگەن، بەيپىل قونۇشتانىپ، كەسىپتى چارباسى جالچىتقان سوتسىيالىستىك شئنجاڭدى قۇرۇۇداي چىعاان ناتئيجابىز مەنەن، جۇڭحۇا ۇلۇتتارىنىن ۇلۇۇ گۉلدۅنۉۉسۉنۅن تۇرعان جۇڭگو اڭسووسۇنۇن شئنجاڭ باراقچاسىن جاقشى جازالى! قۇرۇلتايدىن شايلامىنان كىيىن، اپتونوم رايوندۇق ەل قۇرۇلتايى تۇرۇقتۇۇ كومىتەتىنىن ورۇنباسار مۇدۇرۇ، اپتونوم رايوندۇق ساياسئي كەڭەشتىن ورۇن باسار تۅراعالىعىن اتقارعان پارتئيا سىرتىنداعى ىشمەرلەر؛

 اپتونوم رايون، شئنجاڭ اسكەرىي رايون، شئنجاڭ ۅندۉرۉش قۇرۇلۇش بئڭتۇانىنداعى ورۇنباسار ۅلكۅ داراجالۇۇدان جوعورقۇ جەتەكچىلىك مىلدەت اتقارعان قارت العى مۇۇن جەتەكچىلەر؛ اپتونوم رايوندوقۇ دەموكىراتىك پارتئيا توپتور، سوودا- ۅنۅر جايچىلار بىرلەشمەسىنىن جووپتۇۇلارى جانا پارتئياسىز ىشمەرلەردىن ۅكۉلدۅرۉ قاتارلۇۇلار جابىلۇۇ ازەمىنە قاتىشتى. جابىلۇۇ ازەمىنە سىرتتان قاتىشقانداردان: ۅكۉل ەمەس اپتونوم رايوندۇق 8- كەزەكتۉۉ پارتىكوم مۉچۅلۅرۉ، كاندىدات مۉچۅلۅرۉ، اپتونوم رايوندۇق تارتىپ تەكشەرۉۉ كومىتەتىنىن مۉچۅلۅرۉ، ايماق وبىلاس شااردىق تارتىپ تەكشەرۉۉ كومىتەتىنىن شۇجئلەرى، اپتونوم رايوندۇق نازارات، مەكەمە داراجالۇۇ ورۇندار جانا بئر بۅلۉك بوربوردۇن شئنجاڭدا تۇرۇشتۇۇ ورۇندارىنىن بايلانىشتۇۇ جووپتۇۇ جولدوشتورۇ بار. جىينالىش ايبارلۇۇ «ەل ارالىق ىنتورناتسىيال»دىن قوشتووسۇندا ىيگىلىكتۉۉ كۅشۅگۅسۉن جاپتى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.