باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
چىن چۇانگو تۇۇعانى توقتوقان قۇربان مەنەن كۅرۉشتۉ
   2016-11-09 11:31:01     xjbs   

87 جاشتىق توقتوقان قۇربان، الدىنقى جولۇ ۉرۉمچۉدۅ كۅرۉشكۅندۅن كىيىن بئر اي بولبوي تۇرۇپ، شۇجئىبىز چىن چۇانگونۇن مئڭ كىلومەتىردەن كۅبۉرۅۅك جولدۇ الىس كۅربۅي ۅزۉنۉن ۉيۉنۅ كەلىپ، ۅزۉن جانا ۉي- بۉلۅسۉندۅكۉلۅردۅن ابال سۇرووسۇن ويلوپ دا كۅربۅگۅن ەلە. جۇڭگو كوممۇنىستىك پارتئياسى اپتونوم رايوندۇق 9- جولقۇ پارتئيا قۇرۇلتايى سوڭۇنا چىققاندان كىيىن ەلە، بەشتىن ايىنىن جە 11- ايدىن 5- كۉنۉ تۉشتۅن كىيىن، اپتونوم رايوندۇق پارتىكومدۇن شۇجئسى چىن چۇانگو ماشئنا مەنەن حوتەن ايماعى كەرىيە وودانى ىشەمبى بازار بازارى سورتتۇۇ ۉرۅن مايدانى قىشتاعىنداعى تۇۇعانداشۇۇ تۉيۉنۉ بولعون توقتوقان قۇرباندىن ۉيۉنۅ كەلدى.

 توقتوقاندىن ۉي- بۉلۅسۉندۅكۉلۅر ەرتەڭ مەنەن سااردا، تازا جاقشىناقاي كىيىمدەرىن كىيىپ، ۉيدۉن الدىندا چىن چۇانگونۇ توسۇپ الدى. سالاماتسىزبى؟ دەپ سالامداشقانچا، چىن چۇانگو تەز ارىم مەنەن الدىعا قاراي جۉرۉپ، الار مەنەن بئر- بئردەن قول قارماشىپ امانداشتى. توقتوقاندىن 11 جاشتىق نەۋرەسى رەيحانگۉل بالداي تاتتۇۇ تىلدەرى مەنەن حانزۇچا «چىن چوڭ اتا سالاماتسىزبى؟ ۉيۉبۉزگۅ كەلگەنىڭىزدى قىزۇۇ توسۇپ الابىز» دەپ چىن چۇانگو شۇجئى مەنەن امانداشتى.

مەەرىمدۉۉ چىن چۇانگو شۇجئى رەيحانگۉلدۉ قۇچاعىنا الىپ ولتۇردۇ. تۇۇعاندار بئر- بئرى مەنەن كۅرۉشۉپ ابدان سۉيۉندۉ. توقتوقان چىن چۇانگونۇن قولۇن قارماعانچا ۉيۉنۅ كىرۉۉگۅ سۇنۇش قىلدى. ۉيدۉن قورووسۇندا، تۅراعا ماۋزىدۇڭ قۇربان چوڭ اتا مەنەن كۅرۉشكۅندۅ سۉرۅت چوڭويتۇپ اسىلعان ەلە.

چىن چۇانگو «بئز بۇل جەردە ۉي- بۉلۅ بويۇنچا سۉرۅتكۅ تۉشۉلۉ»،- دەگەن سۇنۇشتۇ بەردى، چىن چۇانگو مىنداي دەدى:- مەن جاقىندا ەلە قۇربان تۇلۇمدۇن ەستەلىك سارايىن كۅرگۅزمۅلۅپ كەلدى،. قۇربان چوڭ اتانىن پارتئياعا ىراازىچىلىق بئلدىرىپ، اتا مەكەندى سۉيۉۉ، ۇلۇتتار ىنتىماعىن قادىرلۇۇدوي ئش- ىزدەرى تااسىردۉۉ بولۇپ، كىشىلەردىن كۅڭۉل تۅرۉنۅن ورۇن الات ەكەن. مىنا ۇشۇنداي شاڭدۇۇ جۅرۅلگۅلۉنۉ ۇرپاقتان - ۇرپاققا ۇلانتۇۇ كەرەك. مىيمانقانا ۉيدۅكۉ تاماق ۉستۅلۉنۉ، ساڭزا، قۇرعاق جەر- جەمىش تىزىلىپ، بۇرقۇراعان چايدى جىتى چىعىپ تۇرات ەلە.

 چىن چۇانگو تۇۇعاندار مەنەن چوعۇۇ مولدوش توقۇنۇپ ولتۇرۇپ، الار مەنەن دئل مايەك قۇردۇ. چىن چۇانگو: «دەنە سالاماتتىعىڭىز جاقشى بولۇپ قالدىبى؟» دەپ توقتوقاندىن وپىراتسىيادان كىيىنكى قالبىنا كەلۉۉ ابالىنا ابدان كۅڭۉل بۅلۉپ سۇرادى، توقتاقان مىندان تااسىرلەنىپ مىنداي دەدى:- سالاماتتىعىم جاقشى بولۇپ قالدى. سئزگە كۅپ ىراازىچىلىق، سئزدەي چوڭ جەتەكچىنىن مەندەي دىيقان كەمپىردىن ۉيۉنۅ كەلىپ تۇۇعان بولۇشۇڭۇزدۇ ويلوپ دا كۅربۅگۅن ەكەمىن، قۇدۇم تۉش كۅرگۅندۅي بولۇپ جاتام. سئزدىن مەنى كۅرگۅلۉ ۉيۉبۉزگۅ كەلەرىڭىزدى ۇعۇپ، سۉيۉنگۅنۉمۅن تۉنۉ بويۇ ۇقتابادىم.

 چىن چۇانگو كۉلۉمسۉرۉپ مىنداي دەدى:- سىلەردەي داڭىقتۇۇ ۉي- بۉلۅ مەنەن تۇۇعان بولعونومان ابدان سۉيۉنۅمۉن. مىندان كىيىن دايىما باردى- كەلدى قىلىپ، بوش بولسوق مايەكتەشىپ، بىرەەر جۇمۇش بولسو كەڭەشىپ، قۇربان چوڭ اتانىن پارتئيانى، اتا مەكەندى، سوتسىيالىزىمدى قىزۇۇ سۉيۉۉ، ۇلۇتتار ىنتىماعىن قاستارلوودوي اسىل جۅرۅلگۅسۉنۅ ۇلاندۇۇ مۇراگەرلىك قىلىپ، ۅۅرچۉتۉپ تۇرابىز. چىن چۇانگو رەيحانگۉلدۉ ەركەلەتىپ تۇرۇپ، چوڭ ەنەڭدىن بئزدىن ۉيگۅ مىيمان بولۇپ بارعانىن بىلەسڭبى؟ دەپ سۇراعاندا، رەيحانگۉل، بئلەم، تەلەدەن كۅرگۅمۉن، چوڭ ەنەم داعى ماعا كۅپ جولۇ ايتىپ بەردى،- دەپ جووپ بەردى، وشوندو چىن چۇانگو تاتئل بولعوندو بئزدىن ۉيگۅ وينوپ بارعىن بولوبۇ؟ دەپ رەيحانگۉلدۉ ۉيۉنۅ سۇنۇش قىلعاندا، رەيحانگۉل: بولوت، بولوت، مەن سۅزسۉز بارام،- دەپ جووپ بەردى

. چىن چۇانگو رەيحانگۉلدۉن جاقشى وقۇپ، چىمىرقانىپ ۉيرۅنۉپ، تالانتۇۇلاردان بولۇپ، چوڭويعوندو سوتسىيالىستىك شئنجاڭدى قۇرۇۇعا كۅپتۅگۅن سالىمداردى قوشۇۇعا شىقتاندىردى. رەيحانگۉلدۉن بالدار كىتەپتەرىن وقۇعاندى جاقشى كۅرۅتۇرعانىن بىلگەندەن كىيىن، چىن چۇانگو ۉرۉمچۉگۅ قايتىپ بارعاندا، ماعا بالداردىن جاقشى كىتەبىنەن ساتىپ الىپ، جىبەرەەرىن ايتتى. حانزۇچانى ابدان جاقشى سۉيلۅيت ەكەنسىڭ؟ سەن قوتورموچۇ بولسوڭ بولوبۇ؟ دەپ چىن چۇانگو رەيحانگۉلدۅن سۇرادى. رەيحانگۉل ۇياڭ تارتىپ «بولوت» دەپ جووپ بەردى. تۇرمۇشۇ جۅنۉندۅ سۉيلۅشۉپ، كىرەشەسىن سۇراشتىرىپ، ۉي- بۉلۅلۉك سۅزدۅردۉ سۉيلۅشتۉ.

 رەيحانگۉل سىستەمالۇۇ قوتورۇپ بەردى. بئر ۉي- بۉلۅ كىشىلەرى ابدان قىزۇۇ ماانايدا سۉيلۅشتۉ. توقتوقان تااسىرلەنىپ، ەرىكسىزدەن كۅز جاش تۅگۉپ، چىن چۇانگونۇ ۉيۉنۅ دايىما كەلىپ تۇرۇۇعا قايرا- قايرا سۇنۇش قىلدى. چىن چۇانگو مىنداي دەدى:- مەن سۅزسۉز كەلەم، سىلەر داعى دايىما تەلەفۇن چالىپ تۇرعۇلا، كۅبۉرۅۅك ۉرۉمچۉگۅ بارىپ، تۇۇعاندار قارىم- قاتتوو جاساپ ىزدەشىپ تۇرالى، وشوندو داعىدا جاقىن تۇۇعان- ۇرۇقتاردان بولوبۇز. تۉشكۉ تاماق ماالى تەز ەلە جەتىپ كەلدى. توقتوقان چىن چۇانگونۇ «بئز تۉبۅلۉكتۉ ۇنۇتبابىز، الدىنقى جولۇ سئز ۉرۉمچۉدۅ بىزدى تاماققا سۇنۇش قىلعان ەلەڭىز، بۉگۉن مەن ۅز قولۇم مەنەن ۉيدۅ جاساعان تاماققا سىزدى سۇنۇشتايىم»،- دەدى جارقىن ماانايدا، تەز ەلە لاعمان، پولو، ەت سىياقتۇۇلار تاماق ۉستۅلۉنۅ تىزىلدى. چىن چۇانگو بئر ۉي- بۉلۅ كىشىلەرى مەنەن بئر جاعىنان مايەكتەشىپ، بئر جاعىنان تاماق جەدى.

توقتوقان ۅزۉنۉن قاچاسىنداعى قۇرۇمالاردى چىن چۇانگو شۇجئىنىن قاچاسىنا سالىپ بەرىپ، ەڭ قاراپايىم ىقما مەنەن ۅزۉنۉن ىراقماتىن بئلدىرىپ تۇردۇ. چىن چۇانگو تاماقتاردان ۉزۉرلۅنۉپ جەپ، بئر ۉي- بۉلۅ كىشىلەرى قىزۇۇ مايەككە تۉشتۉ. تاماقتان كىيىن، چىن چۇانگو توقتوقاندىن ۉي- بۉلۅسۉندۅكۉلۅرگۅ ۅزۉنۉن ماياناسىنان چىعارىپ ساتىپ العان تۇرمۇش بۇيۇمدارى مەنەن ال سۇروو اقچاسىن بەرىپ، توقتوقاندىن سوو سالامات بولۇۇسۇن، ۇزۇن ۅمۉر كۅرۉۉسۉن، سوتسىيالىستىك شئنجاڭدىن قووز تۇرمۇشۇنان جاقشى ۉزۉرلۅنۉۉسۉن تىلەدى. توقتوقان بئر كۉن الدىندا بازارعا بارىپ ساتىپ العان گۉلدۉۉ دوپۇسۇن الىپ چىعىپ، چىن چۇانگونۇن باشىنا كىيگىزىپ، ىراقماتىن بئلدىردى.

 ايرىلاار كەزىندە، رەيحانگۉل «چىن چوڭ اتا، سئزدى قۇچاقتاپ السام بولوبۇ؟» دەگەن سۇنۇشتۇ ورتوعو قويدۇ، چىن چۇانگو «بولوت، بولوت، مەن داعى سەنى قۇچاقتاپ الايىن»،- دەپ چوڭ اتا مەنەن نەۋرە ۅكۅۅ بەكەم قۇچاقتاشتى. چىن چۇانگو مەنەن بئر ۉي- بۉلۅ كىشىلەرىنىن تۇۇعاندىق بايلانىشى داعىدا تىعىزداشتى. توقتوقاندىن ۉيۉندۅكۉلۅر انى اراسىنا الىپ، ماشئناعا چەيىن ۇزاتىپ چىعىپ، قىيالباعان تۉردۅ انى مەنەن قوشتوشۇپ، كەلەر جولۇ كۅرۉشۉۉگۅ ۇبادالاشتى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.