باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
لئى كىچىياڭ قىرعىزىستان پئرىزدەنتى اتامبايەۋ مەنەن كۅرۉشتۉ
   2016-11-15 19:28:04     xjbs   

بوربوردۇق ەل ۅكۉمۅتۉنۉن باشچىسى لئ كىچىياڭ جەرگىلىكتۉۉ ۇباقىت بەشتىن ايىنىن جە 11- ايدىن 2- كۉنۉ كەچ بىشكەكتەگى پىرىزدەنت سارايىندا قىرعىزىستان پىرىزدەنتى اتامبايەۋ مەنەن كۅرۉشتۉ.

 لئ كىچىياڭ وبولۇ تۅراعا شئى جئنپىڭدىن اتامبايەۋگە جولدوعون چىن پەيىل دۇباي سالامىن جەتكىردى. لئى كىچىياڭ مىنداي دەدى:- جۇڭگو جانا قىرعىزىستان جالعاشقان قوڭشۇلار. بىيىل تەكە جە 6- ايدا، ەكى ماملەكەت باشچىلارى شاڭحاي قىزماتتاشتىق ۇيۇمۇ تاشكەنت جولۇعۇشۇۇسۇ مەزگىلىندە جەڭىشتۉۉ جولۇعۇشۇپ، كۅپتۅگۅن زارىل تۉيۉندۅردۅ تئل تابىشقان. جۇڭگو باشتان- بويعو ۅز ارا ۇرماتتاعان، بارابار مامىلە جاساعان، ۅز ارا پايدا جەتكىرگەن پىرىنسىپتە تۇرۇۇنۇ قولدويت، قىرعىزىستان مەنەن ساياسئي ۅز ارا ىشەنىمدى تەرەڭدەتىپ، ناقتىلۇۇ قىزماتتاشتىقتى تىعىزداشتىرىپ، گۇمانتاردىق الماشتىرۇۇنۇ جىلىشتاتىپ، ەل ارالىق جانا رايون ىشتەرىندە شايكەشتىرۉۉنۉ كۉچۅتۉپ، ەكى ماملەكەت بايلانىشىن ۇلاندۇۇ الدىنا قاراي ۅنۉكتۉرۉپ، ەكى ماملەكەت ەلىنە جانا دا باقىت جاراتۇۇنۇ قاالايت.

 لئ كىچىياڭ مىنداي دەدى:- ۇچۇرداعى دۉينۅ ەكونومىكاسىنىن قالبىنا كەلۉۉ كۉچۉ السىز، رايون قىرداالى تاتاال قاتااڭ ابالدا، جۇڭگو جانا قىرعىزىستان كۅمۉسكۅ كۉچۉن قازىپ، جول اچىپ جاڭىلىق جاراتىپ، ۅندۉرۉش جۅندۅمۉن كۉچۅتۉپ، نەگىزگى جابدۇۇلار ئرى تۉرۉندۅ قىزماتتاشىپ، قووپسۇزدۇق بويۇنچا زاكون اتقارۇۇ قىزماتتاشتىعىن كەڭىرتىپ، تاراپتاردىن سووداعا قارجى سالۇۇسۇن ارتتىرىپ، رايوندۇن ۅز ارا قابارلاشۇۇ جانا قووپسۇزدۇعۇ، وموقتۇۇلۇعۇنا جاردام بەرىپ، ورتوق ۅنۉگۉۉنۉ ئش جۉزۉنۅ اشىرۇۇ ۉچۉن جاقشى چۅيرۅ جاراتۇۇسۇ كەرەك.

اتامبايەۋ مىنداي دەدى:- جۇڭگو قىرعىزىستانعا چىن پەيىل دوستۇق مامىلەدە بولعون ماملەكەت، جۇڭگونۇن قىرعىزستانعا جاردام بەرۉۉسۉ وموقتۇۇ ۅنۉگۉۉ ۉچۉن، ەچ قاچان ار قانداي ساياسئي شارت ارالاشباعان، قىرعىزىستان بۇعا تەرەڭ ىراازىچىلىعىن بىلدىرەت. قىرعىزىستان جانا جۇڭگو ەكى ماملەكەتتىن ناقتىلۇۇ قىزماتتاشتىقتى كەڭىرتۉۉ كۉچتۉۉ تىلەگى بار. قىرعىزىستان جۇڭگو مەنەن بئر جولدو جۉرۉپ، ەكى ماملەكەت قىزماتتاشتىعىن ناقتاشتىرىپ، قاتتوو، ماالىمات قابارلاشۇۇ، اقچا مامىلە سىياقتۇۇ سالاالارداعى قىزماتتاشتىقتى زور داراجادا كۉچۅتۉپ، قىرعىزىستان جانا جۇڭگونۇن دوستۇق قىزماتتاشتىعىن تەرمەلبەي تەرەڭدەتۉۉنۉ قاالايت.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.