باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 شئى جىنپىڭ  گابون پئرزدەنتى بانگو مەنەن مايەك ۅتكۅردۉ
   2016-12-08 11:53:38     xjbs   

شئنحۇا اگەنتىگىنىن قابارى:

ماملەكەت تۅراعاسى شئى جىنپىڭ ۉچتۉن ايىنىن جە 12- ايدىن 7- كۉنۉ ەل سارايىندا گابون پئرزدەنتى بانگو مەنەن مايەك ۅتكۅردۉ.
 ەكى ماملەكەت باشچىلارى جۇڭگو- گابون بايلانىشىن جالپى بەتكەي قىزماتتاشتىق شەرىكتىك بايلانىشىنا كۅتۅرۉپ، جۇڭگو- افىرىقا قىزماتتاشتىق فورۇمۇ جوحاننىسبورك جوعورۇ داراجالۇۇلار چوعۇلۇشۇنۇن ىيگىلىكتەرىن جۉزۅلۅشتۉرۉۉنۉ ورچۇندۇۇ قىزمات قاتارى قارماپ، ەكى ماملەكەتتىن ۅنۉگۉۉ ىستىراتەگىياسىن اشتاشتىرىپ، ەكى ماملەكەتتىن ار قايسى سالاالارداعى دوستۇق ۅز ارا پايدا جەتكىزۉۉ قىزماتتاشتىعىن جالپى بەتكەي جاقشى جوسپورلوپ، ورتوق ۅنۉگۉۉنۉ ىشكە اشىرۇۇنۇ چەچىم قىلدى.
   شئى جىنپىڭ مىنا بۇلاردى كۅرسۅتتۉ:- جۇڭگو- گابوندۇن جۅرۅلگۅلۉۉ دوستۇعۇ تەرەڭ، پئرزدەنت مىرزا داعى بئر جولۇ مىلدەتكە ولتۇرعاندان كىيىن، جۇڭگونۇ ماملەكەت ىشتەرى ساپارىنىن تۇنعۇچ زىياراتتووچۇ ماملەكەتى قىلىپ، سئزدىن جۇڭگو- گابوندۇن دوستۇعۇن ۅنۉكتۉرۉۉگۅ كۉچ جۇمشوودوي قايراتىڭىز مەنەن چەچىمىڭىزدى ايقىن كۅرسۅتتۉ. ەكى ماملەكەت دەپلوماتىيالىق بايلانىش ورنوتقون 42 جىلدان بەرى، جۇڭگو- گابون بايلانىشى سوو، شىدىر ۅنۉكتۉ. تاراپتار چىنىعى دوستورعو ايلانىپ، تەڭ- بارابار مامىلە جاساشىپ، بئر- بئرىنىن ۅزۅكتۉۉ تالامى جانا ولوتتۇۇ كۅڭۉل بۅلگۅن ماسەلەلەرىندە تۉگۅلدۅي بئر- بئرىن تۉشۉنۉپ، قولدوپ كەلدى، ساياسى جاقتاعى ىشەنىمى ۉزگۉلتۉكسۉز ارتىپ، ار قايسى سالاالارداعى ۅز ارا پايدا جەتكىزۉۉ قىزماتتاشۇۇ ىيگىلىكتەرى مولۇعۇپ، ەكى ماملەكەت ەلىنە چىنىعى نارپ الىپ كەلدى. جۇڭگو گابون مەنەن بىرگە، ساياسى جاقتان ۅز ارا ىشەنۉۉ نەگىزىن بەكەمدەپ، جوعورۇ قاتمارداقىلاردىن قارىم- قاتتووسۇن تىعىزداشتىرىپ، ەل ىشتەرى تارماقتارى، بىيىلىك جۉرگۉزۉۉچۉ پارتئيالار، جەرگىلىك ۅكۉمۅتتۅر سىياقتۇۇ ار قايسى قاتمارداعى الماشتىرۇۇنۇ كەڭىرتىپ، ساياسى جاقتان ۅز ارا ىشەنۉۉ قىزماتتاشىپ ۅنۉگۉۉنۉ باچىمداتۇۇچۇ قىيمىلداتقىچ كۉچكۅ ايلاندىرۇۇنۇ قاالايت. تاراپتار، بئر- بئرىنىن ۅنۉگۉۉ ىستىراتەگىياسىن ۅز ارا جالعاشتىرۇۇسۇ كەرەك. جۇڭگو تاراپ گابوندۇن ۅنۅر جايلاشۇۇ جۉرۉشۉن تەزدەتىپ، بايلىق ارتىقىچلىعىن ۅنۉگۉۉ ىيگىلىكتەرىنە ايلاندىرۇۇسۇن قولدوپ، بايلانىشتۇۇ قۇرۇلۇش الىپ بارىلىپ جاتقان قىزماتتاشتىق تۉرلۅرۉن ۇلاندۇۇ باچىمداتىپ، جۇڭگو كەرقانالارىنىن تاراپتاردىن نەگىزگى جابدۇۇ قۇرۇلۇشۇ قىزماتتاشتىعىنا قاتىشۇۇعا شىقتاندىرۇۇنۇ قاالايت.
جۇڭگو تاراپ گابون تاراپ مەنەن بىرگە ايىل-چاربادا قىزماتتاشۇۇ مەحانىزىمىن ورنوتۇۇنۇ تەرەڭ ىلىكتەپ، گابوندۇن ساياقات، اقچا- مامىلە، تەلەگىراف سىياقتۇۇ كەسىپتەردى ۅنۉكتۉرۉۉسۉن قولدوونۇ قاالايت. تاراپتار قووپسۇزدۇق قىزماتتاشتىعىن كۉچۅتۉۉسۉ كەرەك. جۇڭگو گابوندۇن تۇرۇقتۇۇلۇقتۇۇ قورعوو، زاكون اتقارۇۇ جۅندۅمۉن كۉچۅتۉۉ قۇرۇلۇشتارىنا جاردام بەرۉۉنۉ قاالايت. تاراپتار مادانئيات، اعارتۇۇ، سالاماتتىقتى ساقتوو، ادام كۉچۉ بايلىعىن اچۇۇ، جاشتار، ايالدار، ماالىمات قاراجاتتارى، اقىل قامپاسى سىياقتۇۇ سالاالاردا كۅپ تۉردۉۉ گۇمانىتارلىق الماشتىرۇۇنۇ قۇلاچ جايدىرىپ، ەكى ماملەكەتتىن ۅكۉمۅت، مادانئيات قىزماتتاشتىق كەلىشىمىندەكى 2016- جىلدان 2020- جىلعا چەيىنكى اتقارۇۇ پئلانىن جاقشى جۉزۅلۅشتۉرۉۉسۉ كەرەك. تاراپتار، ەل ارالىق ىشتەردەكى شايكەشۉۉنۉ تىعىزداشتىرىپ، كىلىمات ۅزگۅرۉۉسۉنۅ تەڭتايلاش تۇرۇۇ، افىرىكانىن تىنىچ قووپسۇزدۇعۇ سىياقتۇۇ ولوتتۇۇ كۅڭۉل بۅلگۅن ماسەلەلەردەكى الماشتىرۇۇ قانا شايكەشۉۉنۉ كۉچۅتۉپ، ۅنۉگۉپ جاتقان ماملەكەتتەردىن ورتوق تالامىن جاقشى قورعووسۇ كەرەك.
    بانگو مىنا بۇلاردى بئلدىردى:- ۇلاندۇۇ مىلدەتكە ولتۇرعاندان كىيىن تۇنعۇچ جولقۇ ماملەكەت ىشتەرى ساپارىندا جۇڭگودو بولعومۇنان اياباي قۇبانامىن. ەكى ماملەكەتتىن العى مۇۇن جەتەكچىلەرى گابون- جۇڭگو جۅرۅلگۅلۉۉ دوستۇعۇن ۅز قولۇ مەنەن جاراتىپ، تاراپتاردىن ورتوق چىمىرقانۇسۇندا، ازىر ۇلاندۇۇ دۉركۉرۅپ ۅنۉگۉۉدۅ. گابون جۇڭگونۇن ۇزۇنتان بەرى زور كۉچ مەنەن قولدوو كۅرسۅتكۅنۉنۅ تەرەڭ ىراازىچىلىق بئلدىرەت. جۇڭگوعو قارجى سالۇۇ، ايىل-چاربا، كەن تۉشۉمدۅرۉ، ئلىم- تەحنىكا، ساياقات، اقچا- مامىلە، نەگىزگى جابدۇۇ سىياقتۇۇ سالاالارداعى ۅز ارا پايدا جەتكىزۉۉ قىزماتتاشتىعىن كۉچۅتۉپ، اعارتۇۇ، سالاماتتىقتى ساقتوو سىياقتۇۇ گۇمانىتارلىق سالاالارداعى الماشتىرۇۇنۇ تىعىزداشتىرۇۇنۇ قاالايت.
مايەك جىينالىشىنان كىيىن، ەكى ماملەكەت جەتەكچىلەرى ەكونومىكالىق تەحنىكا، مادانئيات، نەگىزگى جابدۇۇ قۇرۇلۇشۇ سىياقتۇۇ تاراپتار قىزماتتاشتىق ۉجۅتۉنۅ قول قويۇۇعا چوعۇۇ گۉنۅۅ بولدۇ.
مايەك جىينالىشى باشتالۇۇنۇن الدىندا، شئى جىنپىڭ ەل سارايىنىن تۉندۉك زالىندا بانگونۇ كۉتۉپ الۇۇ ازەمىن ۅتكۅزدۉ. تۅراعا شئى جىنپىڭدىن ايىمى پىڭ لىيۇان، ماملەكەتتىك ەل قۇرۇلتايى تۇرۇقتۇۇ كومىتەتىنىن ورۇنباسار باشچىسى چىن چاڭجى، ماملەكەت ىشتەرى كوممۇسسار ياڭ جەچى، ماملەكەتتىك ساياسى كەڭەشتىن ورۇنباسار تۅراعاسى جاڭ چىڭلى سىياقتۇۇلار چوعۇۇ بولدۇ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.