باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
چىن چۇانگو، شۅحىرەت زاكىر شئنجاڭدان بئرىنچى كەزەكتەگى ماملەكەتتىك مادانئي ۉي-بۉلۅ اتاعىنا ەە بولعون ۉي-بۉلۅ ۅكۉلدۅرۉ مەنەن كۅرۉشتۉ.
   2016-12-26 12:23:49     xjbs   

چىن چۇانگو، شۅحىرەت زاكىر شئنجاڭدان بئرىنچى كەزەكتەگى ماملەكەتتىك مادانئي ۉي-بۉلۅ اتاعىنا ەە بولعون ۉي-بۉلۅ ۅكۉلدۅرۉ مەنەن كۅرۉشتۉ.

ۉچتۉن ايىنىن 24-كۉنۉ تۉشتۅن مۇردا، اپتونوم رايوندۇق پارتكومدۇن شۇجئسى، شئنجاڭ ۅندۉرۉش قۇرۇلۇش بئڭتۇانى پارتكومۇنۇن بئرىنچى شۇجئىسى، بئرىنچى ساياسئي كومىسسارى چىن چۇانگو، اپتونوم رايوندۇق پارتكومدۇن ورۇنباسار شۇجئىسى، اپتونوم رايوندۇن تۅراعاسى شۅحىرەت زاكىر ۉرۉمچۉدۅ اپتونوم رايون جانا بئڭتۇاندان بئرىنچى كەزەكتۉۉ ماملەكەتتىك مادانئي ۉي-بۉلۅ اتاعىنا ەە بولعون، ون ۉي-بۉلۅنۉن ۅكۉلدۅرۉ مەنەن كۅرۉشتۉ. اپتونوم رايون جانا بئڭتۇان جەتەكچىلەرىنەن تىيانۋىن، سارقىت اقان، گو يۇڭحۇي قاتارلۇۇلار كۅرۉشۉۉدۅ چوعۇۇ بولدۇ.

 چىن چۇانگو، شۅحىرەت زاكىر كۅپچۉلۉك مەنەن قول الىشىپ كۅرۉشۉپ، جىلۇۇ ماانايدا اڭگەمەلەشىپ، اپتونوم رايوندۇق پارتكوم، ۅكۉمۅت اتىنان داڭازالانعان شئنجاڭدىق ون ماملەكەتتىك مادانئي ۉي-بۉلۅنۉن ۅكۉلدۅرۉن قىزۇۇ قۇتتۇقتادى ارى الارعا جانا اپتونوم رايونۇبۇزداعى ار ۇلۇت ەلىنە جاڭى جىلدىق قالوو-تىلەكتەرىن ايتىشتى.

چىن چۇانگو مىنداي دەدى: سئلەر بئرىنچى كەزەكتۉۉ ماملەكەتتىك مادانئي ۉي-بۉلۅلۅردۉ داڭازالوو جىينالىشىنا قاتىشىتىڭار ارى باش شۇجئ شئ جئنپىڭ مەنەن جىلۇۇ ماانايدا كۅرۉشتۉڭۅر، بۇل ۅزۉڭۉدۅردۉن جەكە جانا ۉي-بۉلۅڭۅردۉن سىيمىعى، وشوندوي ەلە بۉتكۉل اپتونوم رايونۇبۇزداعى ار ۇلۇت ەلى، قالىڭ ۉي-بۉلۅلۅردۉن سىيمىعى. سىلەر ۉي-بۉلۅڭۉزدۅر مەنەن بئرگە چىمىرقانىپ، سوتسىيالىزىمدىك ۅزۅكتۉۉ نارق قاراشىن ئش-جۉزۉندۉلۉكتۅن ۅتكۅرۉپ، جۇڭحۇا ۇلۇتتارىنىن جۅرۅلگۅلۉۉ اسىل-مۇرالىن ۅرچۉتتۉڭۅر، سىلەردىن ۉي-بۉلۅڭۅر مەنەن قووز تۇرمۇشقا ۇمتۇلۇپ، بۉتكۉل قالىڭ جۇرتچۇلۇققا ۉلگۉ بولدۇڭار، سىلەردىن ئش-ىزدەرىڭىزەر ار بئر كىشىنىن كۅڭۉلۉنۅن تەرەڭ ورۇن الىپ، چابىت بەرىپ، اپتونوم رايونۇبۇز ۉچۉن ۉلگۉلۉك رولۇڭاردى تۇرعۇزدۇڭار. مىندان كىيىن بۇل سىيمىقتۇۇ داڭق-اتاقتى داعىدا ەسەلەپ قادىرلاپ، كۉچتۉ-كۉچكۅ ۇلاپ، ۉلگۉلۉۉ رولۇڭاردى داعىدا جاقشى جايىلتىپ، بۉت اپتونوم رايونۇبۇزداعى ۉي-بۉلۅلۅردۉن مادانئيلىك قۇرۇلۇشۇ ۉچۉن داعىدا زور سالىم قوشۇۇڭاردى ۉمۉت قىلام.

 چىن چۇانگو مىنا بۇلاردى باسا بەلگىلەدى: باش شۇجئ شئ جئنپىڭدىن بئرىنچى كەزەكتۉۉ ماملەكەتتىك مادانئي ۉي-بۉلۅ ۅكۉلدۅرۉ مەنەن كۅرۉشكۅندۅگۉ سۉيلۅگۅن زارىل سۅزۉندۅ، چىنىعى جۉرۅككۅ جەتكىدەي جاقشى سۅزۉن ايتىپ، ماانئى-ماڭىزىن ابدان تۉشۉندۉرۉپ، جولدوش شئ جئنپىڭدى ۅزۅك قىلعان پارتئيا بوربوردۇق كومتەتىنىن مادانئي ۉي-بۉلۅ قۇرۇلۇشۇنا قاراتا ۅسكۅلۅڭ ماانئى بەرۉۉسۉن، بۉت ماملەكەتتەگى مئلىيارت ۉي-بۉلۅگۅ قاراتىلعان چىنىعى قامقوردۇعۇن، وشوندوي ەلە بئزدىن رۇحۇ مادانئيلىكتى ايرىقچا ۉي-بۉلۅلۅردۉن مادانئيلىك قۇرۇلۇشۇن جىلىشتاتۇۇداعى جوعورۇ داراجاداعى ۇرمات قىلۇۇسۇ جانا تۉپكۉ باعىتىن تولۇعۇ مەنەن چاعىلدىرىپ بەردى. بئز باش شۇجئ شئ جئنپىڭدىن سۉيلۅگۅن زارىل سۅزۉنۉن رۇحۇن استايدىل ۉيرۅنۉپ تاامايلاشتىرىپ، ۉي-بۉلۅ، ۉي-بۉلۅ تاربئياسىنا، ۉي-بۉلۅ ئستىلىنە داعىدا كۅۅن بۇرۇپ، ۉي-بۉلۅ مادانئيلىك قۇرۇلۇشۇن بئر تۉردۉۉ ۇزۇن مەزگىلدۉۉ مىلدەت قاتارىندا كۅرۉپ بەكەم قارمووبۇز كەرەك.

 چىن چۇانگو مىنا بۇلاردى كۅرسۅتكۅن: بئرىنچى كەزەكتۉۉ ماملەكەتتىك مادانئي ۉي-بۉلۅلۅر اتاعىنا ەە بولعون ون ۉي-بۉلۅ، شئنجاڭداعى كۅپتۅگۅن ۉي-بۉلۅلۅر اراسىنداعى وزوتتوردۇن ۅكۉلۉ، الاردىن تارتىمدۇۇ ئش-ىزدەرىن كەڭىرى ۉگۉتتۅپ، جارقىن تۉيۉندۅرۉن قازىپ چىعىپ، وڭ ەنەرگىيا تاراتىپ، ۅتۅ ەلە اعايدىل جەرلەرىن ۉگۉتتۅپ ۅرچۉتۉپ، بۉتكۉل قوومچۇلۇقتا مادانئي ۉي-بۉلۅلۅردۅن ۉيرۅنۉۉگۅ جەتەكتۅۅ بويۇنچا قوزعوتۇۇ الىپ بارىپ، ۉي-بۉلۅلۅردۉن مادانئيلىك قۇرۇلۇشۇنا كەڭىرى قاتىشتىرىپ، مەكەندى، ۉي-بۉلۅسۉن سۉيگۅن، ۅز ارا بئرى-بىرىن سۉيەۅن، الدىعا قاراي ۇمتۇلعان، چوعۇۇ قۇرۇپ چوعۇۇ باارلانۇۇداي سوتسىيالىزىمدىك ۉي-بۉلۅلۅردۉن مادانئي جاڭى ئستىلىن قالىپتاندىرۇۇنۇ جىلىشتاتۇۇ كەرەك.

 چىن چۇانگو مىنا بۇلاردى باسا بەلگىلەدى: ۉي-بۉلۅ ماملەكەتتىن ۅنۉگۉپ، ۇلۇتتۇن الدىعا ىلگەرلەپ، قوومدۇن شايكەشتۉۉ بولۇۇسۇنۇن زارىل ۇل تاشى، ۉي-بۉلۅلۅردۉن مادانئيلىك قۇرۇلۇشۇن قوومدۇن وموقتۇلۇعۇ مەنەن ۇزاققا چەيىن بەيپىل باشقارۇۇنۇن باش نىشاانىن ىشكە اشىرۇۇ مەنەن تىعىز بىرگەلەشتىرۉۉ كەرەك. ۉي-بۉلۅلۅردۉن مادانئيلىك قۇرۇلۇشۇ ارقىلۇۇ اتا-مەكەندىن بىرىمدۉۉلۉگۉن قورعوپ، ۇلۇتتاردىن ىنتىماقتۇلۇعۇن جىلىشتاتىپ، شئنجاڭدىن وموقتۇۇ ۅنۉگۉۉسۉنۉن تۉپكۉ ىرعاعىن چىڭداپ، وشوندون ۇلام «ەكى جۉز جىلدىق» كۉرۅشۉۉ نىشاانىن ىشكە اشىرۇۇ، جۇڭحۇا ۇلۇتتارىنىن ۇلۇۇ گۉلدۅنۉسۉۉن ىشكە اشىرۇۇداعى جۇڭگو اڭسووسۇ ۉچۉن كۉچ توپتوو كەرەك.

چىن چۇانگو مىنا بۇلاردى كۅرسۅتتۉ: بۉتكۉل اپتونوم رايوندوعۇ ار داراجالۇۇ ارقايسى تارماقتار ۉي-بۉلۅلۅردۉن مادانئيلىك قۇرۇلۇشۇنۇن زارىلدىعىن تولۇق تاانىپ جەتىپ، ماڭىزدۇۇ كۉندۅلۉك تارتئپ وردۇندا قاراپ، دىلگىرلىك مەنەن جەتەكتەپ جىلىشتاتىپ، ارقايسى جاق بايلىعىن بىردىكتۉۉ جوسپورلوپ، مىلدەتتى جۉزۅلۅشتۉرۉۉگۅ كەپىلدىك قىلۇۇ كەرەك. رۇحۇ مادانئيلىك قۇرۇلۇشۇ قىزماتى تارماقتارى شايكەشتىرىپ جەتەكتۅۅ رولۇن جايىلتىپ، جۇمۇشچۇلار ۇيۇشماسى، كوممۇنئستىك جاشتار ىنتىماعى، ايالدار بىرىكمەسى سىياقتۇۇ جۇرتچۇلۇق توبۇ ۅزدۅرۉۉنۉن ابزەلدۉلۉگۉن تولۇق جايىلتىپ، ۉي-بۉلۅ مادانئيلىك قۇرۇلۇشۇنۇن كۉچتۉۉ بىرىكمە كۉچۉن قالىپتاندىرۇۇنۇ جىلىشتاتۇۇ كەرەك. تۇرمۇشۇندا قىيىنچىلىعى بار ۉي-بۉلۅلۅرگۅ تولۇپ-تاشقان رۇحۇ-مااناي مەنەن قامقوردۇق كۅرسۅتۉپ جاردام بەرىپ، پارتئيا مەنەن ۅكۉمۅتتۉن قامقوردۇعۇن الاردىن ايلاناسىنا جەتكىرۉۉ كەرەك.

التاي ايماعى چئڭگىل وودانىنان دىيقان انىيپا الماقۇن، قاراماي شاارى شئنجاڭ نەفىت تالاسى وور ۅنۅرجاي نەفىتىن اچىپ-ۅنۉكتۉرۉۉ شەرىكتىگىنىن جۇمۇشچۇسۇ رۇزۇمەمەت باقى داڭازالانعان ۉي-بۉلۅلۅرگۅ ۅكۉل بولۇپ سۅز سۉيلۅدۉ.

 الار مىنداي دەشتى: باش شۇجئ شئ جئنپىڭدىن ايتقان سۅزدۅرۉن ەسىبىزدە مۉلدۅ بەكەم ساقتاپ، ۉي-بۉلۅلۅردۉن مادانئيلىك قۇرۇلۇشۇن جاقشى ىشتەپ، ايلانابىزداعى جۇرتچۇلۇق جانا ۉي-بۉلۅلۅردۉ جەتەكتەپ مادانئي ۉي-بۉلۅ قۇرۇلۇشۇنا قاتىشتىرىپ، سوتسىيالىزىمدىك شئنجاڭ قۇرۇلۇشۇ ۉچۉن سالىم قوشوبۇز.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.