باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
چىن چۇانگو تۇرپان شاارىنا بارىپ ار ۇلۇت كادىر قالايىق قالىقتان ال سۇرادى
   2017-01-26 12:26:27     xjbs   

كۅكتۅم مايرامىنىن الدىندا اپتونوم رايوندۇق پارتكوم شۇجئسى، شئنجاڭ ۅندۉرۉش قۇرۇلۇش بىڭتۇان پارتكومۇنۇن بئرىنچى شۇجئسى، بئرىنچى كوممۇسسارى  چىن چۇانگو تۇرپان شاارىنا بارىپ ار ۇلۇت كادىر قالايىق قالىقتان ال سۇراپ، اپتونوم رايوندۇق پارتكوم، ۅكۉمۅت اتىنان اپتونوم رايونۇبۇزداعى ار ۇلۇت ەلىنىن، بىڭتۇان كادىرلارىنىن كۅكتۅم مايرامىن قىزۇۇ قۇتتۇقتادى. 
 
چىن چۇانگو ئدىقۇت رايونۇ تئيانما جايۇان الپ دۉكۅنۉنۅ  كەلىپ، مايرامدىق بازاردىن قامدوو ابالىن كۅزدۅن كەچىردى، الپ دۉكۅندۅ ادامداردىن اياباي كۅپ بولۇپ، توۋارلاردىن باردىق تۉرۉ تولۇق ەلە، چىن چۇانگو بئر جاعىنان كۅرۉپ، بات- بات توقتوپ كۅكتۅم مايرامدىق توۋار ساتىپ الىپ جاتقان شاار تۇرعۇندارى مەنەن سۉيلۅشۉپ، كۅپچۉلۉك مەنەن سالامداشىپ، مايرامىن قۇتتۇقتاپ، كۅكتۅم مايرامدىق توۋار ساتىپ الۇۇسۇن جانا تۇرمۇش ابالىن سۇراشتىردى. شاار تۇرعۇندارى قۇبانىچتۇۇ تۉردۅۅ:« كۅكتۅم مايرامدىق نەرسەلەردى دايارداپ بۉتتۉك، تۇرمۇشۇن جاقشى ۅتۉپ جاتات» دەپ جووپ قايتاردى. 
ار بئر جايما الدىندا چىن چۇانگو توۋاردىن ۅندۉرۉلگۅن جەرى، بااسى، ساتىلۇۇسۇ جانا زاپاس ۅلچۅمۉ سىياقتۇۇ ابالداردى استايدئل سۇراشتىردى. كۅكتۅم مايرامدىق بازار قامدووسۇنۇن جەتەرلۉۉ، بااسىنىن تۇرۇقتۇۇ ەكەنىن بىلىپ، چىن چۇانگو ابدان سۉيۉندۉ. ال مىنالاردى تااقىدى: قالايىق- قالىق ساپاتقا ەڭ كۅڭۉل بۅلۅت، بااعا ەڭ سەزگىر، وشوندۇقتان ايلاندىرۇۇ جانا زاپاس ساقتوونۇ تەسكۅۅنۉ كۉچۅتۉپ، قالايىق- قالىقتىن تۇرمۇشۇنا كەرەكتۉۉ توۋارلاردىن بازاردى قامدووسۇنا كەپەلەتتىك قىلىپ، وقشوبوعون قالىقتىن وقشوبوعون اجاتىن قاندىرىپ، ساپاتقا كەپەلەتتىك قىلعان چەندە مۉمكۉن بار ايلانۇۇ القاعىن ازايتىپ، تۅمۅن ۅزدۉك نارقتا جەتكىرىپ، توۋار بااسىنىن نەگىزگى تۇرۇقتۇۇلۇعۇنا كەپەلەتتىك قىلىپ، ار ۇلۇت قالايىق- قالىققىن داعىدا كۅپ نارىپقا ەە قىلىپ، ساپاتتى، باانى كۅزۅمۅلدۅپ باشقارۇۇنۇ كۉچۅتۉپ، كۅپچۉلۉكتۉن قىينالباي ساتىپ الۇۇسۇن، قادىرجام جەەشىن، قامسىز ىشتەتۉۉسۉن ئش جۉزۉنۅ اشىرىپ، ار ۇلۇت قالايىق- قالىققىنىن قۇبانىچتۇۇ مايرام ۅتكۅرۉسۉنۅ كەپەلەتتىك قىلۇۇ كەرەك.   
 الپ دۉكۅندۉن الدىنداعى جايمادا، پانۇس چىراقتار، كۅكتۅم مايرامدىق باتا قاعازدار تولتۇرا ۉيۉلۉپ، ار تۉركۉن جەڭىل اش- تاماقتار چىعارىلعان. چىن چۇانگو جايماچىلاردان الاردىن بااسىن سۇراپ، كىرەشەسى جۅنۉندۅ سۅزگۅ تارتىپ، سووداگەرلەردىن سووداسىنىن ۅتۉمدۉۉ بولۇۇسۇن تىلەدى. كۅكتۅم مايرامدى قۇبانىچتۇۇ مااناي مەنەن ۇتۇرلاپ جاتقان كۉندۅردۅ، چىن چۇانگو كۅڭۉلۉندۅ داعى ەلە قىيىنچىلىعى بار جۇرتچۇلۇقتۇن تۇرمۇشۇن ويلوپ، اتايىن ئدىقۇت ەسكى شاار رايونۇ جولۇ كۅچۅ باشقارماسى بئنحۇ قوومدۇق قونۇشۇنداعى ۋاڭ فىيدىن ۉيۉنۅ بارىپ، بئر ۉي-بۉلۅ كىشىلەرىنىن تۇرمۇش، قىزمات ابالىن ەەلەدى. ۋاڭ فىيدىن جاقشى دوسۇ بارىي مەمەت مەنەن انىن جۇبايى ۇچۇردا ۉيۉندۅ  كۅكتۅم مايرامدىق جەمىكتىكتەردى دايىندوو مەنەن شاشىلىش بولۇپ جۉرگۅن ەكەن. چىن چۇانگو ەكى ۉي-بۉلۅ كىشىلەرى مەنەن بئرگە ولتۇرۇپ، جىلۇۇ ماانايدا الار مەنەن چاقان مايەك قۇردۇ. ۉيۉڭدۅ قانچا جان بار؟ كىرەشەنى قايدان كىرگىزەسىڭەر؟ تۇرمۇشۇڭاردا قىيىنچىلىق باربى؟ دەگەندەردى چىن چۇانگو ابدان ىچكەلەي سۇرامجىلادى. ۋاڭ فىي چىن چۇانگوعو، ۅزۉنۉن ايالىنىن قىزمات وردۇنان بوشوتۇلعاندان كىيىن بئر تەلەفون ساتۇۇ بازارىندا جۇمۇش ىشتەي تۇرعانىن، بالاسىنىن جوعورۇ وقۇۇجايدا وقۇۇ جاردام  اقچاسى مەنەن وقۇي تۇرعانىن، ۅزدۅرۉنۉن تۇرمۇشقا بولعون ىشەنىمىنىن بەكەم ەكەنىن ايتتى. چىن چۇانگو ۋاڭفىيدى شىقتاندىرپ، ماملەكەتتىن ەلگە نار جەتكىرۉۉچۉ ساياساتىنىن بارعانسايىن كۅپ بولۇپ جاتقانىن، پارتئيا مەنەن ۅكۉمۅتتۉن جاردامىندا، ۅزدۅرۉنۉن قوش قولۇنا سۅۅنۉپ چىمىرقانىپ ەمگەكتەنسە ەلە، تۇرمۇشۇنۇن كۉندۅن-كۉنگۅ جاشىلاناتۇرعانىن ايتقان. ۋاڭفىي ۉي-بۉلۅسۉ مەنەن بارىي مەمەت ۉي-بۉلۅسۉ تانىشقان جەتى جىلدان بەرى، ۅز ارا جاردامدا بولۇشۇپ، دايىما باردى-كەلدى جاساپ، قۇدۇم بئر ۉي-بۉلۅ كىشىلەرىندەي تۇرمۇش كەچىرەتۇرعانىنان قاباردار بولعوندون كىيىن، چىن چۇانگو ابدان قۇبانىپ، الاردىن چوعۇۇ چىمىرقانىپ، ۇلۇتتار ىنتىماقتاۇلۇعۇن جاقشى بەكەمدەپ، بالدارىن جاقشى تاربئيالاپ، بئرگە الدۇۇ دەڭگەەلگە قاراي ارىش تاشتووسۇن ۉمۉت قىلدى. چىن چۇانگو داعى بارىيدىن نەبىرە جەەن قىزىنا كۅكتۅم مايرامدىق اقچا بەرىپ، ەكى ۉي-بۉلۅ كىشىلەرىنە مايرامدىق ال سۇروو اقچاسىن بەلەك قىلىپ، الاردىن كۅكتۅم مايرامدى قۇبانىچتۇۇ ۅتكۅرۉۉسۉن تىلەدى.
 
       قوومدۇق قونۇش تەيلۅۅ بوربورۇندا، چىن چۇانگو قوومدۇق قونۇش پارتئيا قۇرۇلۇشۇ قىزماتى، ەلگە ىڭعايلۇۇلۇق جەتكىرۉۉ تەيلۅۅسۉ سىياقتۇۇ ابالداردى استايدىل ەەلەدى. چىن چۇانگو مىنا بۇلاردى باسا بەلگىلەدى: نەگىزگى قاتماردىن ۇيۇمدۇق قۇرۇلۇشۇن كۉچۅتۉپ، چىن ىقىلاستۇلۇق مەنەن بۉت زەەنى مەنەن ەل ۉچۉن تەيلۅۅ جۉرگۉزۉۉدۅن تۇرعان تۉپكۉ ماقساتىن ئش-جۉزۉندۉلۉكتۅن ۅتكۅرۉپ، قوومدۇق قونۇشتۇن پارتئيا قۇرۇلۇشۇن كۉچتۉۉ بولعون كۉرۅشۉۉ ۇل تاشىنا، جۇرتچۇلۇق مەنەن بايلانىش جاساپ، جۇرتچۇلۇققا تەيلۅۅ جۉرگۉزۉۉچۉ الدىنقى چەپ كۅزۅنۅگۉنۅ ايلاندىرۇۇ كەرەك. شۇجئ چىن چۇانگونۇن كەلگەنىنەن قاباردار بولعوندون كىيىن، ۇچۇردا كۅكتۅم مايرامدىق بئرلەشمە كەچەلىگى ويۇن نومۇرلارىنا ماشىقتانىپ جاتقان قوومدۇق قونۇش تۇرعۇندارى ايرىقچا قۇبانىشىپ، قوومدۇق قونۇش قىيمىل بوربورۇنۇن چوڭ زالىنا چوعۇلعان ەلە. چىن چۇانگو كۅپچۉلۉك مەنەن قۇۇناق ماانايدا پىكىر الماشتىرىپ، قوومدۇق قونۇش تۇرعۇندارىنا كۅكتۅم مايرامدىق قاالوو-تىلەگىن ايتتى. جۇ چەنپىڭ مەنەن ايگۉل عالىپ ەكۅۅنۉن تۇرمۇش قۇرعانىنا 18 جىل بولۇپ، ەكى تاراپ ۅزدۅرۉنۉن سالىت-سااناسىنا ۅز ارا ۇرمات قىلىشىپ، ۇلۇۇ مۇۇندارعا جاقشى قاراپ، ار جىلى بئر ۉي-بۉلۅ كىشىلەرى كۅكتۅم مايرام، وروزو ايىت، قۇرمان ايتتاردى چوعۇۇ ۅتكۅرۉشۅت ەكەن. چىن چۇانگو ەرلۉۉ-زايىپتۇۇلاردىن ىنتىماقتۇۇ تۇرمۇشۇنۇن داعىدا باقتىلۇۇ ۅتۉۉسۉن، وشوندوي ەلە بۉت شئنجاڭداعى ار ۇلۇت ەلىنىن، بئڭتۇانداعى قالىڭ كادىر-جۇمۇشچۇلاردىن كۅكتۅم مايرامىن قۇتتۇقتاپ، باق-تاالاي، ىىيگىلىك تىلەدى. جاڭى بئر جىلدا، كۅپچۉلۉكتۉن داعىدا جاقشى ناتىيجالارعا قول جەتكىرىپ، جولدوش شئ جئنپىڭدى ۅزۅك قىلعان پارتئيا بوربوردۇق كومتەتىنىن كۉچتۉۉ جەتەكچىلىگىندە، اناردىن دانىنداي تىعىز ىنتىماقتاشىپ، شئنجاڭدىن داعىدا قووز بولوچوعۇن چوعۇۇ چىمىرقانىپ قۇرۇپ چىعۇۇسۇن ۉمۉت قىلدى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.